गतिमंद तरुणीवर ५ महिन्यांपासून वारंवार बलात्कार, गरोदर राहिल्यानंतर धक्कादायक घटना उघड

मुंबई : पालघर जिल्ह्यात एका गतिमंद तरूणीवर गेल्या ५ महिन्यांपासून वारंवार बलात्कार झाल्याची धक्कादायक घटना उघडकीस आली आहे. पीडित तरूणीने घडलेला प्रकार आईला सांगितल्यानंतर ही घटना समोर आली आहे. पोलिसांनी याप्रकरणी ४८ वर्षीय आरोपीला अटक केली आहे.

मिळालेल्या माहितीनुसार, पालघर जिल्ह्यातील विक्रमगडमध्ये गतिमंद तरूणीवर ४८ वर्षीय व्यक्तीने बलात्कार केला. गेल्या ५ महिन्यांपासून आरोपी तिच्यावर वारंवार अत्याचार करत होता. दरम्यान, पीडिता गरोदर राहिल्यानंतर तिने घडलेला प्रकार आपल्या आईला सांगितल्याने ही घटना उघडकीस आली. आरोपी पीडितेला सतत धमकी द्यायचा. त्यानंतर तिच्यावर अत्याचार करायचा, अशी माहितीही मनोर पोलिसांनी दिली. दरम्यान, पीडितेच्या तक्रारीवरून आरोपीविरोधात बलात्कार आणि इतर संबंधित कलमांन्वये गुन्हा दाखल करण्यात आला आहे. पोलिसांनी शनिवारी या प्रकरणातील संशयित आरोपीला अटक केली आहे.