सोशल मीडिया स्टार फैजल शेखला पोलिसांनी केली अटक

मुंबई : सोशल मीडिया स्टार फैजल शेख उर्फ फैजू याला ओशिवरा पोलिसांनी अटक केली. भरधाव कार चालवून अपघात केल्याप्रकरणी पोलिसांनी त्याला अटक केली आहे.

जवळपास अडीच कोटींच्या घरात फॉलोअर्स असलेल्या फैजू याची कार एका सोसायटीच्या प्रवेशद्वाराला धडकून अपघात झाला आहे. फैजल हा त्याच्या काही सहकाऱ्यांसोबत ओशिवरातल्या मिलत नगर भागात कारने आला होता. भरधाव कारवरचा ताबा सुटून ती गेटला धडकली आणि त्यानंतर ती सोसायटीत घुसली. ओशिवराच्या मिलत नगर परिसरात हा प्रकार घडला. यानंतर मोठा गोंधळ उडाला. या अपघातात कुणालाही दुखापत झाली नाही. मात्र, संबंधित सोसायटीचे नुकसान झाले आहे. या प्रकरणी ओशिवरा पोलीस ठाण्यात तक्रार दाखल केल्यानंतर त्याच्याविरोधात गुन्हा नोंदवण्यात आला आहे. त्यानंतर पोलिसांनी त्याला अटक केली.