मुंबईचे पोलीस आयुक्त परमबीर सिंग यांची अखेर बदली

मुंबईचे पोलीस आयुक्त परमबीर सिंग यांची अखेर बदली करण्यात आली आहे. परमबीर सिंग यांची गृहरक्षक दलामध्ये बदली करण्यात आली असून त्यांच्या जागेवर हेमंत नगराळे यांची मुंबईचे नवे पोलीस आयुक्त म्हणून नियुक्ती करण्यात आली आहे.

सचिन वाझे प्रकरणात गेल्या काही दिवसांपासून परमबीर सिंग यांच्यावर टीका केली जात होती. अखेर आज राज्य सरकारने त्यांच्या बदलीचे आदेश दिले आहेत. गृहमंत्री अनिल देशमुख यांनी ट्विट करत याबाबत माहिती दिली आहे.