अनलॉकची प्रक्रिया सुरु असली तरी अद्याप जिम सुरु करण्यासाठी प्रशासनाने परवानगी दिलेली नाही, त्यामुळे सरकारकडे जिम पुन्हा सुरु करण्याचा मुद्दा उचलून धरावा यासाठी जिम व्यावसायिक आणि बॉडीबिल्डर्सनी मुंबईत मनसे अध्यक्ष राज ठाकरे यांची त्यांच्या निवासस्थानी कृष्णकुंजवर भेट घेतली.
राज ठाकरे म्हणाले की, विरोधी पक्षनेते देवेंद्र फडणवीस यांच्याशी माझं बोलणं झालं, तेही म्हणाले जिम सुरु झालं पाहिजे. आता मी सांगतो, जिम सुरु करा, ज्याला यायचं आहे, तो जिमला येईल. बघू काय होतं. किती दिवस लॉकडाऊनमध्ये काढणार आहात? केंद्राने दिलेल्या गाईडलाईन्स पाळून काळजी घ्या, असं आवाहनही त्यांनी केलं.
राज ठाकरे म्हणाले की, ‘गोल्फ आणि टेनिस यापेक्षा जास्त फिजिकल डिस्टन्स काय असू शकतो? मधू इथे आणि चंद्र तिथे. मी खेळायला सुरुवात केली आहे, काय होतंय बघूया…
जिम व्यावसायिक आणि बॉडीबिल्डर्सनी कारवाईची भीती व्यक्त केली तेव्हा राज ठाकरे म्हणाले, काय कारवाई करणार? सगळे मार्केट सुरु आहेत. हा सगळा मूर्खाचा बाजार सुरु आहे. केंद्र सरकार सांगत आहे की, जिम सुरु करा, विमानतळ सुरु करा. राज्य म्हणतयं, आम्ही नाही करणार, मग राज्याला काही वेगळी अक्कल आहे का?
राज ठाकरेंनी विचारलं, जिम सुरु केल्यानंतर तुम्ही कशी काळजी घेणार? या प्रश्नावर उत्तर देत जिम व्यावसायिकांनी सांगितलं,कार्डिओ बंद करणार असून सॅनिटायझेशनही करणार आहोत. तसेच एक तासाची एक बॅच अशा पद्धतीने जिम सुरु करण्याचा मानस असल्याचं सांगितलं आहे.
पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक…
बारामती : पुणे जिल्ह्यातील बारामती शहरात तरुणीचा अकस्मात आणि संशयास्पद मृत्यू झाल्याप्रकरणी तिच्या आईने दिलेल्या…
नाशिक : शनिवारी (दि. ८) झालेल्या महासभेत स्मार्टसिटी कंपनी आणि ‘एमएनजीएल’मुळे शहरातील रस्त्यांची झालेली दुरवस्था…
पुणे : पारी टॉवर्स सहकारी गृहरचना संस्था मर्यादित, नऱ्हेच्या संचालक मंडळाच्या पंचवार्षिक निवडणुकीत ‘उघडलेले पुस्तक’…
हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…
बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…