करोना चाचण्यांच्या बाबतीत अमेरिका पहिल्या तर भारत दुसऱ्या क्रमांकावर- डोनाल्ड ट्रम्प

अमेरिकेचे राष्ट्राध्यक्ष डोनाल्ड ट्रम्प यांनी करोना चाचण्यांच्या बाबतीत अमेरिका पहिल्या क्रमांकावर असल्याचं म्हटलं आहे. तसंच अमेरिकेनंतर भारताचा क्रमांक असून दुसरा कोणताही देश जवळपासही फिरकत नाही असं डोनाल्ड ट्रम्प यांनी सांगितलं आहे.

आम्ही जवळपास साडे सहा कोटींपेक्षा जास्त चाचण्या केल्या असून इतर कोणताही देश आमच्या जवळपासही नाही. एक कोटी १० लाख चाचण्यांसोबत भारत दुसऱ्या क्रमांकावर आहे. भारताची लोकसंख्याही १३० कोटी आहे. आतापर्यंत चाचण्यांची संख्या पाहता आम्ही पहिल्या क्रमांकावर असून दर्जात्मक चाचणीतही आम्हीच अव्वल आहोत, असं डोनाल्ड ट्रम्प यांनी सांगितलं आहे.