महाराष्ट्र

मोठी बातमी! परमबीर सिंग फरार घोषित

मुंबई : मुंबईचे माजी पोलीस आयुक्त परमबीर सिंग यांना फरार घोषित करण्यात आले आहे. परम बीर सिंग आणि अन्य दोघांना बुधवारी मुंबईतील न्यायालयाने फरार गुन्हेगार घोषित केले. सिंग यांच्यावर मुंबई पोलिसांनी दाखल केलेल्या खंडणीच्या गुन्ह्याच्या संदर्भात हे प्रकरण आहे. मुंबईच्या किल्ला कोर्टाने त्यांना फरार घोषित केले आहे. गोरेगावच्या एका प्रकरणात गुन्हे अन्वेषण विभागाने त्यांच्याविरोधात अनेक समन्स काढले होते. त्यानंतरही ते पोलिसांसमोर हजर राहिले नव्हते. सिंग यांच्यासह रियाज भाटी आणि विनायक सिंग यांना फरार घोषित करण्यात आलं आहे.

मुंबई पोलिसांनी शनिवारी परम बीर सिंग यांना गोरेगाव पोलिसांनी नोंदवलेल्या खंडणीच्या गुन्ह्यात, विनायक सिंग आणि रियाझ भाटी या अन्य दोन आरोपींसह फरार गुन्हेगार घोषित करण्याच्या मागणीसाठी दंडाधिकारी न्यायालयात धाव घेतली होती. अखेर मुंबईच्या किल्ला कोर्टाने त्यांना फरार घोषित केले आहे.

शहर पोलीस आता त्यांच्या ज्ञात पत्त्यांवर नोटीस चिकटवतील आणि त्यांना 30 दिवसांच्या आत हजर राहण्याचे निर्देश वृत्तपत्रांमध्ये प्रकाशित करतील. जर ते हजर झाले नाहीत तर पोलिस त्यांच्या मालमत्ता जप्त करण्याची प्रक्रिया सुरू करतील. मॅजिस्ट्रेट कोर्टाने गेल्या महिन्यात या प्रकरणी तिघांविरुद्ध अजामीनपात्र वॉरंट (NBW) जारी केले होते. ठाण्यातील न्यायालयाने ऑक्टोबरमध्ये सिंग यांच्याविरोधात अजामीनपात्र वॉरंट जारी केला होता. मरीन ड्राईव्ह पोलिस ठाण्यात दाखल झालेल्या खंडणीच्या गुन्ह्याच्या संदर्भात गेल्या आठवड्यात त्याच्याविरुद्ध तिसरा अजामीनपात्र वॉरंट जारी करण्यात आला होता. सोमवारी मेट्रोपॉलिटन मॅजिस्ट्रेट कोर्टाने सिंग यांच्याविरुद्ध जारी केलेल्या अजामीनपात्र वॉरंटचा अहवाल मागवला.

क्राइम ब्रँचने आपल्या याचिकेत म्हटले होते की सिंह यांच्याविरुद्ध गेल्या महिन्यात जारी केलेल्या अजामीनपात्र वॉरंटचे पालन करण्यासाठी अधिकाऱ्यांना नियुक्त करण्यात आले होते. त्यात म्हटले आहे की सिंग आणि दोन सहआरोपींच्या सर्व शेवटच्या ज्ञात निवासस्थानी पथके पाठवण्यात आली होती, परंतु त्यांचा शोध लागला नाही. सिंग यांच्या मलबार हिल येथील निवासस्थानी त्यांच्या कर्मचार्‍यांनी पोलिसांना सांगितले की, ते गेल्या तीन महिन्यांपासून घरात राहिलेले नाहीत किंवा त्यांच्या कुटुंबातील सदस्यही घरी आलेले नाहीत.

Share this :
थोडक्यात घडामोडी टीम

कमीत कमी शब्दांमध्ये बातम्या देणारे, आजच्या घडीला थोडक्यात घडामोडी हे मराठीतलं सर्वात वेगानं वाढणारं न्यूजपोर्टल - थोडक्यात घडामोडी

Recent Posts

स्वातंत्र्यदिनानिमित्त डॉ. सोमनाथ गिते यांचा महापौरांच्या हस्ते गौरव

पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक…

1 महिना ago

लग्न ठरलेल्या प्रियकरासोबत तरुणीचा संशयास्पद मृत्यू; आईचा गंभीर आरोप

बारामती : पुणे जिल्ह्यातील बारामती शहरात तरुणीचा अकस्मात आणि संशयास्पद मृत्यू झाल्याप्रकरणी तिच्या आईने दिलेल्या…

1 महिना ago

चार महिन्यांपूर्वीचा नवाकोरा रस्ता ऑप्टिकल फायबरसाठी फोडला; राष्ट्रवादी काँग्रेसच्या नगरसेविका डॉ. हेमलता पाटील यांचा संताप; काम बंद पाडून अधिकाऱ्यांना जाब

नाशिक : शनिवारी (दि. ८) झालेल्या महासभेत स्मार्टसिटी कंपनी आणि ‘एमएनजीएल’मुळे शहरातील रस्त्यांची झालेली दुरवस्था…

1 महिना ago

‘उघडलेले पुस्तक’ पॅनेलचा दणदणीत विजय; सर्व १५ उमेदवार विजयी; सर्व प्रवर्गांत परिवर्तन आणि सुशासन पॅनेलला यश

पुणे : पारी टॉवर्स सहकारी गृहरचना संस्था मर्यादित, नऱ्हेच्या संचालक मंडळाच्या पंचवार्षिक निवडणुकीत ‘उघडलेले पुस्तक’…

1 महिना ago

हिंगोलीत धक्कादायक प्रकार! डिझेलअभावी रुग्णवाहिका न मिळाल्याने गर्भातील बाळाचा दुर्दैवी मृत्यू

हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…

4 महिने ago

भाविकांसाठी आनंदाची बातमी; धार्मिक स्थळांवर मिळणार दर्जेदार आणि पौष्टिक अन्न सेवा सुविधा

बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…

4 महिने ago