The thugs threatened and force her for marriage
यवतमाळ : हळदी समारंभात वधूच्या भावाचा हृदयविकाराच्या झटक्याने मृत्यू झाल्याची दुःखद घटना घडली आहे. पुसद तालुक्यातील श्रीरामपूर येथे चुलत बहिणीच्या लग्नाला आलेल्या भावाला लग्न समारंभात हृदयविकाराचा झटका आला. बुधवारी सायंकाळी ही घटना घडली. डॉ. सोनल अशोक जैस्वाल (वय 36) असे मृत चुलत भावाचे नाव आहे.
पुसदजवळील श्रीरामपूर येथील पायल मुन्ना जैस्वाल आणि यवतमाळ येथील शुभम जैस्वाल यांचे गुरुवारी, ७ एप्रिल रोजी लग्न होणार होते. डॉ. सोनल हा पायलचा चुलत भाऊ आहे. ते कोल्हापुरातील एका विमा कंपनीत व्यवस्थापक होते. आपल्या चुलत भावाच्या लग्नात सहभागी होण्यासाठी ते कोल्हापुरातून आपल्या कुटुंबासह गावी आले होते. घरच्यांसोबत लग्नाच्या विधींचा आनंद घेताना सोनल खूप खुश होते. बुधवारी डॉ. सोनल यांनी त्यांची बहीण पायल हिला साडी दिली. काही क्षणांनंतर डॉ. सोनलच्या हृदयात वेदना होऊ लागल्या. त्यांना तातडीने पुसद येथील डॉ. मनीष पाठक रुग्णालयात दाखल करण्यात आले. मात्र, उपचारापूर्वीच त्यांचा मृत्यू झाल्याचे डॉक्टरांनी घोषित केले.
सोनल यांच्यावर त्यांच्या संपूर्ण कुटुंबाची जबाबदारी होती. 2010 मध्ये त्यांच्या वडिलांचेही हृदयविकाराच्या झटक्याने निधन झाले होते. त्यांच्या पश्चात आई अन्नपूर्णा, पत्नी स्वीटी, पाच महिन्यांचा मुलगा, बहीण करिश्मा असा परिवार आहे.
हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…
बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…
मुंबई : पुणे शहरातील हडपसर आणि पिंपरी-चिंचवडमधील दापोडी-फुगेवाडी परिसरात विषारी दारू प्यायल्याने १२ नागरिकांचा मृत्यू…
पुणे : महाराष्ट्र शासनाच्या सामाजिक न्याय व विशेष सहाय्य विभागामार्फत प्रदान करण्यात आलेल्या “राष्ट्रपिता महात्मा…
मुंबई : ‘महात्मा गांधी राष्ट्रीय ग्रामीण रोजगार हमी योजना’अंतर्गत महाराष्ट्रात विविध पदांसाठी तात्काळ भरती सुरू…
पुणे : पुणे शहर आणि जिल्ह्यात उष्णतेची तीव्रता दिवसेंदिवस वाढत असून भारतीय हवामान विभागाने (IMD)…