died due to electric shock
नाशिक : बांधकामावर पाणी मारताना विद्युत वाहिनीला स्पर्श झाल्याने विजेचा धक्का लागून तरुणाचा मृत्यू झाला. मंगेश प्रवीण राणे (वय २०) असे मृत तरुणाचे नाव आहे. सातपूर भागात विद्युत तारा भूमिगत करण्याच्या मागणीकडे दुर्लक्ष होत असल्याने ही दुःखद घटना घडली आहे.
सात माऊली चौकात राहणारा मंगेश प्रवीण राणे रविवारी सकाळी ११ वाजताच्या सुमारास घराचे बांधकाम चालू असलेल्या ठिकाणी बांधकामावर पाणी मारण्यासाठी आला होता. बांधकामाला लागूनच ११ केव्ही विद्युत वाहिनी गेलेली आहे. त्यामुळे ठेकेदाराने मंगेशला बांधकामाच्या ठिकाणी विद्युत तारांपासून जपून काम करण्याबाबत सूचना केली होती. परंतु, बांधकामावर पाणी मारताना मंगेशने घाईगडबड केल्यामुळे चुकून त्याच्या हाताचा धक्का विद्युत वाहिनीला लागला असावा, असे स्थानिक नागरिकांनी सांगितले. घटनेची माहिती मिळताच सातपूर पोलिस ठाण्याचे वरिष्ठ निरीक्षक रणजीत नलवडे यांनी सहकाऱ्यांसह घटनास्थळाची पाहणी केली.
दरम्यान, लोंबकळणाऱ्या विद्युत तारा भूमिगत करण्याची मागणी सर्वपक्षीय नेत्यांनी केली आहे. महावितरण कंपनीने विद्युत पुरवठा सुरळीत करण्याचे काम हाती घेतले होते. नागरिकांनी घरासमोरून जाणाऱ्या विद्युत वाहिनीच्या तारांपासून सावध व सुरक्षा बाळगावी, असे आवाहन महावितरणने केले आहे.
बीड : बीड जिल्ह्यात एक अत्यंत धक्कादायक आणि संतापजनक घटना समोर आली आहे. परळी तालुक्यातील…
मुंबई : देशातील हवामानात पुन्हा एकदा मोठे चढउतार पाहायला मिळत आहेत. हवामान विभागाने दिलेल्या ताज्या…
नाशिक : नाशिक जिल्ह्यातील निफाड परिसरात बेपत्ता झालेल्या एका परिचारिकेचा मृतदेह २४ दिवसांनी विहिरीत सापडल्याने…
नागपूर : ज्येष्ठ नेते व माजी मंत्री दत्ताभाऊ मेघे यांच्या निधनाचे वृत्त समजताच विदर्भात शोककळा…
पुणे : वाकड परिसरात २८ वर्षीय सॉफ्टवेअर इंजिनिअर महिलेची लग्नाच्या आमिषाने तब्बल ४२.६४ लाख रुपयांची…
मुंबई : २४ वर्षीय सागर गुप्ता या तरुणाचा मृत्यू झाला असून, त्याच्या हत्येप्रकरणी त्याच्या बहिणीचा…