सरकारचा मोठा निर्णय, नोकरदारांना पीएफवर मिळेल पूर्वीइतका व्याजदर

कर्मचारी भविष्य निर्वाह निधी संघटनेने (EPFO) 6 कोटीहून अधिक नोकरदारांना मोठा दिलासा दिला आहे. EPFO ने पीएफ वरील व्याज दर जाहीर केला आहे. EPFO च्या केंद्रीय विश्वस्त मंडळाने (CBT) आर्थिक वर्ष २०२०-२१ साठी भविष्य निर्वाह निधीवरील व्याज दर कायम ठेवला आहे. पीएफवर 8.5 टक्के दराने व्याज दिले जाईल. ईपीएफ व्याजदराबाबत निर्णय आज श्रीनगर येथे झालेल्या केंद्रीय विश्वस्त मंडळाच्या बैठकीत घेण्यात आला.

कोरोनामुळे व्याज दरात कपात होण्याची शक्यता वर्तवण्यात येत होती. मात्र, व्याजदरामध्ये कोणताही बदल न झाल्यामुळे नोकरदारांना मोठा दिलासा मिळाला आहे. तज्ज्ञांचे म्हणणे होते की कोरोना संकटाच्या पार्श्वभूमीवर या आर्थिक वर्षासाठी म्हणजेच 2020-21 व्याज दरात कपात केली जाऊ शकते. पीएफवरील व्याज दर आधीच सात वर्षांच्या नीचांकावर आहेत. २०१९-20 या आर्थिक वर्षासाठी सरकारने व्याज दर 8.5 टक्के देण्याचे निश्चित केले होते, जे सात वर्षातील सर्वात कमी होते.