हीरोसोबत झोपल्याने मिळतात भूमिका – कंगना राणावत

बॉलिवूडमधील ज्येष्ठ अभिनेत्री जया बच्चन यांनी काल संसदेत बॉलिवूडबाबत भाषण केलं,  कुणाचेही नाव न घेता त्यांनी म्हटले होते- “ज्या लोकांनी चित्रपटसृष्टीच्या आधारे नाव कमावले त्यांनीच तिचा उल्लेख गटार असा केला. ज्या ताटात जेवतात, त्याच ताटाला लोकांनी छेद पाडू नये”.  आता जया बच्चन यांच्या या विधानावर कंगनाने पुन्हा प्रतिक्रिया दिली  आहे.

कंगना राणावतने एक ट्वीट रीट्वीट केले आहे ज्यात जया बच्चन पूजेची थाळी घेऊन दिसत आहेत. या रीट्वीटमध्ये कंगना राणावतने लिहिले, ‘कोणती थाळी दिली जया बच्चन आणि त्यांच्या इंडस्ट्रीने? एक थाळी मिळाली होती ज्यात २ मिनिटांच्या भूमिकेसाठी, आयटम नंबर्स आणि एक रोमँटिक सीन मिळायचा, तोही हीरोसोबत झोपल्यानंतर. मी या इंडस्ट्रीला स्त्रीवाद शिकवला आहे ही थाळी देशभक्ती, स्त्रीप्रधान चित्रपटांनी सजवली आहे. ही थाळी माझी स्वतःची आहे जयाजी, तुमची नाही.