माजी क्रिकेटपटूने धोनीची तुलना केली कोब्रा सापाशी

आयपीएल सुरू होण्याआधी ऑस्ट्रेलियाचा माजी खेळाडू डिम जोन्सने धोनीच्या नेतृत्वाचे कौतुक केले आहे. जोन्स म्हणाला कि, धोनीने प्रथम खेळाडूंना शिस्त शिकवली असेल. जेणेकरून खेळाडू जैव सुरक्षिततेत राहतील. माही एक कुल कर्णधार आहे आणि त्याने १४ महिन्यांपासून क्रिकेट खेळले नाही.

धोनीची रणनिती ही पारंपारीक आहे. जेव्हा विरोधी संघाला बाद करण्याची रणनिती ठरवायची असते तेव्हा तो वेळ घेतो व मैदानावर शांत राहतो. विकेटच्या मागे उभा राहून फलंदाजावर तो दबाव टाकतो. जोन्सने धोनीची तुलना कोब्रा सापाशी केली. जोन्स म्हणाला कि, कोब्रा साप प्रतिस्पर्ध्याच्या चूकीची वाट पाहतो आणि त्याच्यावर हल्ला करतो. त्याचप्रमाणे धोनी देखील एक चूक होण्याची वाट पाहतो आणि प्रतिस्पर्ध्याला बाद करतो.

जागतिक क्रिकेटमध्ये लोक नेहमी लक्षात ठेवतील की धोनीने काय केले आहे. माझ्यासाठी तो नेहमी भारताच्या टॉप पाच ऑल टाइम क्रिकेटपटूंमध्ये असेल, असे जोन्स म्हणाला.