‘साराभाई व्हर्सेस साराभाई’ फेम अभिनेत्री तरला जोशी यांचे निधन

मुंबई : अभिनेत्री तरला जोशी यांचे हृदयविकाराच्या झटक्याने निधन झाले आहे. रविवारी त्यांनी अखेरचा श्वास घेतला. ‘साराभाई व्हर्सेस साराभाई’, ‘एक हजारों में मेरी बहना है’ यासह अनेक मालिकांमध्ये त्यांनी भूमिका निभावल्या आहेत.

अभिनेत्री निया शर्माने सोशल मीडियाच्या माध्यमातून त्यांच्या मृत्यूची माहिती दिली. नियाने तरला जोशी यांच्यासोबत ‘एक हजारों में मेरी बहना है’ या मालिकेत काम केले होते. नियाने लिहिले कि, “तरला जी तू नेहमीच ‘बडी बिजी’ राहशील. तुझी खूप आठवण येईल.”

तरला जोशी यांनी अभिनयाच्या क्षेत्रात पदार्पण करण्यापूर्वी वेशभूषा डिझाईनर म्हणून करिअरची सुरुवात केली होती. त्यांनी ‘साराभाई व्हर्सेस साराभाई’, ‘एक हजारों में मेरी बहना है’, ‘बंदिनी’ या मालिकांमध्ये तसेच ‘गांधी माय फादर’, ‘मजियारा है’ आणि ‘हम जो कह ना पाए’ यासारख्या चित्रपटात काम केले आहे.