गायक केके यांच्या शवविच्छेदनाचे प्राथमिक निष्कर्ष आले समोर, ‘या’ कारणामुळे मृत्यू…

मुंबई : प्रख्यात गायक केके (कृष्णकुमार कुन्नाथ) यांच्या शवविच्छेदनाचे प्राथमिक निष्कर्ष आले असून त्यात सूचित करण्यात आले की त्यांचा मृत्यू हृदयविकाराच्या झटक्याने झाला, असे एका वरिष्ठ पोलीस अधिकाऱ्याने बुधवारी सांगितले. अहवालात असेही म्हटले आहे की केके या नावाने प्रसिद्ध असलेल्या गायकाला “दीर्घकाळापर्यंत हृदयविकाराचा त्रास” होता.

“प्रारंभिक अहवालात असे सुचवले आहे की केके यांचा मृत्यू ह्दयस्नायूमध्ये रक्ताची गुठळी होऊन झाला आहे. त्यांच्या मृत्यूमागे कोणतीही चुकीची खेळी नाही. वैद्यकीय तपासणीत असेही आढळून आले की गायकाला दीर्घकाळ हृदयविकाराच्या समस्या होत्या,” असे अधिकाऱ्यांनी सांगितले. दरम्यान, 72 तासांनंतर अंतिम अहवाल उपलब्ध होईल.

मोठी बातमी! गायक केके यांच्या कपाळावर आणि ओठांवर जखमेच्या खुणा, गुन्हा दाखल

मंगळवारी रात्री एका कॉन्सर्टमधून हॉटेलमध्ये परतल्यावर केके बेशुद्ध झाले, त्यानंतर त्यांना रुग्णालयात नेण्यात आले होते. तेथे केके यांना डॉक्टरांनी मृत घोषित केले. त्यानंतर त्यांच्या कपाळावर आणि ओठांवर जखमेच्या खुणा दिसल्यानंतर पोलिसांनी अनैसर्गिक मृत्यूची नोंद करून तपास सुरू केला आहे. तपासाचा एक भाग म्हणून, पोलिसांनी हॉटेल अधिकाऱ्यांशी बोलून सीसीटीव्ही फुटेजची छाननी केली आहे.

प्रसिद्ध गायक केके ऊर्फ कृष्णकुमार कुन्नत यांचे कोलकात्यात निधन, कॉन्सर्टनंतर कोसळले आणि…