After the famous sitar player Debu Chowdhury, his son Prateek Chowdhury passed away due to Corona
प्रख्यात सितारवादक प्रतीक चौधरी यांचे कोरोनामुळे निधन झाले आहे. गेल्या आठवड्यातच त्यांचे वडील आणि संगीतकार पंडित देवब्रत चौधरी यांचे कोरोना संसर्गाने निधन झाले होते. 49 वर्षीय प्रतीक चौधरी यांच्यावर दिल्लीतील गुरु तेग बहादूर रुग्णालयात उपचार सुरु होते. परंतु, गुरुवारी त्यांनी अखेरचा श्वास घेतला.
संगीत इतिहासकार पावन झा यांनी ट्विटरद्वारे ही बातमी शेयर केली. ते म्हणाले कि, “प्रतीक चौधरी यांचे निधन झाले आहे. तो प्रख्यात संगीतकार आणि प्रतिभावान कलाकार देबू चौधरी यांचा मुलगा होता. तो आयसीयूमध्ये जीवन-मृत्यूशी संघर्ष करत होता. आता तो त्याच्या वडिलांकडे निघून गेला आहे. त्याच्या दिवंगत आत्म्याला शांती लाभो.”
ते पुढे म्हणाले, “त्याची तब्येत सुधारत होती. देबूजी सोबतच त्याला जीटीबी रुग्णालयात दाखल केलं होतं. सोमवारी जेव्हा त्याला रुग्णालयातून सोडण्यात आलं तेव्हा मी त्याच्याशी शेवटचं बोललो होतो. परंतु वडिलांच्या निधनाच्या बातमीने तो पूर्णपणे तुटला होता. हे खूप वाईट आहे.”
प्रसिद्ध सितार वादक देवब्रत चौधरी हे देबू चौधरी म्हणून लोकप्रिय होते. गेल्या आठवड्यात शनिवारी त्यांचे निधन झाले. प्रतीक चौधरी हे संगीताच्या सेनिया घराण्यातून होते. ते दिल्ली विद्यापीठात संगीत, संगीत आणि ललित कला विद्याशाखा विभागातील प्राध्यापक होते. प्रतीक यांच्या पश्चात पत्नी रुना आणि मुले रायना व अधिराज आहेत.
मुंबई : भारतीय हवामान खात्याच्या (आयएमडी) दिनांक २० एप्रिल २०२६ रोजी जाहीर केलेल्या पाच दिवसीय…
शिबलापूर : समाजहिताची जाणीव जपत आणि शिक्षणाला हातभार लावण्याच्या उद्देशाने, महाराष्ट्र शासनाकडून प्रदान करण्यात आलेल्या…
बीड : बीड जिल्ह्यात एक अत्यंत धक्कादायक आणि संतापजनक घटना समोर आली आहे. परळी तालुक्यातील…
मुंबई : देशातील हवामानात पुन्हा एकदा मोठे चढउतार पाहायला मिळत आहेत. हवामान विभागाने दिलेल्या ताज्या…
नाशिक : नाशिक जिल्ह्यातील निफाड परिसरात बेपत्ता झालेल्या एका परिचारिकेचा मृतदेह २४ दिवसांनी विहिरीत सापडल्याने…
नागपूर : ज्येष्ठ नेते व माजी मंत्री दत्ताभाऊ मेघे यांच्या निधनाचे वृत्त समजताच विदर्भात शोककळा…