अभिनेता सूरज थापर ICU मध्ये दाखल, मालाडमधील रुग्णालयात उपचार सुरु

नवी दिल्ली : अभिनेता सूरज थापर यांना प्रकृती अस्वास्थ्यामुळे ICU मध्ये दाखल करण्यात आलं आहे. कोरोनामुळे मुंबईतील सर्व शूटिंग बंद असल्यामुळे सूरज थापर ‘शौर्य और अनोखी’ या मालिकेच्या शूटिंगसाठी दररोज मुंबई- गोवा प्रवास करत होते.

मिळालेल्या माहितीनुसार, सूरज यांना तीन दिवसांपासून हलका ताप येत होता. सूरज थापर गोव्याहून मुंबईला परत आले तेव्हा त्यांची तब्येत अचानक खराब झाली, त्यानंतर त्यांना आयसीयूमध्ये दाखल करण्यात आले.

सूरज थापर यांची बहीण वनिता थापर यांनी सांगितले की, सूरजचा कोविड अहवाल अद्याप आलेला नाही. सूरजला मुंबईत येताच तीव्र ताप आला आणि ऑक्सिजनची पातळीही कमी होऊ लागली, त्यानंतर त्याला त्वरित आयसीयूमध्ये दाखल केले. त्यांना मालाडमधील एका रुग्णालयात दाखल करण्यात आलं आहे.

सूरज स्वत: च्या आरोग्याबद्दल खूप जागरूक आहे. ते वेळोवेळी आपला आहार आणि फिटनेस तपासत राहतो. सूरजने विविध टीव्ही शो आणि चित्रपटांमध्ये काम केले आहे. ‘ससुराल गेंदा फूल’, ‘एक रिश्ता सांझेदारी का, हम पाच फिर, एक नई जंग आणि इतर अनेक लोकप्रिय टीव्ही कार्यक्रमांमध्ये त्यांनी काम केले असून ते प्रेक्षकांमध्ये चांगलेच लोकप्रिय आहेत.