अभिनेता सोनू सूदला कोरोनाची लागण

अभिनेता सोनू सूदला कोरोनाची लागण झाली आहे. त्याने स्वतःच सोशल मीडियावर ही माहिती शेअर केली. सोनूने म्हटले आहे कि, ‘आज सकाळी माझी कोरोना चाचणी पॉझिटिव्ह आली आहे. म्हणून मी स्वत: ला विलगीकरणात ठेवले आहे. काळजी करण्याची काहीच गरज नाही, उलट, आपल्या लोकांच्या समस्या सोडविण्यासाठी आता माझ्याकडे पूर्वीपेक्षा जास्त वेळ असेल. लक्षात ठेवा, मी नेहमीच तुमच्याबरोबर आहे.’

गेल्या वर्षी लॉकडाऊनमध्ये सोनूने लोकांना खूप मदत केली होती. आताही आपल्या सामाजिक संघटनेच्या माध्यमातून तो देशभरातील लोकांना वेगवेगळ्या प्रकारे मदत करत असतो.