ज्येष्ठ अभिनेते महेश मांजरेकर यांना कर्करोगाचे निदान, मुंबईत पार पडली शस्त्रक्रिया

मुंबई : ज्येष्ठ अभिनेते आणि चित्रपट निर्माते महेश मांजरेकर यांना मुंबईतील रुग्णालयात दाखल करण्यात आलं होतं. महेश मांजरेकर यांना मूत्राशयाच्या कर्करोगाचे निदान झाल्याची माहिती मिळाली आहे. उपचारांसाठी त्यांना रुग्णालयात दाखल करण्यात आलं होतं. आता त्यांच्यावर शस्त्रक्रिया पार पडली आहे.

मिळालेल्या माहितीनुसार, महेश मांजरेकर उपचार घेऊन पुन्हा घरी परतले आहेत. काही दिवसांपूर्वी महेश मांजरेकर मुंबईतील एच एन रिलायन्स रुग्णालयात दाखल झाले होते. त्यानंतर त्यांच्यावर शस्त्रक्रिया करण्यात आली. महेश मांजरेकर यांची प्रकृती आता व्यवस्थित आहे.