क्राईम

आदर्श शिक्षक पुरस्कार मिळालेल्या शिक्षकाकडून विद्यार्थिनीवर लैंगिक अत्याचार, ग्रामस्थांनी रंगेहाथ पकडलं आणि…

यवतमाळ : यवतमाळमधील बेलोरा येथे एक अतिशय धक्कादायक प्रकार समोर आला आहे. शिक्षकाने शाळेतील एका अल्पवयीन माजी विद्यार्थिनीवर शाळेतच लैंगिक अत्याचार केल्याची घटना घडली आहे. गावातील लोकांनी आज (७ ऑगस्ट) दुपारी या शिक्षकास विद्यार्थिनीवर अत्याचार करताना रंगेहाथ पकडलं. त्यानंतर संतापलेल्या गावकऱ्यांनी या शिक्षकाला मारहाण करण्यास सुरुवात केली. तसेच त्याची दुचाकी देखील जाळून टाकली. मारहाणीत तो गंभीर जखमी झाला आहे.

मिळालेल्या माहितीनुसार, अरूण राठोड (५५) असे आरोपी शिक्षकाचे नाव असून तो बेलोरा येथील जिल्हा परिषद शाळेत कार्यरत आहे. विशेष म्हणजे हा शिक्षक आदर्श शिक्षक पुरस्काराने सन्मानित करण्यात आलेला आहे. ग्रामस्थांना हा शिक्षक विद्यार्थिनीवर अत्याचार करत असल्याची माहिती मिळाली होती. त्यामुळे ग्रामस्थांनी या शिक्षकाला रंगेहाथ पकडून शाळेत डांबले. त्यानंतर या शिक्षकाला बेदम चोप दिला.

या घटनेची माहिती पोलिसांना मिळाल्यानंतर पोलिस घटनास्थळी पोहोचले. त्यानंतर ग्रामस्थांनी शिक्षकाला पोलिसांच्या ताब्यात दिले. गावकऱ्यांनी केलेल्या मारहाणीत शिक्षक गंभीर जखमी झाला असून त्याला शासकीय वैद्यकीय महाविद्यालयात उपचारासाठी भरती करण्यात आले आहे. त्याच्यावर गुन्हा दाखल करण्यात आला आहे. दरम्यान, विद्यार्थिनीवर अत्याचार करतानाचा व्हिडिओ सोशल मीडियावर प्रसारित झाल्याने खळबळ उडाली आहे.

थोडक्यात घडामोडी टीम

कमीत कमी शब्दांमध्ये बातम्या देणारे, आजच्या घडीला थोडक्यात घडामोडी हे मराठीतलं सर्वात वेगानं वाढणारं न्यूजपोर्टल - थोडक्यात घडामोडी

Recent Posts

पुण्यात सॉफ्टवेअर इंजिनिअर महिलेला ४२.६४ लाखांचा गंडा, मॅट्रिमोनियल फ्रॉडचा धक्कादायक प्रकार

पुणे : वाकड परिसरात २८ वर्षीय सॉफ्टवेअर इंजिनिअर महिलेची लग्नाच्या आमिषाने तब्बल ४२.६४ लाख रुपयांची…

2 आठवडे ago

विलेपार्ले हादरले! बहिणीला पतीच्या मारहाणीतून वाचवण्यासाठी मध्ये पडलेल्या तरुणाची निर्घृण हत्या

मुंबई : २४ वर्षीय सागर गुप्ता या तरुणाचा मृत्यू झाला असून, त्याच्या हत्येप्रकरणी त्याच्या बहिणीचा…

2 आठवडे ago

जाहिरातीतून एसटी कमविणार २५० कोटी रुपये – परिवहन मंत्री प्रताप सरनाईक

मुंबई : महाराष्ट्राच्या कानाकोपऱ्यात धावणारी ‘लालपरी’ आता केवळ प्रवाशांची नव्हे, तर महसूलवाढीलाही वेग देणार आहे.…

2 आठवडे ago

आखाती देशांतील युद्धजन्य परिस्थितीत अडकलेल्या नागरिकांच्या मदतीसाठी केंद्र सरकारसोबत समन्वय

मुंबई : आखाती देशांमध्ये निर्माण झालेल्या युद्धजन्य परिस्थितीच्या पार्श्वभूमीवर तेथे अडकलेल्या महाराष्ट्रातील नागरिकांच्या सुरक्षिततेसाठी राज्य…

2 आठवडे ago

मुख्यमंत्री देवेंद्र फडणवीस यांच्या उपस्थितीत महाराष्ट्राच्या विकासासाठी विविध सामंजस्य करार

नवी दिल्ली : नवी दिल्लीतील भारत मंडपम् येथे आयोजित ‘इंडिया एआय इम्पॅक्ट समिट 2026’ मध्ये…

3 आठवडे ago

महिलांच्या सुरक्षिततेसाठी कायदे अधिक कडक व प्रभावी करावेत – उपसभापती डॉ. नीलम गोऱ्हे

मुंबई : महिलांवरील अत्याचार, छळ आणि कौटुंबिक हिंसाचाराच्या घटनांना आळा घालण्यासाठी अस्तित्वात असलेले कायदे अधिक…

1 महिना ago