जन्मदात्या वडिलांनी केला ९ वर्षाच्या चिमुकलीवर बलात्कार

नांदेड : जन्मदात्या वडिलांनी ९ वर्षाच्या मुलीवर बलात्कार केल्याची खळबळजनक घटना समोर आली आहे. नांदेड जिल्ह्यातील बळीरामपूर येथे ही संतापजनक घटना घडली. पीडित मुलीच्या आईने दिलेल्या फिर्यादीवरुन गुन्हा दाखल करण्यात आला असून पोलिसांनी आरोपीला अटक केली आहे.

मिळालेल्या माहितीनुसार, या आरोपीला चार मुली आहेत. त्यातील एका मुलीचं लग्न झालेलं आहे. ही घटना घडली त्या रात्री (१५ जून) त्याची पत्नी आणि दोन मुली घराबाहेर अंगणात झोपल्या होत्या. तर ९ वर्षांची चिमुकली वडिलांसोबत घरात झोपली होती. रात्री ३ वाजेच्या सुमारास घरात झोपलेल्या ९ वर्षाच्या पोटच्या मुलीवर नराधम वडिलांनी अत्याचार केला. घरातून मुलीच्या रडण्याचा आवाज आल्यामुळे पीडित मुलीच्या आईनं घरात जाऊन पहिले, तेव्हा मुलीने आईला घडलेला प्रकार सांगितला. तिने पतीला याबाबत विचारले असता त्याने भांडण करण्यास सुरुवात केली आणि पत्नीला मारहाण केली.

भयंकर कृत्य! महिलेने तीन किलो साखर घालून उकळलेले पाणी नवऱ्याच्या अंगावर फेकले, आणि…

पीडितेच्या आईने नराधम वडिलांविरोधात तक्रार दाखल करण्यासाठी पोलिस ठाण्यात धाव घेतली. नांदेड ग्रामीण ठाण्यात पोलिसांनी पीडितेच्या बापाविरुद्ध बलात्कार आणि पॉक्सो कायद्यातर्गंत गुन्हा दाखल करुन घेतला. त्यानंतर पोलिसांनी आरोपीला अटक केली आहे.

लहान मुलांच्या हत्या आणि बलात्कार प्रकरणातील आरोपींना भर चौकात घातल्या गोळ्या, नंतर क्रेनने लटकवले मृतदेह..