काळजी घ्या : महाराष्ट्रात कोरोना अनियंत्रित, एका दिवसात 250 टक्क्यांनी वाढले संसर्गाचे प्रमाण

देशभरात पुन्हा एकदा कोरोना संसर्गाचा धोका वाढत आहे. महाराष्ट्रातील कोरोना रुग्णांची नवीन आकडेवारी चिंता वाढवणारी आहे. आरोग्य मंत्रालयाच्या ताज्या आकडेवारीनुसार, महाराष्ट्र, पंजाब, मध्य प्रदेश, हरियाणा आणि दिल्लीमध्ये सर्वाधिक सक्रिय रुग्ण आढळले आहेत.

महाराष्ट्रात कोरोना पुन्हा अनियंत्रित होत आहे. एकाच दिवसात संसर्गाचे प्रमाण 250% वाढले आहे. शनिवारी राज्यात 10,216 लोक संक्रमित झाले. 5 महिन्यांनंतर ही पहिलीच वेळ आहे जेव्हा एका दिवसात 10,000 पेक्षा जास्त कोरोनाचे रुग्ण आढळले आहेत. यापूर्वी 17 ऑक्टोबर रोजी 10,259 कोरोनाचे रुग्ण आढळले होते. केंद्रीय आरोग्य मंत्रालयाच्या ताज्या आकडेवारीनुसार, गेल्या 24 तासांत देशात कोरोना विषाणूची 18,327 नवीन प्रकरणं समोर आली आहेत. तर कोरोनामुळे मागील 24 तासात 108 जणांचा मृत्यू झाला आहे.

कोरोनाचा नवीन स्ट्रेन :

आतापर्यंत कोरोनाचा नवीन स्ट्रेन असलेले 240 रूग्ण आढळले आहेत. हा नवीन स्ट्रेन अत्यंत धोकादायक आणि वेगाने पसरणारा आहे. यूके, ब्राझील आणि अमेरिका या स्ट्रेनचा सामना करीत आहेत. आता परदेशात जाण्याचा कोणताही इतिहास नसलेल्या लोकांनाही या नवीन स्ट्रेनची लागण होऊ लागली आहे, त्यामुळे चिंतेत भर पडली आहे.