पुणे : महाराष्ट्र शासनाच्या सामाजिक न्याय व विशेष सहाय्य विभागामार्फत प्रदान करण्यात आलेल्या “राष्ट्रपिता महात्मा गांधी राज्यस्तरीय व्यसनमुक्ती सेवा पुरस्कार” प्राप्त झाल्याबद्दल व्यसनमुक्ती अभ्यासक व सामाजिक कार्यकर्ते डॉ. सोमनाथ वेणूताई निवृत्ती गिते यांचा सत्कार करण्यात आला.

हा सत्कार मा. माधुरीताई मिसाळ यांच्या हस्ते पार पडला. त्या महाराष्ट्र राज्याच्या नगरविकास, परिवहन, सामाजिक न्याय, वैद्यकीय शिक्षण व अल्पसंख्यांक विकास विभागाच्या राज्यमंत्री तसेच पर्वती विधानसभा मतदारसंघाच्या आमदार म्हणून कार्यरत आहेत. त्यांच्या हस्ते झालेला हा सन्मान डॉ. गिते यांच्या व्यसनमुक्ती क्षेत्रातील दीर्घकालीन, प्रभावी आणि समाजहितकारी कार्याची महत्त्वपूर्ण दखल मानली जात आहे.

या प्रसंगी डॉ. गिते यांच्या कार्याचा गौरव करताना मान्यवरांनी सांगितले की, त्यांनी व्यसनमुक्ती जनजागृती, युवक प्रबोधन या क्षेत्रात सातत्यपूर्ण योगदान दिले आहे. राज्यभरातील हजारो युवक, पालक व नागरिकांपर्यंत व्यसनमुक्तीचा प्रभावी संदेश पोहोचविला आहे.

डॉ. गिते यांच्या कार्याची दखल महाराष्ट्र शासनाने घेत त्यांना “राष्ट्रपिता महात्मा गांधी राज्यस्तरीय व्यसनमुक्ती सेवा पुरस्कार” प्रदान केला होता. हा राज्यस्तरीय सन्मान मा. संजय शिरसाट यांच्या हस्ते देण्यात आला होता. या पुरस्कारामुळे त्यांच्या सामाजिक कार्याला अधिक बळ व प्रेरणा मिळाली आहे.

डॉ. गिते यांच्या कार्याबाबत राज्यपालांसह विविध सामाजिक संस्था, मान्यवर व लोकप्रतिनिधींनीही प्रशंसापत्रे व शिफारसपत्रांच्या माध्यमातून पाठिंबा दर्शविला आहे. त्यांना डॉक्टरेट पदवी प्राप्त असून सामाजिक कार्याशी संबंधित अनेक जागतिक विक्रम त्यांच्या नावावर नोंदवले गेले आहेत. तसेच त्यांना विविध राष्ट्रीय व आंतरराष्ट्रीय सन्मानही प्राप्त झाले आहेत.

सत्कार समारंभात उपस्थित मान्यवरांनी डॉ. गिते यांच्या व्यसनमुक्ती चळवळीतील समर्पित कार्याचे कौतुक करत, समाजात व्यसनमुक्त, सुसंस्कारित आणि सशक्त पिढी घडविण्यासाठी त्यांचे कार्य अधिक व्यापक स्वरूपात पुढे जावे, अशा शुभेच्छा दिल्या.

The post व्यसनमुक्ती क्षेत्रातील अविरत समाजकार्याची दखल; डॉ. सोमनाथ गिते यांचा मा. माधुरीताई मिसाळ यांच्या हस्ते सत्कार appeared first on थोडक्यात घडामोडी.

पुणे, दि. ६ : “दारू पिणे आरोग्यास हानिकारक आहे” असा इशारा मद्याच्या प्रत्येक बाटलीवर छापलेला असतो. मात्र, या इशाऱ्यांचा केंद्रबिंदू मुख्यतः शारीरिक आरोग्यावर असतो. मद्यपानामुळे होणारे मानसिक परिणामही तितकेच गंभीर असून, त्याबाबत जनजागृती करणेही तितकेच आवश्यक आहे, अशी मागणी सामाजिक कार्यकर्ते विल्यम साळवी यांनी राज्य उत्पादन शुल्क विभागाकडे निवेदनाद्वारे केली आहे.

साळवी यांनी दिलेल्या निवेदनात म्हटले आहे की, “महाराष्ट्रातील सर्व प्रकारच्या मद्यांच्या बाटल्यांवर ‘अत्यधिक मद्यपानामुळे नैराश्य, चिंता, स्मृतीभ्रंश होऊ शकतो’, ‘मद्यपानामुळे मानसिक संतुलन बिघडू शकते’ अशा स्वरूपाचे स्पष्ट व ठळक इशारे छापणे बंधनकारक करावे.”

या मागणीला डॉ. सोमनाथ गिते (समाजसेवक व व्यसनमुक्ती कार्यकर्ते) यांच्यासह व्यसनमुक्ती क्षेत्रात कार्यरत असलेल्या अनेक सामाजिक संस्थांनीही पाठिंबा दर्शवला आहे. ‘सध्या मद्याच्या बाटल्यांवरील इशारे केवळ शारीरिक आरोग्यापुरते मर्यादित आहेत. मानसिक आरोग्यावर होणारे दुष्परिणाम नागरिकांना ज्ञातच नाहीत. त्यामुळे अनेक तरुण व नागरिक अज्ञानातून मानसिक आजारांनी ग्रासले जात आहेत,’ असे त्यांनी स्पष्ट केले.

तंबाखू व सिगारेटसारख्या उत्पादनांवर ‘कर्करोगाचा धोका’, ‘प्राणघातक आहे’ अशा चेतावणी असतात. त्याच धर्तीवर मद्याच्या बाटल्यांवरही स्पष्ट मानसिक चेतावणी असाव्यात, असे साळवी यांनी नमूद केले आहे.

या मागणीला आधार देणारे जागतिक आरोग्य संघटना (WHO) व राष्ट्रीय मानसिक आरोग्य संस्था (NIMHANS) यांचे अभ्यासही महत्त्वाचे ठरतात. विशेषतः NIMHANS च्या २०२३ च्या अहवालानुसार, भारतात मद्यपानाशी संबंधित मानसिक विकारांमध्ये लक्षणीय वाढ झाली असून, नैराश्य, चिंता विकार, झोपेच्या समस्या, स्मृतीभ्रंश, आत्महत्येची प्रवृत्ती यासारख्या गंभीर परिणामांची नोंद झाली आहे.

सध्या लागू असलेल्या कायद्यांनुसार, राज्य उत्पादन शुल्क अधिनियमांतर्गत मद्याच्या पॅकेजिंगवर आरोग्यविषयक इशारे बंधनकारक असले तरी त्यामध्ये मानसिक आरोग्याचा उल्लेख नसल्याने ते अपुरे ठरतात, असे साळवी यांचे म्हणणे आहे.

कॅनडा, ऑस्ट्रेलिया, फ्रान्ससारख्या देशांमध्ये अल्कोहोलच्या बाटल्यांवर मानसिक चेतावणी देण्याची सक्ती आहे. त्यामुळे ग्राहकांना केवळ शारीरिकच नव्हे, तर मानसिक धोकेही माहीत होतात आणि निर्णय घेताना ते अधिक जबाबदारीने विचार करतात.

“दारूपासून केवळ यकृत, किडनी यांवरच नाही, तर मन, विचार आणि वर्तनावरही खोल परिणाम होतो. त्यामुळे मद्यपान ही केवळ व्यसनाची नव्हे, तर मानसिक आरोग्याचीही समस्या आहे,” असे मत तज्ज्ञांनीही व्यक्त केले आहे.

या पार्श्वभूमीवर साळवी यांनी राज्य सरकार, उत्पादन शुल्क विभाग आणि आरोग्य विभाग यांना आवाहन केले आहे की, दारूपासून होणाऱ्या मानसिक परिणामांची जनजागृती व्हावी यासाठी बाटल्यांवर स्पष्ट चेतावणी देणे अनिवार्य करावे. कारण व्यसनमुक्तीची सुरुवात ही माहिती आणि जागृतीपासूनच होते, असे त्यांनी नमूद केले आहे.

The post दारूमुळे मानसिक आरोग्यावर होणाऱ्या परिणामांचीही जनजागृती आवश्यक – सामाजिक कार्यकर्त्यांची मागणी appeared first on थोडक्यात घडामोडी.

पुणे: पुण्यातून एक मोठी बातमी समोर येत आहे. शेकडो युवक काँग्रेसचे कार्यकर्ते अचानक रस्त्यावर उतरले आहेत आणि हल्लाबोल आंदोलन करत आहेत. आंदोलक कार्यकर्त्यांकडून ‘नोकरी दो, नशा नहीं’ अशी घोषणा केली जात आहे. काँग्रेस भवनपासून युवक काँग्रेस कार्यकर्त्यांचा मोर्चा निघाला आहे. बेरोजगारीविरोधी हा मोर्चा काँग्रेस कार्यकर्त्यांनी काढला आहे.

या आंदोलनाबाबत एका कार्यकर्त्याने माध्यमांना प्रतिक्रिया दिली. त्याने सांगितले, देशभरात युवक काँग्रेसकडून आंदोलनं केली जात आहेत. लाखो-हजारो कोटींचे ड्रग्स मिळाल्यानंतरही सरकारकडून कुठलीही कारवाई दिसत नाही. युवकांना नोकऱ्या मिळत आहेत, पण त्यांना नोकऱ्या मिळत नाहीत. त्यामुळे आम्ही आज आंदोलन करत आहोत. पोलिसांनी आमच्या आंदोलनाला परवानगी नाकारली आहे.

दुसऱ्या एका युवक काँग्रेस पदाधिकाऱ्याने सांगितले, गेल्या 10 वर्षात बेरोजगारीची दर वाढली आहे. पंतप्रधान नरेंद्र मोदी यांनी उद्योगपती अदानींच्या कडे लक्ष वळवून देशातील तरुणांना रोजगार मिळवून द्यावा. ड्रग्सच्या विरोधात कारवाई होईपर्यंत आम्ही आंदोलन करत राहू. आमचा हक्क आहे, यासाठी आम्हाला कुणाच्या परवानगीची आवश्यकता नाही.

काँग्रेस भवनपासून पुणे डेक्कनच्या दिशेने हा मोर्चा निघाला आहे. पोलिसांनी आंदोलकांना रोखत त्यांना ताब्यात घेतले. यावेळी आंदोलक जोरदार घोषणाबाजी करत होते आणि सरकारच्या विरोधात घोषणा देत होते. या आंदोलनात शेकडो तरुण सहभागी झाले आहेत. आंदोलकांची मोठी गर्दी झाली असून, पोलीस प्रशासनावर दबाव वाढला आहे. गर्दीमुळे संभाव्य धोका लक्षात घेत पोलिसांनी मोठा बंदोबस्त तैनात केला आहे.

आंदोलकांच्या गर्दीमुळे वाहतूक कोंडीची मोठी समस्या निर्माण होण्याची शक्यता आहे. त्यामुळे पोलिसांनी तातडीने संबंधित परिसरात रस्त्यावर बॅरिकेट्स लावले आणि आंदोलकांची धरपकड केली. आंदोलक पुणे डेक्कनच्या दिशेने जात असताना, बालगंधर्व चौकात पोलिसांनी त्यांना अडवले. यावेळी आंदोलक पोलिसांचे आदेश न मानता पुढे जाण्याचा प्रयत्न करत होते, परंतु पोलिसांनी त्यांना ताब्यात घेतले.

The post पुण्यात युवक काँग्रेसचे हल्लाबोल आंदोलन; पोलिसांनी आंदोलकांना रोखत ताब्यात घेतले, बेरोजगारीविरोधात रस्त्यावर उतरले शेकडो कार्यकर्ते appeared first on थोडक्यात घडामोडी.

गुजरातमधील मेहसाना जिल्ह्यात एक धक्कादायक घटना घडली आहे. आरोग्य विभागाच्या कर्मचार्‍यांनी नसबंदीचे टार्गेट पूर्ण करण्यासाठी एका अविवाहित तरुणाला दारू पाजली आणि त्याची नसबंदी केली. या प्रकाराने एकच खळबळ उडाली आहे.

गोविंद दंतानी नामक 30 वर्षीय तरुणाने आपबिती सांगितली. तो शेतात काम करत असताना एक आरोग्य कर्मचारी त्याच्याकडे आला. त्याने गोविंदला लिंबू आणि पेरू तोडण्यासाठी रोजंदारीवर बोलावले आणि 500 रुपये रोज देण्याचं आश्वासन दिलं. गोविंद त्यासाठी तयार झाला. त्याला लगेच कारमध्ये बसवून, आरोग्य कर्मचाऱ्याने त्याला 100 रुपयांची दारू पाजली. दारूच्या नशेत असताना, त्याला सरकारी रुग्णवाहिकेतून गांधीनगरजवळ असलेल्या अदलज येथील रुग्णालयात नेलं आणि त्याच्यावर नसबंदीची शस्त्रक्रिया केली. शुद्धीवर आल्यावर गोविंदला या प्रकाराची माहिती मिळाली.

त्याच्या पोटात वेदना होऊ लागल्यावर, गोविंद डॉक्टरकडे गेला आणि तिथे त्याला कळलं की त्याची नसबंदी झाली आहे. या घटनेमुळे गोविंदच्या लग्नाची तयारी धुडकली, कारण त्याची लग्नासाठीचे नातेवाईक वधू पक्षाशी संबंध तोडले.

हा प्रकार, कुटुंब नियोजन पंधरवाडा साजरा असताना, टार्गेट पूर्ण करण्याच्या उद्देशाने आरोग्य कर्मचार्‍यांनी केला असल्याचा आरोप आहे. मेहसाना जिल्ह्यात 175 नसबंदी ऑपरेशन करण्याचं टार्गेट ठरवण्यात आलं होतं. या प्रकरणावर जिल्हा आरोग्य अधिकारी आरोप फेटाळत असले तरी, टार्गेट पूर्ण करण्यासाठी अशी कार्यवाही करणं हे गंभीर प्रश्न उपस्थित करत आहे.

The post नसबंदीचे टार्गेट पूर्ण करण्यासाठी आरोग्य कर्मचार्‍यांचा धक्कादायक प्रकार: अविवाहित तरुणाला दारू पाजून शस्त्रक्रिया appeared first on थोडक्यात घडामोडी.

सातारा : पोटच्या पोरानेच बलात्कार केल्याची तक्रार करण्याची वेळ मातेवर आली आहे. सातारा जिल्ह्यातील जावली तालुक्यात कुडाळपासून जवळच असलेल्या पानस पुनर्वसन येथे आई आणि मुलाच्या नात्याला काळीमा फासणारी घटना घडली आहे. व्यसनी मुलाने आपल्या ५५ वर्षांच्या आईवरच बलात्कार केला आहे. पोलिसांनी या नराधमाला अटक केली आहे. त्याला न्यायालयात हजर केले असता न्यायालयाने सात ऑगस्टपर्यंत पोलीस कोठडी सुनावली आहे.

याबाबत पोलिसांनी सांगितले की, जावली तालुक्यात कुडाळपासून जवळच असलेल्या पानस पुनर्वसन येथे जुलै महिन्यात रात्री ११ वाजता मुलाने दारूच्या नशेत आपली आई किचनमध्ये काम करत असताना मागून येऊन मिठी मारली आणि आईला फरशीवर खाली पाडून तिच्या मनाविरुद्ध जबरदस्तीने शारीरिक संबंध केले. कोणाला काही सांगू नको, नाही तर तुला जीव मारून टाकीन अशी धमकी दिली. पीडित आईने मेढा पोलीस ठाण्यात मुलाविरुद्ध तक्रार दाखल केली आहे. गुन्हा दाखल झालेल्या त्या नराधम मुलाचे नाव आनंदा मारुती सणस असे आहे. पोलिसांनी या नराधम मुलाला अटक केली आहे. न्यायालयाने सात ऑगस्टपर्यंत पोलीस कोठडी सुनावली आहे. अधिक तपास सहाय्यक पोलीस निरीक्षक अश्विनी पाटील करत आहेत.

The post नात्याला काळीमा फासणारी घटना, पोटच्या पोरानेच केला आईवर बलात्कार, जीवे मारण्याची धमकी… appeared first on थोडक्यात घडामोडी.

पुणे, ता. ३ : व्यसनाच्या विळख्यात सापडलेल्या हजारो बांधवांना व्यसनमुक्त करण्यासाठी राज्यात कार्यरत असणाऱ्या संस्था व कार्यकर्ते यांना त्यांच्या कार्यात बळ, प्रेरणा मिळावी आणि त्यांच्या कार्याचा सन्मान व्हावा, या उद्देशाने व्यसनमुक्ती परिषद प्रतिवर्षी राष्ट्रपिता महात्मा गांधी व्यसनमुक्ती सेवा सन्मान पुरस्कार देत असते. दरम्यान, मुंबई येथे मध्यवर्ती कार्यालयात व्यसनमुक्ती परीषदेची राज्य कार्यकारिणीची नुकतीच एक बैठक पार पडली. यात तज्ञ गठित समितीचे डॉ. राजकुमार गवळे यांनी आलेल्या प्रस्तावांची समिती मार्फत छाननी करून अंतिम यादी जाहीर केली आहे. ९ जुलै रोजी मान्यवरांच्या उपस्थितीत हा वितरण सोहळा पार पडणार असल्याची माहिती राज्याचे कार्याध्यक्ष शिरीष वडजे पाटील व राज्याचे कार्यकारी संचालक सचिन सूर्यवंशी, धनजंय शिंदे यांनी दिली आहे.

व्यसनमुक्ती क्षेत्रातील कार्यकर्त्याचा सन्मान सोहळ्यात नव्या विचारांची देवाणघेवाण व परिषदेच्या आगामी नियोजित, दिल्ली येथील राष्ट्रीय व्यसनमुक्ती प्रशिक्षण व कार्यशाळांचे नियोजनासाठी देखील महत्वपूर्ण बैठक पुरस्कार वितरण सोहळ्यानंतर होईल अशीही व्यसनमुक्ती परिषदेच्या प्रदेशाध्यक्षा प्रा. अंजली पाटील व प्रदेश सरचिटणीस प्रा. अजिनाथ शेरकर यांनी एका प्रसिध्दी पत्रकाद्वारे दिली.

समितीच्या वतीने अंतिम निवड करण्यात आलेल्या पुरस्कार विजेत्यांची नावे पुढीलप्रमाणे – कैलास गायकवाड- नांदेड, गजानन रेवनवार- परभणी, दिनकर थोरात- बीड, तत्वशिल कांबळे -बीड, सुर्यभान गभने- गडचिरोली , डॉ. सोमनाथ गिते – पुणे, राजेंद्र माळी -धुळे, निखील ठाकरे -धुळे, रिता कोगंरे -नागपूर , ऊषा घोडेस्वार -भंडारा , दुर्गा शिंदे- उस्मानाबाद, धमलेश सांगोले – भंडारा, अमर भुंगुर्डे -उस्मानाबाद, ऋषिकेश इंगळे – हिंगोली, वर्षा शेरकर -बीड, रामेश्वर परजने – बीड, गोविंद शिंदे -निलंगा, सुनील पवार – मुंबई, दुर्वास खोब्रागडे चंद्रपूर, संदीप करकुटवार – चंद्रपूर , बाबू स्वामी -उस्मानाबाद , संजय कुंबेफळकर – बीड, अशोक राऊत – नाशिक , सुधाकर चारोस्कर – नाशिक , पवार गणपत – नाशिक , गुलाब जाधव – नाशिक , राजाराम जाधव – नाशिक, सुधाकर चारोस्कर -नाशिक , बाळू गांगुरर्डे -नाशिक , चंदन भोरे -नाशिक , सुरेश गायकवाड -नाशिक , प्रमोद सुरवसे -लातूर , अपर्णा खडसे -अकोला, मिलिंद पाटील – ठाणे , डॉ मनीष कंधारे -नांदेड , पियुष ठवरे -भंडारा , रुचिका ठवरे – भंडारा , विशाल सातपुते – सांगली, अरुणा नारनवरे -भंडारा , गोविंद रामटेके -भंडारा , रेखा ठवरे – भंडारा , राहुल वाघमारे – बीड , परमेश्वर सावंत- बीड , गोपाळ पाटील -अमरावती , भाग्यश्री – बोबडे अमरावती, शुभम कळसकर – नांदेड , दिगंबर शिंदे – नांदेड , डॉ विष्णू कांबळे – लातूर , अहिल्या शिंदे -अंबाजोगाई, विठ्ठल आचार्य – लातूर , निलेश कदम -नाशिक , दिशा कालंबे -मुंबई , चारुशीला कांबळे -मुंबई , रवींद्र कांबळे – सांगली , विनोद गवारे – मुंबई , विष्णू रांबडे -मुंबई , मदन शेळके- पुणे, गईदास उगले- परळी , बाबासाहेब घाडगे -परळी , सचिन धुमाळ -परळी, श्याम काटे -परळी, सोपान सूर्यवंशी -परळी , किशोर काटे- परळी , संदिपान काळे- परळी, जयवंत गायके -परळी, सतीश वाघमारे -लातूर , शशिकला नहार -मुंबई , रमेश दिनकर – डोंबिवली, योगिता शर्मा -अहमदनगर, अमर डोरले – बीड, पायल डोळस -वर्धा, स्वाती ञिभुवन-वर्धा, श्रुती ऊईके- वर्धा, राणुबा आधाटे- नाशिक, सुनील बोकेफोड-नांदेड, सुनील पवार -मुंबई सायन, मितेश मोरे – नांदेड, डॉ.प्रियंका वडजे -लातुर, विनोद विठ्ठलराव कांबळे, रिपब्लिकन पार्टी ऑफ इंडिया (आठवले)जळकोट तालूका अध्यक्ष, डॉ विलास भारत राठोड, रिपब्लिकन पार्टी ऑफ इंडिया (आठवले) युवा तालुका अध्यक्ष, मुळे हेमंत सर, शिवाजी गवळे मुंबई , देविदास राजाराम शिंदे डोंगरकोनाळी, माधव संग्राम गवळे , ओमकार टाले वांजरवाड, गोपाळ धोंडीबा सोमवंशी, बालिका लक्षीमण मुळे उदगीर , दिपक संभाजी अचमारे, विनायक जनार्दन केंद्रे , दयासागर संभाजी दाडगे, भारत पांडुरंग जाधव , आकबर चंदूसाप सय्यद , माधव मशना कांबळे , रवी मारुती आयनाले, सदानंद संभाजी नामवाड, मारोती गंगाराम कांबळे , भगवान गणेश आवाड , संतोष राजपंखे , तुषार सोनवणे , श्रद्धा मनोज बेले, डॉ प्रियंका भोसले , साक्षी संजय पवार.

The post राष्ट्रपिता महात्मा गांधी व्यसनमुक्ती सेवा सन्मान पुरस्कार जाहीर, मुंबईत रंगणार दिमाखदार वितरण सोहळा appeared first on थोडक्यात घडामोडी.

मुंबई, दि. 8 : उत्पादन शुल्क विभागाच्या भरारी पथकाने ठाणे जिल्ह्यातील विविध ठिकाणी 7 मे रोजी अवैध दारू निर्मिती करणाऱ्यांवर कारवाई केली. या संपूर्ण कारवाईमध्ये 59 हजार 980 लीटर दारू व इतर भट्टी साहित्यासह एकूण 23 लाख 55 हजार 210 रूपये किंमतीचा मुद्देमाल जप्त केला आहे.

ही कारवाई ठाणे जिल्ह्यातील दिवा गाव, घेसर, खर्डी, अलीमघर, छोटी देसाई, मोठी देसाई, आगासन, सरळांबे, अंजुर, वाशाळा, वासरगाव, हाजी मलंग, कुशिवली, माणेरागाव, द्वारलीपाडा, कुंभार्ली, केवणी, कालवार, वडुनघर, मामेखर्डी, कारीवली, मामणोली, जांभुळगांव, नांदपगाव, केशव सृष्टी, उत्तन, मुरदागाव, कोपराखाडी, गोराई खाडी आदी ठिकाणी करण्यात आली आहे. या संपूर्ण कारवाईमध्ये 31 दारूबंदी गुन्हे नोंद करण्यात आले आहे.

राज्य उत्पादन शुल्क आयुक्त डॉ. विजय सुर्यवंशी, संचालक प्रसाद सुर्वे, कोकण विभागीय उप आयुक्त प्रदीप पवार, ठाणे अधीक्षक एन. व्ही सांगडे, उपअधीक्षक एस. टी माळवे, मुंबई शहरचे उपअधीक्षक सुधीर पोकळे, मुंबई उपनगर उपअधीक्षक मनोज चव्हाण, सुनील जाधव, जे. एस गोगावले यांच्या मार्गदर्शनाखाली तसेच लोकसभा निवडणूक आचार संहितेचे गांभीर्य लक्षात घेता उत्पादन शुल्क विभागाच्या भरारी पथकांनी ही कारवाई केली आहे. ही कारवाई संबंधित विभागाचे निरीक्षक, दुय्यम निरीक्षक, जवान यांनी केली आहे, असे कोकण उपआयुक्त प्रदीप पवार यांनी कळविले आहे.

The post राज्य उत्पादन शुल्क विभागाची कारवाई; २३.५५ लाख किंमतीचा मुद्देमाल जप्त appeared first on थोडक्यात घडामोडी.

जळगाव, दि. 4 (जिमाका) : लोकसभा सार्वत्रिक निवडणूक 2024 च्या पार्श्वभूमीवर जळगाव राज्य उत्पादन शुल्क विभागाने दि. 4 मे , 2024 रोजी एमआयडीसी भागातील के-10 सेक्टर मधील मंदार आयुर्वेदित प्रोडक्ट या कंपनीत मारलेल्या छाप्यात बनावट देशी दारुचा कारखाना जमीनदोस्त केला असुन 75 लक्ष 64 हजार 200 रुपये किमंतीचा मुद्दामाल हस्तगत केला आहे. याप्रकरणी 05 आरोपींना अटक करण्यात आली आहे.

लोकसभा सार्वत्रिक निवडणूक 2024 च्या पार्श्वभूमीवर जिल्ह्यात अवैध व बनावट दारु विक्री व निर्मितीवर कारवाई करण्याचे आदेश जिल्हाधिकारी तथा जिल्हा निवडणूक अधिकारी आयुष प्रसाद यांनी दिले होते. त्या अनुषंगाने राज्य उत्पादन शुल्क विभागामार्फत जिल्हाभर वेगवेगळ्या पथकांच्या माध्यमातून कारवाया करणे सुरु आहे. राज्य उत्पादन शुल्क विभागाचे निरिक्षक डी. एम. चकोर यांच्या पथकास मिळालेल्या गुप्त माहितीच्या आधारे दि. 4 मे, 2024 रोजी मध्यरात्री 2.30 वाजेसुमारस एमआयडीसी भागातील के-10 सेक्टर मधील मंदार आयुवैदिक प्रोडक्ट या कंपनीत छापा मारला असता शितपेयाच्या नावाखाली अवैधरित्या बनावट देशी दारु कारखाना सुरु असल्याचे व रॉकेट संत्रा नामक मद्याची अवैधरित्याअ निर्मिती करुन ते बाटलीत भरताना मिळून आले. या प्रकारणात एकूण पाच आरोपीना अटक करण्यात आली असून त्याच्याकडून 15 लाख 75 हजार किमंतीच्या 45 हजार सिलबंद रॉकेट संत्रा मद्याच्या बाटल्या, 30 लाख 30 हजार किमंतीच्या देशी मद्याचे भरलेले बॅरल, 3 लाख किमंतीच्या 1 लाख रिकाम्या बाटल्या, 6 लाख किंमतीचे लेबल पट्टी मशिन, 6 लाख किंमतीचे बुच सिल बंद करण्याचे मशिन, 5 लाख रुपये किंमतीचे पाणी शुद्धीकरण मशिन, 4 लाख 50 हजार किंमतीचे चार चाकी वाहन यासहल किरकोळ व इतर साहित्य असा एकूण 75 लाख 64 हजार 200 रुपयाचा मुद्देमाल जप्त करण्यात आला आहे.

सदर कार्यवाही राज्य उत्पादक शुक्क विभागाचे आयुक्त विजय सुर्यंवशी, प्रसाद सुर्वे, उपआयुक्त उषा वर्मा, जिल्हाधिकारी आयुष प्रसाद, अधिक्षक डॉ. व्ही. टी. भुकन यांच्या मार्गदर्शना खाली निरिक्षक डी. एम. चकोर, एस.बी. चव्हाणके, दुय्यम निरीक्षक एस.बी.भगत, सी.आर.शिंदे, राजेश सोनार, विठ्ठल बाविस्कर, गिरीष पाटील, सुरेश मोरे, पी.पी.तायडे, दिनेश पाटील, गोकुळ आहिरे, धनसिंग पावरा, एस.आर.माळी, विपुल राजपुत, आर.टी.सोनवणे, व्ही.डी.हटकर, एम.एम.मोहिते, आर.डी. जंजाळे, नंदू पवार यांच्या पथकाने केली. सदरील गुन्ह्याचा पुढील तपास डी.एम.चकोर हे करीत आहे.

The post लोकसभा निवडणुकीच्या पार्श्वभूमीवर दारु जप्तीची मोठी कारवाई appeared first on थोडक्यात घडामोडी.

पुणे : समाजात दिवसेंदिवस व्यसनाची तीव्रता वाढत आहे, आजकाल अनेकजण व्यसनाच्या आहारी गेले आहेत ही चिंतेची बाब आहे. व्यसनाधीन व्यक्तीच्या कुटुंबावर त्याचा विपरीत परिणाम होतो. त्याच्या कुटुंबात नेहमी भांडणे, कलह आणि अशांतता असते. व्यसनांचा परिणाम व्यसनी माणसाच्या कुटुंबासह समाजावर देखील होतो. जसे कि दारू पिऊन गाडी चालवल्याने अपघात होण्याची शक्यता असते, अगदी निष्पाप व्यक्तीचाही बळी जाऊ शकतो. एकूण परिस्थितीचा विचार करता समाजाला व्यसनाच्या विळख्यातून मुक्त करण्याची गरज आहे, त्यासाठी व्यसनाधीन व्यक्तीला व्यसनाची भीषणता दाखवणे अत्यंत गरजेचे झाले आहे. त्यासाठी अनेक सुजाण नागरिक व्यसनमुक्तीच्या कार्यात सहभागी होत आहेत, अनेकजण विविध माध्यमांतून व्यसनमुक्तीचे महत्त्व जनसामान्यांपर्यंत पोहोचविण्याचे काम करत आहेत आणि त्यातीलच एक भाग म्हणजे लेखक झुंबरराव खराडे यांचे ‘होय, मी व्यसनातून मुक्त होणारच!’ हे पुस्तक.

या कामात लेखकाचे योगदान वाखाणण्याजोगे आहे. या पुस्तकात लेखकाने व्यसनाची कारणे, व्यसनामुळे होणारी हानी, व्यसनाचे दुष्परिणाम, व्यसनासाठी होणारा प्रचंड खर्च आणि पर्यायाने होणारे आर्थिक नुकसान, व्यसन सोडल्यानंतर होणारे फायदे या सर्व बाबींवर प्रकाश टाकण्यात आला आहे. त्याचबरोबर व्यसन सोडल्यानंतर कोणती काळजी घ्यावी, व्यसनमुक्ती का गरजेची आहे, व्यसनापासून दूर राहण्यासाठी काय करावे, याची सविस्तर माहिती दिली आहे. मुख्य म्हणजे लेखकाने व्यसनाधीनांचे वास्तव अनुभव पुस्तकात मांडले आहेत, त्यामुळे हे पुस्तक अतिशय प्रभावी ठरते. प्रत्यक्ष व्यसनाधीन व्यक्तींनी सांगितलेले वैयक्तिक अनुभव तुम्हाला व्यसनाबद्दल गांभीर्याने विचार करायला लावतात. गुटख्याच्या व्यसनामुळे कर्करोग झालेल्या व्यक्तीचा अनुभव आपल्याला थक्क करून सोडतो आणि व्यसनमुक्तीचे महत्त्वही अधोरेखित करतो. तसेच लेखक झुंबरराव खराडे हे व्यसनमुक्तीसाठी काम करणारे कार्यकर्ते आहेत. 21 वर्षे व्यसनमुक्तीसाठी काम करत असून, त्यांना व्यसनमुक्ती कार्यासोबतच सामाजिक कार्यासाठी अनेक पुरस्कार मिळाले आहेत.

‘होय, मी व्यसनातून मुक्त होणारच!’ हे पुस्तक व्यसनापासून मुक्त होऊ इच्छिणाऱ्या व्यक्तीला मार्गदर्शन करते. तसेच व्यसनाच्या चक्रव्यूहातून बाहेर पडण्याचा मार्ग दाखवते. त्यांनी व्यसन कसे सोडावे, त्यानंतर काय काळजी घ्यावी, पुन्हा व्यसनाकडे आकर्षित होऊ नये यासाठी काय करावे याबाबत यथायोग्य मार्गदर्शन केले आहे. व्यसनमुक्ती केंद्रांचे पत्तेही या पुस्तकात दिले आहेत. व्यसनमुक्तीच्या कार्यात हे पुस्तक अनमोल ठरेल यात शंका नाही. तसेच अनेक व्यसनाधीनांना व्यसनापासून दूर राहण्याची प्रेरणा मिळेल. लेखक झुंबरराव खराडे यांनी व्यसनमुक्तीच्या सर्व पैलूंवर मोजक्या शब्दांत प्रकाश टाकल्याबद्दल त्यांचे मनःपूर्वक अभिनंदन!

पुस्तकाचं नाव : होय, मी व्यसनातून मुक्त होणारच
लेखक : झुंबरराव आंनदा खराडे
फोन : ९५६१९ ५५७३५
पृष्ठ : १११
मूल्य : १२० रुपये..

The post पुस्तक परिचय – होय, मी व्यसनातून मुक्त होणारच – झुंबरराव खराडे appeared first on थोडक्यात घडामोडी.

संगमनेर : मागील १०-१२ वर्षांपासून व्यसनमुक्ती विषयावर सातत्याने लेखन करणारे डॉ. सोमनाथ गिते यांना २०२२ चा ‘व्यसनमुक्ती सेवादुत पुरस्कार’ प्रदान करण्यात आला आहे. समुपदेशन, वर्तमानपत्रं, मासिकं, सोशल मीडिया आदी माध्यमांतून जनजागृती करत समाजात व्यसनमुक्ती चळवळीचे कार्य गिते यांनी केले आहे. या कार्याची दखल घेत शांताई प्रतिष्ठान संचलित स्वर्ग व्यसनमुक्ती केंद्राच्या तसेच सिद्धिविनायक हाॅस्पिटल यांच्या संयुक्त विद्यमाने देण्यात येणारा ‘राज्यस्तरीय व्यसनमुक्ती सेवादुत पुरस्कार २०२२’ त्यांना प्रदान करण्यात आला.

गंगाखेड (परभणी) तालुक्यातील राणीसावरगाव येथे झालेल्या एकदिवसीय राज्यस्तरीय व्यसनमुक्ती शिबीरात समाज कल्याण विभागाचे सहाय्यक आयुक्त एस. के. मिनगिरे यांच्या हस्ते हा पुरस्कार प्रदान करण्यात आला. या कार्यक्रमाचे अध्यक्ष समाज कल्याण विभागाचे सहाय्यक आयुक्त एस.के.मिनगिरे तर स्वागताध्यक्ष डॉ. गजानन रेवणवार, डॉ. शुभांगी ग.रेवणवार व प्रकल्प समन्वयक विठ्ठल आचार्य हे होते. सुत्रसंचालन प्रा. शिवशंकर डोईजड यांनी केले, प्रभाकर महाराज कांबळे यांनी आभार मानले.

यावेळी प्रमुख पाहुणे म्हणून व्यसनमुक्ती परिषदेचे प्रदेश सरचिटणीस व सामाजिक न्याय विभागाचे राष्ट्रपिता महात्मा गांधी व्यसनमुक्ती पुरस्कार विजेते प्रा. अजिनाथ शेरकर, सहायक पोलिस निरीक्षक विक्रम हराळे, डॉ. व्यंकटेश दुब्बे, डॉ. गोविंद शिंदे, प्रसिद्ध व्याख्याते प्रा. सुभाष ढगे चाटोरीकर, सरपंच सौ. कल्पनाताई जाधव, चेअरमन नागेश जाधव, उपसरपंच गफार शेठ, जेष्ठ पत्रकार प्रकाश गळाकाटु आदी मान्यवर उपस्थित होते.

The post डॉ. सोमनाथ गिते यांना ‘राज्यस्तरीय व्यसनमुक्ती सेवादुत पुरस्कार २०२२’ प्रदान appeared first on थोडक्यात घडामोडी.