भिवंडी : ठाणे जिल्ह्यातील भिवंडी तालुक्यातील खर्डी गावात सोमवारी रात्री उशिरा झालेल्या दुहेरी हत्याकांडाने परिसरात खळबळ उडाली आहे. भाजप युवा मोर्चा जिल्हा उपाध्यक्ष प्रफुल्ल तांगडी (वय अंदाजे 35) आणि त्यांचा सहकारी तेजस तांगडी यांची धारदार शस्त्रांनी निर्घृणपणे हत्या करण्यात आली. रात्री साधारण 11 वाजण्याच्या सुमारास घडलेल्या या घटनेमुळे गावात भीती आणि संतापाचे वातावरण निर्माण झाले आहे.

पोलिसांच्या माहितीनुसार, प्रफुल्ल तांगडी आपल्या दोन सहकाऱ्यांसह ‘जे डी टी इंटरप्रायसेस’ या त्यांच्या कार्यालयात बसले होते. अचानक चार ते पाच हल्लेखोर तेथे आले आणि कोणताही वाद न घालता त्यांनी थेट धारदार शस्त्रांनी हल्ला चढवला. हल्ल्याच्या वेळी प्रफुल्ल तांगडी आणि तेजस तांगडी यांना वारंवार वार करण्यात आले. गंभीर जखमी झाल्याने दोघांचा घटनास्थळीच मृत्यू झाला. हल्लेखोरांनी हल्ला करून तात्काळ घटनास्थळावरून पलायन केले.

या घटनेतील एक धक्कादायक बाब म्हणजे, सुमारे वर्षभरापूर्वी प्रफुल्ल तांगडी यांच्यावर अशाच प्रकारचा जीवघेणा हल्ला झाला होता. त्या वेळी ते कसेबसे बचावले होते. मात्र, या वेळेस हल्लेखोरांनी त्यांचा जीव घेतला. त्यामुळे या हत्येच्या मागे जुन्या वादाची किंवा राजकीय वैमनस्याची शक्यता वर्तवली जात आहे.

घटनेची माहिती मिळताच भिवंडी तालुका पोलिस ठाण्याचे निरीक्षक हर्षवर्धन बर्वे यांच्या पथकाने घटनास्थळी धाव घेतली. पंचनामा करून मृतदेह शवविच्छेदनासाठी पाठवण्यात आले आहेत. प्राथमिक तपासात हल्लेखोरांची संख्या चार ते पाच असल्याचे स्पष्ट झाले असून, त्यांचा शोध घेण्यासाठी विशेष पथके तयार करण्यात आली आहेत.

हत्या राजकीय की वैयक्तिक कारणातून?
प्रफुल्ल तांगडी हे भाजप युवा मोर्चाचे सक्रिय कार्यकर्ता आणि जिल्हा उपाध्यक्ष असल्याने, या हत्येमागील कारणाबाबत विविध चर्चांना उधाण आले आहे. हत्या वैयक्तिक वैमनस्यातून झाली की राजकीय सूडातून, याचा तपास पोलिसांकडून सुरू आहे. पोलिसांनी परिसरातील सीसीटीव्ही फुटेज तपासण्यास सुरुवात केली असून, संशयितांविषयी महत्त्वाच्या धागेदोरे मिळण्याची शक्यता व्यक्त केली जात आहे.

या दुहेरी हत्येमुळे खर्डी आणि परिसरात तणावाचे वातावरण असून, नागरिकांमध्ये प्रचंड संताप आहे. पोलिसांनी कायदा व सुव्यवस्था राखण्यासाठी अतिरिक्त बंदोबस्त तैनात केला आहे.

The post भिवंडीत दुहेरी हत्याकांडाने खळबळ! भाजप युवा मोर्चा जिल्हा उपाध्यक्ष आणि सहकऱ्याची निर्घृण हत्या appeared first on थोडक्यात घडामोडी.

ठाणे : देवपूजा करताना दिव्याची पेटती वात अंगावर पडल्याने एक ४८ वर्षीय महिला गंभीररित्या भाजली. तत्काळ रुग्णालयात दाखल करूनही उपचारादरम्यान तिचा दुर्दैवी मृत्यू झाला. अर्चना धर्मेंद्र कुमार (वय ४८) असे या मयत महिलेचे नाव आहे. डोंबिवली पूर्वेतील पिसवली भागात शनिवारी सकाळी ही दुर्दैवी घटना घडली.

शनिवारी सकाळी अर्चना कुमार या त्यांच्या घरी नेहमीप्रमाणे देवपूजा करत होत्या. पूजा पूर्ण केल्यानंतर त्या दिवा ओवाळण्याच्या तयारीत होत्या. याच वेळी, दिव्यातील पेटती वात अचानक त्यांच्या अंगावर पडली. यामुळे त्यांच्या अंगावरील कपड्यांना तात्काळ आग लागली. अंगावर तलम कपडे असल्याने आगीने झपाट्याने पेट घेतला आणि काही क्षणांतच अर्चना संपूर्णतः आगीत वेढल्या गेल्या. या आकस्मिक घटनेमुळे त्यांना स्वतःला वाचवण्याची संधीही मिळाली नाही. त्यांच्या किंकाळ्या ऐकून घरातील आणि शेजारील लोकांनी तत्काळ धाव घेतली.

अर्चना यांना गंभीर अवस्थेत तातडीने कल्याण पूर्वेतील काका ढाबा परिसरातील जानकी ग्लोबल रुग्णालयात नेण्यात आले. जानकी ग्लोबल रुग्णालयातील डॉक्टरांनी त्यांची प्रकृती गंभीर असल्याचे सांगितले आणि त्यांना पुढील उच्च उपचारासाठी तत्काळ अन्य ठिकाणी नेण्याचा सल्ला दिला. यानुसार, अर्चना यांना डोंबिवली एमआयडीसीतील डॉ. मिलिंद शिरोडकर यांच्या एम्स रुग्णालयात हलवण्यात आले. तेथे डॉक्टरांनी शर्थीचे प्रयत्न करूनही अर्चना यांची प्रकृती सतत खालावत गेली. त्यांनी उपचारांना प्रतिसाद देणे थांबवले होते. अखेर त्यांचा दुर्दैवी मृत्यू झाला.

या दुर्घटनेनंतर अर्चनाचे पती धर्मेंद्र कुमार यांनी मानपाडा पोलीस ठाण्यात तक्रार दाखल केली. पोलिसांनी या घटनेची अपघाती मृत्यू म्हणून नोंद केली असून, पुढील तपास सुरू आहे. या घटनेमुळे परिसरात हळहळ व्यक्त केली जात आहे.

The post पूजा करताना पेटलेली वात अंगावर पडली, गंभीर भाजल्याने महिलेचा मृत्यू appeared first on थोडक्यात घडामोडी.

ठाणे : १० वर्षाच्या चिमुकलीवर लैंगिक अत्याचार करून तिची हत्या केल्याची भयंकर समोर आली आहे. ठाणे जिल्ह्यातील मुंब्रा येथे ही घटना घडली आहे. या नराधमाने चिमुकलीवर लैंगिक अत्याचार केल्यानंतर तिला इमारतीतून खाली फेकून दिल्याचा धक्कादायक प्रकार उघडकीस आला आहे.

मिळालेल्या माहितीनुसार, नराधमाने चिमुकलीला खेळणी देण्याचं आमिष दाखवत घरात नेलं. त्यानंतर तिच्यावर अतिप्रसंग केला. नराधमाने लैंगिक अत्याचार केल्यानंतर चिमुकलीला इमारतीच्या डक्टमध्ये खाली फेकून दिले. मुंब्र्यातील ठाकूरपाडा परिसरात ही धक्कादायक घटना घडली. दरम्यान, या चिमुकलीचा मृतदेह आढळल्यानंतर आजू-बाजूच्या लोकांनी तात्काळ त्याबाबत पोलिसांना माहिती दिली. यानंतर पोलीस घटनास्थळी दाखल झाले आणि त्यांनी तपास सुरु केला.

पोलिसांनी तात्काळ तपासाची चक्रे फिरवली आणि १२ तासाच्या आत पोलीस नराधमापर्यंत पोहोचले. आरोपी आसिफ अकबर मंसूरी (वय 20) याला अटक करण्यात आली आहे. तो उत्तर प्रदेशचा रहिवासी असल्याचं समोर आलं आहे. चौकशीदरम्यान आरोपीने गुन्ह्याची कबुली दिली आणि घडलेला सर्व प्रकार सांगितला.

The post भयंकर! १० वर्षाच्या चिमुकलीवर लैंगिक अत्याचार, नंतर इमारतीच्या डक्टमध्ये फेकलं… appeared first on थोडक्यात घडामोडी.

ठाणे : ठाणे जिल्ह्यात एका १३ वर्षीय कर्करोग पीडित मुलीवर बलात्कार करून तिला गर्भवती केल्याच्या आरोपाखाली एकाला अटक करण्यात आली आहे. पोलिसांनी शनिवारी याबाबत माहिती दिली. याप्रकरणी, पोलिसांनी २९ वर्षीय आरोपीला गुरुवारी बिहारमधून अटक केली.

पोलिसांनी दिलेल्या माहितीनुसार, पीडित मुलीचे कुटुंब आणि आरोपी बिहारमधील एकाच गावातील आहेत. ही मुलगी बिहार राज्यातून महाराष्ट्रात कॅन्सरवर उपचार घेण्यासाठी आली होती. आरोपीने दोन महिन्यांपूर्वी बदलापूरमध्ये त्यांच्यासाठी भाड्याने राहण्याची व्यवस्था केली होती. आरोपीने तिच्या उपचारात मदत केली होती. मात्र, यादरम्यान, मुलगी घरी एकटी असताना आरोपीने तिचा गैरफायदा घेतला आणि अनेक वेळा तिच्यावर लैंगिक अत्याचार केले.

मुलगी कर्करोगपीडित असल्याने मुंबईतील एका रुग्णालयात केमोथेरपी घेत होती. दरम्यान, नियमित तपासणीत ती गर्भवती असल्याचे आढळून आले. त्यानंतर पीडित मुलीच्या कुटुंबियांनी बदलापूर पूर्व पोलीस स्टेशनमध्ये तक्रार दाखल केली. त्यानंतर, लैंगिक गुन्ह्यांपासून मुलांचे संरक्षण (POCSO) कायदा आणि भारतीय न्याय संहिताच्या तरतुदींनुसार गुन्हा दाखल करण्यात आला आणि पोलिसांनी आरोपीला बेड्या ठोकल्या. आरोपीला न्यायालयीन कोठडीत पाठवण्यात आले असून पुढील तपास सुरू आहे.

The post ठाणे हादरलं! १३ वर्षीय कर्करोग पीडित मुलीवर बलात्कार करून केले गर्भवती, आरोपीला अटक appeared first on थोडक्यात घडामोडी.

ठाणे : ठाणे शहरातील पोलिसांनी एका सेक्स रॅकेटचा पर्दाफाश करत, यामध्ये सहभागी असलेल्या एका एजंटला अटक केली आहे. यासोबतच दोन महिलांना वाचवण्यात पोलिसांना यश मिळालं आहे. पोलिसांनी बुधवारी याबाबत माहिती दिली.

ठाणे शहर पोलिसांच्या मानवी तस्करी विरोधी कक्षाने (AHTC) ही कारवाई केली. एएचटीसीच्या अधिकाऱ्यांनी सांगितले की, गुप्त माहितीच्या आधारे मंगळवारी डायघरच्या गोठेघर फाटा परिसरात छापा टाकला. या छापेमारीदरम्यान पोलिसांनी दोन महिलांची सुटका केली आणि एका एजंटला अटक केली. अटक केलेल्या एजंटचं नाव दिनेश गोविंद प्रसाद (वय ४० वर्षे) आहे. तो उत्तर प्रदेशचा रहिवासी आहे. या एजंटवर आरोप आहे की, त्याने दोन महिलांना सेक्स रॅकेटमध्ये सामील करून एका रेस्टॉरंटमध्ये आणले होते, तेव्हा पोलिसांनी त्याला रंगेहात पकडले. पोलिसांनी अटक केलेल्या एजंट दिनेश गोविंद प्रसादविरुद्ध भारतीय दंड संहिता (IPC), मुलांवरील लैंगिक अत्याचार प्रतिबंधक कायदा (POCSO), तसेच अनैतिक वाहतूक (प्रतिबंध) कायद्यानुसार गुन्हा दाखल केला आहे. तपासादरम्यान, पोलिसांना कळले की, दिनेश गोविंद प्रसादवर उत्तर प्रदेशात आधीच अपहरणाचा गुन्हा दाखल आहे. त्यामुळे, त्याला आणखी काही गुन्ह्यांसाठी देखील जाब विचारला जाईल.

ही कारवाई मानवी तस्करी आणि सेक्स रॅकेट विरोधात पोलिसांच्या सतर्कतेचे उदाहरण आहे. एएचटीसीच्या वरिष्ठ निरीक्षक चेतना चौधरी यांनी या छाप्याबाबत माहिती दिली आणि सांगितले की, मानवी तस्करीला थांबवण्यासाठी पोलिसांनी कठोर कारवाई केली आहे. पोलिस यंत्रणा या प्रकारच्या गुन्ह्यांवर प्रभावीपणे नियंत्रण ठेवण्याचे काम करत आहे आणि भविष्यात अशा प्रकारच्या घटनांमध्ये कठोर कारवाई केली जाईल.

The post ठाण्यात सेक्स रॅकेटचा पर्दाफाश, एजंटला अटक तर दोन महिलांची सुटका appeared first on थोडक्यात घडामोडी.

मुंबई, २ मार्च २०२५: मुंबईच्या चेंबूरमधून एक धक्कादायक घटना समोर आली आहे, जिथे शिवसेना शिंदे गटाच्या कार्यालयात कार्यकर्त्यांनी दारू पार्टी आयोजित केली होती. या घटनेचा व्हिडिओ सोशल मीडियावर तुफान व्हायरल झाला असून, त्यावर राजकीय वर्तुळातून मोठ्या प्रमाणावर टीका केली जात आहे.

व्हिडिओमध्ये आमदार मंगेश कुडाळकर यांचे कार्यकर्ते दारू पिताना दिसत आहेत. व्हिडिओमध्ये कार्यालयातील दोन टेबलांवर दारूच्या बाटल्या आणि भरलेले ग्लास दिसत आहेत. या व्हिडिओमध्ये छत्रपती शिवाजी महाराज, बाळासाहेब ठाकरे, उपमुख्यमंत्री एकनाथ शिंदे आणि आमदार मंगेश कुडाळकर यांचे पोस्टर दिसत आहेत.

हा व्हिडिओ सोशल मीडियावर तुफान व्हायरल झाला असून, विरोधकांनी शिंदे गटावर टीकेची झोड उठवली आहे. या घटनेवर राजकीय वर्तुळातून प्रतिक्रियांची लाट आलेली आहे. विरोधकांनी शिंदे गटावर आक्षेप घेतला आहे की, अशा प्रकारे कार्यकर्त्यांची पार्टी ठेवणे शिवसेनेच्या आदर्शांशी सुसंगत नाही.

शिवसेना शिंदे गटाच्या कार्यालयात कार्यकर्त्यांच्या दारू पार्टीमध्ये शाखाप्रमुख दीपक चव्हाण, उपविभागप्रमुख संजय कदम आणि इतर पदाधिकारी सहभागी असल्याचं या व्हिडिओमध्ये दिसत आहे. या व्हिडिओनंतर शिंदे गटावर राजकीय दबाव वाढला आहे आणि या प्रकरणावर स्पष्टीकरण देण्याची मागणी विरोधकांकडून केली जात आहे.

The post मुंबईत शिवसेना शिंदे गटाच्या कार्यालयात दारू पार्टी रंगली, व्हिडिओ व्हायरल appeared first on थोडक्यात घडामोडी.

ठाणे : ठाणे जिल्ह्यात लोकल ट्रेनच्या महिला डब्यात एका अज्ञात महिला प्रवाशाच्या मोबाईलचा स्फोट झाल्याची घटना घडली आहे. एका नागरी अधिकाऱ्याने याबाबतची माहिती दिली आहे. सुदैवाने या घटनेत कुठल्याही प्रकारची जीवितहानी झालेली नाही. मात्र, यामुळे लोकलमधील प्रवाशांमध्ये गोंधळ उडाला होता.

सोमवारी (१० फेब्रुवारी) रात्री ८ वाजून १२ मिनिटांनी कळवा स्थानकावर सीएसएमटी-कल्याण उपनगरीय ट्रेनमध्ये झालेल्या या घटनेत कोणीही जखमी झालेलं नाही, असे ठाणे महापालिकेच्या आपत्ती व्यवस्थापन कक्षाचे प्रमुख यासिन तडवी यांनी पीटीआयला सांगितले. छत्रपती शिवाजी महाराज टर्मिनस (CSMT) रेल्वे नियंत्रण कक्षाकडून मिळालेल्या वृत्तानुसार, या घटनेत कोणीही जखमी झाले नाही. मोबाईल फोन स्फोट झाल्यामुळे लोकलमध्ये धुराचे लोट पसरले होते आणि परिस्थिती नियंत्रणात आणण्यासाठी रेल्वे कर्मचाऱ्यांनी अग्निशामक साधनांचा वापर केला.

याबाबत प्रत्यक्षदर्शींनी सांगितले की, एक छोटासा स्फोट ऐकू आला, ज्यामुळे डब्यात धूर पसरला, त्यानंतर अनेक प्रवाशांनी दरवाजाकडे जाण्यासाठी धाव घेतली. यामुळे काही काळ लोकलच्या डब्यात गोंधळाचे वातावरण पसरले होते. रेल्वे पोलिसांनी प्रवाशांना सुखरूप बाहेर काढले. ज्या प्रवाशी महिलेच्या मोबाईलचा स्फोट झाला तिची ओळख अद्याप पटलेली नाही. या घटनेचा तपास सुरू आहे.

The post ठाणे : लोकल ट्रेनमध्ये महिलेच्या मोबाईलचा स्फोट appeared first on थोडक्यात घडामोडी.

मुंबई : ठाणे येथील महत्वाकांक्षी नागरी पुनर्निर्माण कार्यक्रमांतर्गत क्लस्टर योजनेची अंमलबजावणी करणाऱ्या महाप्रित या कंपनीस ५ हजार कोटी इतका निधी गुंतवणूकदारांकडून इक्वीटी व कर्जरोख्याच्या स्वरुपात उभारण्यास मंत्रिमंडळ बैठकीत मान्यता देण्यात आली. बैठकीच्या अध्यक्षस्थानी मुख्यमंत्री एकनाथ शिंदे होते.

या योजनेत ६ हजार ४९ कोटी इतका खर्च अपेक्षित असून टेकडी बंगला, हजुरी व किसन नगर भागात क्लस्टर गृहनिर्माण प्रकल्प राबविण्यात येईल. त्याचप्रमाणे भिवंडीतील चाविंद्रे, पोगाव येथे प्रधानमंत्री आवास योजनेंतर्गत सदनिका, चंद्रपूर महापालिकेअंतर्गत म्हाडाच्या कोसरा येथे सदनिका, यवतमाळ व वडगाव येथील सदनिका, ठाणे, नागपूर व पुणे महापालिकेत अक्षय ऊर्जा खर्च बजेट मॉडेलवर आधारित प्रकल्प, मुंबई महानगरात ईव्ही पार्क, मेडीसिटी, मॅनग्रोव्ह पार्क, केमिकल हब, डिजिटल युनिव्हर्सिटी हे प्रकल्प देखील राबविण्यात येतील. या सर्व प्रकल्पांना मिळून १० हजार कोटी रुपये लागतील.

The post ठाणे येथील क्लस्टर योजनेसाठी महाप्रित ५ हजार कोटी उभारणार appeared first on थोडक्यात घडामोडी.

ठाणे : एका इमारतीच्या पाचव्या मजल्यावरून ३ वर्षाच्या चिमुकलीवर कुत्रा पडल्यामुळे मुलीचा मृत्यू झाल्याची घटना समोर आली आहे, ठाण्यातील मुंब्रा परिसरात हा धक्कादायक अपघात घडला आहे. यामध्ये कुत्रा जखमी झाला आहे.

मिळालेल्या माहितीनुसार, मुंब्रा येथील अमृत नगर परिसरात असलेल्या इमारतीच्या पाचव्या मजल्यावरून अचानक एक कुत्रा निष्पाप मुलीच्या अंगावर पडला. मंगळवारी दुपारी ही मुलगी तिच्या आईसोबत इमारतीखालून जात होती, यावेळी हा अपघात झाला. यामध्ये मुलगी पूर्णपणे बेशुद्ध झाली. तिची आई तात्काळ मुलीला रुग्णालयात घेऊन गेली. मात्र, तिथे डॉक्टरांनी तिला मृत घोषित केले.

दरम्यान, घटनेची माहिती मिळताच एका प्राणीप्रेमी महिलेने जखमी कुत्र्याला तातडीने उचलून रुग्णालयात नेले. घटनेची माहिती मिळताच मुंब्रा पोलीसही घटनास्थळी दाखल झाले. या संपूर्ण प्रकरणाचा अधिक तपास पोलीस करत आहेत. जैद सय्यद नावाच्या व्यक्तीने चिराग मॅन्शन इमारतीच्या टेरेसवर हा कुत्रा पाळला होता, अशी माहिती मिळाली आहे.

The post इमारतीवरून मुलीच्या अंगावर पडला कुत्रा, ३ वर्षाच्या चिमुकलीचा दुर्दैवी मृत्यू appeared first on थोडक्यात घडामोडी.

मुंबई: ठाणे जिल्ह्यातील अंजुम, अलीमघर व खाडीमध्ये पावसाचा फायदा घेत मोठ्या प्रमाणात सुरू असलेल्या अवैध हातभट्टी दारू निर्मिती ठिकाणांवर उत्पादन शुल्क विभागाच्या पथकाने छापे टाकत कारवाई केली. या कारवाईमध्ये एकूण ५ गुन्हे नोंद करण्यात आले असून एकूण ४८००० लिटर रसायन व इतर साहित्य असा एकूण १८ लाख १७ हजार ५०० रुपयांचा मुद्देमाल नष्ट केला आहे.

खाडीमध्ये सुरू असलेल्या अवैध हातभट्टी दारू निर्मिती ठिकाणांवर कारवाईसाठी उत्पादन शुल्क विभागातील जवानांना विशेष प्रशिक्षण देण्यात आले आहे. या प्रशिक्षित जवानांनी ही कारवाई केली. राज्य उत्पादन शुल्क आयुक्त डॉ. विजय सूर्यवंशी यांच्या मार्गदर्शनाखाली हातभट्टी दारूचे समूळ उच्चाटन करण्यासाठी ही मोहीम राबविण्यात येत आहे. या मोहिमेच्या अनुषंगाने विभागीय उप-आयुक्त प्रदीप पवार यांनी कोकण विभाग निरीक्षक यांच्या समन्वयाने छापे टाकण्यात आले. या कारवाईमध्ये हातभट्टी दारू निर्मिती ठिकाणांवर छापे टाकून २५० ड्रम्स रसायन उद्ध्वस्त करण्यात आले. या मोहिमेमध्ये बोटींमधून जाऊन खाडीतील हातभट्टी निर्मिती ठिकाणे नष्ट केली.

हातभट्टी दारू निर्मिती ठिकाणे चालवणाऱ्यांचा शोध घेऊन त्यांच्यावर कलम ३२८ अन्वये गुन्हे दाखल करण्यात येत आहे. तसेच एमपीडीए कायद्यान्वये कारवाई करण्यात येत आहे. यापुढेही अवैध हातभट्टी दारू निर्मिती ठिकाणांवर धडक कारवाईची मोहीम सुरूच राहणार आहे, असे उप आयुक्त पवार यांनी कळविले आहे.

The post ठाणे जिल्ह्यातील अवैध हातभट्टी दारू निर्मिती ठिकाणांवर छापे, १८.१७ लाखांचा मुद्देमाल जप्त appeared first on थोडक्यात घडामोडी.