राजस्थान : राजस्थानमधील अजमेर जिल्ह्यातील ब्यावर येथील एका खासगी डेंटिस्टच्या दवाखान्यात एका विवाहितेवर सामूहिक बलात्कार झाल्याची घटना समोर आली आहे. पीडितेने ब्यावर शहर पोलिस ठाण्यात आरोपी डेंटिस्ट आणि त्याच्या साथीदाराविरुद्ध बलात्काराचा गुन्हा दाखल केला आहे. याप्रकरणी ब्यावर पोलीस तपास करत आहेत.

पोलिसांनी दिलेल्या माहितीनुसार, 24 मे रोजी पीडित तरुणी राजसमंदच्या भीमा शहरातून दातांवर उपचार करण्यासाठी ब्यावर येथील चंपानगर येथील डॉक्टरांच्या क्लिनिकमध्ये आली होती. जेथे पीडितेने दंतचिकित्सकाला टॉयलेटबद्दल विचारले, तेव्हा त्याने तिला क्लिनिकमध्येच त्याच्या बेडरूममध्ये पाठवले. पीडितेने पोलिसांना दिलेल्या तक्रारीत म्हटले आहे की, जेव्हा ती त्या खोलीत गेली, तेव्हा डेंटिस्टनेही तिच्या मागे जाऊन खोलीचा दरवाजा बंद केला. यानंतर डेंटिस्टने खोलीत तिच्यावर बलात्कार केला.

पीडितेने सांगितले की, जेव्हा ती खोलीतून बाहेर पडायला लागली, तेव्हा डेंटिस्टचा दुसरा मित्र तिथे आला. त्यानंतर डेंटिस्ट खोलीतून बाहेर पडला आणि त्याच्या साथीदाराने खोली बंद करून तिच्यासोबत गैरवर्तन केले. बलात्कारानंतर दोन्ही आरोपींनी तिला आणि तिच्या कुटुंबीयांना जीवे मारण्याची धमकी दिल्याचा आरोप पीडितेने केला आहे. त्यामुळे ती अनेक दिवस गप्प राहिली. सोमवारी हिंमत एकवटून पीडितेने तिच्या कुटुंबीयांना न सांगता आरोपीविरुद्ध ब्यावर शहर पोलिस ठाण्यात तक्रार दाखल केली.

ब्यावर अतिरिक्त पोलीस अधीक्षक सुनील मेहरदा म्हणाले की, पीडितेच्या तक्रारीवरून गुन्हा दाखल करण्यात आला आहे. पीडितेची वैद्यकीय तपासणी केल्यानंतर कलम 164 अन्वये तिचा जबाब घेण्यात येईल. मंगळवारीही पीडितेला बोलावण्यात आले. याबाबत तपास सुरू आहे. पीडितेचा जबाब घेतल्यानंतरच आरोपींना अटक केली जाईल.

पत्नीने प्रायव्हेट पार्टवर लाथ मारल्यामुळे पतीने गमावले पुरुषत्व, त्यानंतर उचलले टोकाचे पाऊल…

अभिनेत्री रश्मिरेखा ओझाची गळफास घेऊन आत्महत्या, मनोरंजनविश्वात खळबळ

The post डेंटिस्टच्या दवाखान्यात उपचारासाठी गेलेल्या विवाहितेवर सामूहिक बलात्कार appeared first on थोडक्यात घडामोडी.

आंध्र प्रदेश : आंध्र प्रदेश येथे सामूहिक बलात्काराची घटना समोर आली आहे. रेल्वे स्थानकावर पती आणि मुलांच्या डोळ्यादेखत महिलेवर सामूहिक बलात्काराची संतापजनक घटना घडली आहे. प्रकाशम जिल्ह्यातील यारागोंडा भागातील एक महिला तिच्या पती आणि मुलांसह रात्री 11.30 वाजता रेपल्ले रेल्वे स्थानकावर ट्रेनमधून उतरली होती. मध्यरात्र असल्यामुळे त्यांना नागाईलंकाला जाण्यासाठी एकही बस मिळू शकली नाही, त्यामुळे रेल्वे स्थानक सुरक्षित असल्याचे समजून ते फलाटावरील बाकावर झोपले.

पोलिसांनी दिलेल्या माहितीनुसार, रात्री 1 वाजताच्या सुमारास दारूच्या नशेत असलेले तिघेजण त्यांच्याजवळ आले. त्यांनी आधी पीडितेकडे असलेले ७५० रुपये हिसकावले, त्यानंतर महिलेच्या पतीला बेदम मारहाण केली. त्यानंतर या नराधमांनी महिलेला तिचे केस धरून ओढले आणि तिच्यावर बलात्कार केला. घटनेच्या वेळी प्लॅटफॉर्मवर इतर दोन महिलाही होत्या. महिलेचा पती मदतीची याचना करत होता, मात्र त्यांनी मदत करण्यास नकार दिला. त्यानंतर त्याने स्टेशनबाहेर धाव घेतली आणि काही अंतरावर असलेल्या पोलिस चौकीत मदत मागण्यासाठी आला. मात्र, पोलिस रेल्वे स्टेशन प्लॅटफॉर्मवर पोहोचेपर्यंत आरोपी फरार झाले होते.

पीडितेला तातडीने सामुदायिक आरोग्य केंद्रात उपचारासाठी नेण्यात आले. पोलिसांनी गुन्हा दाखल करून श्वानपथकाच्या मदतीने काही तासांतच तिन्ही आरोपींना ताब्यात घेतले. एक आरोपी विजयकृष्ण (२४), दुसरा आरोपी निखिल (२५), तर तिसरा आरोपी अल्पवयीन असून, त्याच्यावर यापूर्वीही चोरीचे गुन्हे दाखल आहेत. या तीन आरोपींनी महिलेवर सामूहिक बलात्कार केला. पीडित महिलेचे कुटुंब मजुरी करून उदरनिर्वाह करते. या घटनेमुळे महिला सुरक्षेचा प्रश्न पुन्हा एकदा ऐरणीवर आला आहे.

The post संतापजनक! पती आणि मुलांच्या डोळ्यादेखत महिलेवर सामूहिक बलात्कार, महिला सुरक्षेचा प्रश्न ऐरणीवर appeared first on थोडक्यात घडामोडी.