उत्तर प्रदेश : पत्नीने विश्वासघात केल्यामुळे व्यथित झालेल्या राम गोपाल प्रजापती (वय ५५) यांनी १५० फूट खोल खाणीत उडी घेत आत्महत्या केली. झांसी जिल्ह्यातील रक्सा पोलीस ठाण्याच्या हद्दीतील डेली गावात ही धक्कादायक घटना घडली आहे. पत्नीने अगोदर पतीला घर विकण्यास भाग पाडले. त्यानंतर घर विकून मिळालेले पैसे घेऊन ती तिच्या प्रियकरासोबत पळून गेली. पत्नीने केलेल्या या विश्वासघातामुळे राम गोपालला दुखी झाला आणि त्याने आपले जीवन संपवले.

मिळालेल्या माहितीनुसार, राम गोपाल यांचे २५ वर्षांपूर्वी निशा नावाच्या महिलेशी लग्न झाले होते. त्यांना दोन मुलेही आहेत. कुटुंबात सगळं व्यवस्थित चाललं होतं. मात्र, काही काळापूर्वी निशाचे एका इतर पुरुषाशी प्रेमसंबंध सुरू झाले होते. दरम्यान, ६ महिन्यांपूर्वी निशाने आपल्या पतीला घर विकण्यास भाग पाडले. हे घर ११ लाख रुपयांना विकले गेले. त्यानंतर, निशा आपल्या प्रियकरासोबत दोन्ही मुलांना घेऊन पळून गेली. निशा घराचे पैसेही सोबत घेऊन गेली. त्यानंतर दोघांचे लग्नही झाले. मात्र, या सर्व घटनांमुळे राम गोपाल हे खूप काळजीत आणि तणावात होते.

राम गोपाल हे मानसिक तणावात होते. १९ एप्रिल रोजी ते त्यांच्या बहिणीकडे डेली गावात गेले. तिथे ते त्यांच्या १४ वर्षांच्या भाचीला म्हणाले की, “आज माझा शेवटचा दिवस आहे.” यानंतर त्यांनी गावाजवळील एका १५० फूट खोल खाणीत उडी घेतली. घटनेची माहिती मिळताच पोलीस घटनास्थळी दाखल झाले. राम गोपाल यांचा मृतदेह ताब्यात घेऊन शवविच्छेदनासाठी पाठवण्यात आला आहे. या प्रकरणी बोलताना झांसीचे पोलीस अधीक्षक ज्ञानेंद्र कुमार यांनी सांगितले की, “मृताच्या कुटुंबीयांनी, पत्नीने केलेला विश्वासघात या आत्महत्येला कारणीभूत असल्याचे म्हटले आहे. पुढील तपास सुरू आहे.”

The post पतीला घर विकायला भाग पाडलं, पैसे घेऊन प्रियकरासोबत फरार झाली, पतीने उचललं टोकाचं पाऊल… appeared first on थोडक्यात घडामोडी.

उत्तर प्रदेश : उत्तर प्रदेशातील कुशीनगर येथून एक धक्कादायक प्रकरण समोर आले आहे. एका पतीने आपल्या 26 वर्षीय पत्नीची गळा चिरून हत्या केली. त्याचदिवशी गुन्हेगार पतीच्या दीर्घ आयुष्यासाठी पत्नीने उपवास केला होता. हत्या केल्यानंतर गुन्हेगार पती पळून गेला.

मिळालेल्या माहितीनुसार, हे प्रकरण कुशीनगरच्या रामकोला पोलीस स्टेशन परिसरातील देवरिया बाबू गावचे आहे. 28 वर्षीय राजगीर मिस्त्री वीरबल याचे गुजरातमधील एका महिलेशी अवैध संबंध होते. काही दिवसांपूर्वी त्याने आपल्या प्रेयसीला घरी आणले होते आणि त्याची पत्नी शीलाला सांगितले होते की ती त्याची दुसरी पत्नी आहे आणि तिला सर्वांनी स्वीकारले पाहिजे. हे ऐकल्यानंतर शीलाच्या पायाखालची जमीन सरकली. याला पत्नी शीला यांनी जोरदार विरोध केला होता.

दरम्यान, पत्नीने विरोध केल्यानंतर वीरबलने आपल्या प्रेयसीला परत गुजरातला नेऊन सोडले. पण त्याच्या डोक्यात पत्नीबद्दल राग होता. त्याने कुशीनगरला परतल्यानंतर पत्नीवर अत्याचार करण्यास सुरुवात केली. दारूच्या नशेत तो दररोज शीलाला निर्दयीपणे मारहाण करायचा. गुरुवारी (९ सप्टेंबर) शीलाने आपल्या पतीच्या दीर्घ आयुष्यासाठी सकाळपासून तीज व्रत ठेवले होते. त्याच रात्री तिचा पती वीरबलने तिची हत्या केली. वीरबलची आई वीरबलच्या दोन लहान मुलांसह व्हरांड्यात झोपली होती. मध्यरात्री वीरबल झोपेतून उठला आणि पत्नीचा गळा चिरून घटनास्थळावरून पळून गेला.

The post पतीच्या दीर्घ आयुष्यासाठी ‘तिने’ दिवसभर उपवास केला, रात्री पतीने प्रेयसीसाठी तिचा गळा चिरला… appeared first on थोडक्यात घडामोडी.

नवी दिल्ली : ग्रेटर नोएडाच्या बिसरख भागात एक धक्कादायक घटना घडली आहे. येथे एका नराधमाने 15 वर्षीय अल्पवयीन मेहुणीचे अपहरण करून तिच्यावर बलात्कार केला. त्याच्या पत्नीने त्याला तुरुंगात पाठवले आहे. अपहरण आणि बलात्काराचा गुन्हा नोंदवल्यानंतर पोलिसांनी आरोपीला अटक केली.

पोलिसांनी दिलेल्या माहितीनुसार, रविदास हा उत्तर प्रदेशातील शाहजहांपूरचा रहिवासी आहे. सध्या ग्रेटर नोएडा पश्चिम येथे राहणाऱ्या रविदासने काही काळापूर्वी एका मुस्लिम मुलीशी लग्न केले होते. त्यानंतर त्याने आपल्या पत्नीच्या बहिणीचे (वय 15) अपहरण केले. त्यानंतर त्याने तिला एका खोलीत नेले आणि धमकी देऊन तिच्यावर बलात्कार केला. अल्पवयीन मुलीवर अनेक दिवस वारंवार बलात्कार करण्यात आल्याचा आरोप आहे.

दरम्यान, बहीण बेपत्ता झाल्यानंतर या महिलेला पतीवर संशय आला. कारण बहीण बेपत्ता झाल्यापासून तिचा पतीही घरी आला नव्हता. त्यामुळे महिलेने पतीविरोधात बिसरख पोलीस ठाण्यात तक्रार दाखल केली. पोलिसांनी गुन्हा नोंदवून कारवाई केली आणि आरोपीला अटक करण्यात आली आहे. तसेच 15 वर्षीय अल्पवयीन मुलीची सुटका करण्यात आली आहे.

मुलीचे मेडिकल केले असून त्यात बलात्काराची पुष्टी झाली आहे. पोलिसांनी आरोपीवर अनेक कलमांनुसार कारवाई केली आहे. त्यानंतर पोलिसांनी आरोपीला न्यायालयात हजर केले. त्याला 14 दिवसांची न्यायालयीन कोठडी सुनावण्यात आली आहे.

The post मेहुणीचे अपहरण करून वारंवार बलात्कार, पत्नीने पाठवले तुरुंगात appeared first on थोडक्यात घडामोडी.

उत्तर प्रदेश : दोन वर्षांच्या मुलीने रेल्वे स्थानकावर बेशुद्ध झालेल्या आपल्या आईला मदत करण्यासाठी मोठे प्रसंगावधान दाखवले. या चिमुकलीला अद्याप नीट बोलता देखील येत नाही. पण तरीही या चिमुकलीने आईची मदत केली. ही मुलगी काही अंतरावर उभ्या असलेल्या एका आरपीएफच्या लेडी कॉन्स्टेबलकडे गेली आणि तिचे बोट धरून तिला आपल्या आईकडे घेऊन आली. या महिलेबरोबर 6 महिन्यांचे बाळही होते. महिला बेशुद्ध असल्याचे पाहताच लेडी कॉन्स्टेबलने तात्काळ इतर पोलिसांच्या मदतीने महिलेला रुग्णालयात दाखल केले.

मिळालेल्या माहितीनुसार, उत्तर प्रदेशातील मुरादाबाद रेल्वे स्टेशनवर एक महिला बेशुद्ध पडली. या महिलेबरोबर तिची दोन वर्षाची मुलगी आणि एक 6 महिन्यांचे बाळही होते. आई उठत नसल्यामुळे सुरुवातीला ही चिमुकली घाबरली आणि रडायला लागली. परंतु, काही वेळाने तिने काही अंतरावर उभ्या असलेल्या एका आरपीएफच्या लेडी कॉन्स्टेबलला बघितले. त्यानंतर तिने धावत जाऊन या लेडी कॉन्स्टेबलचे बोट पकडले. अगोदर या लेडी कॉन्स्टेबलला काहीच समजले नाही. पण त्यानंतर ही मुलगी तिला एका बाजूला घेऊन जाऊ लागली, तेव्हा लेडी कॉन्स्टेबल देखील तिच्यामागे गेली. ही मुलगी महिला कॉन्स्टेबलला तिच्या आईकडे घेऊन गेली.

प्लॅटफॉर्म क्रमांक 5 वर महिलेला बेशुद्ध अवस्थेत पाहून महिला कॉन्स्टेबल अस्वस्थ झाली. या महिलेच्या जवळ ६ महिन्यांचे बाळही होते. लेडी कॉन्स्टेबलने जीआरपीला बोलावले. जीआरपीने तात्काळ रुग्णवाहिकेला कॉल केला आणि या महिलेला जिल्हा रुग्णालयात दाखल केले. ही घटना आठ वाजता घडली. पायऱ्यांजवळ महिला बेशुद्ध अवस्थेत आढळली. या महिलेची अद्याप ओळख पटलेली नाही. बाल संरक्षण दलाला घटनेची माहिती देण्यात आली आहे. सध्या जीआरपी मुलांची काळजी घेत आहे. डॉक्टरांनी सांगितले की आता ही महिला सुरक्षित आहे. तिच्या जीवाला कोणताही धोका नाही.

The post रेल्वे स्थानकावर बेशुद्ध पडली महिला, 2 वर्षांच्या चिमुकलीने प्रसंगावधान दाखवत वाचवले आईचे प्राण appeared first on थोडक्यात घडामोडी.

उत्तर प्रदेश : उत्तर प्रदेशमधील शामली येथील कैराना या गावात एक धक्कादायक घटना उघडकीस आली आहे. येथील एका व्यक्तीने पत्नीच्या सांगण्यावरून 11 हजाराची हाय व्होल्टेज वायर पकडली. त्यातून हा माणूस वाचला पण त्याला दोन्ही हात गमवावे लागले आणि आता पत्नीच्या कुटुंबीयांनी तिला नदीमकडे पाठवण्यास नकार दिला आहे.

मिळालेल्या माहितीनुसार, सुमारे सात वर्षांपूर्वी कैराना गावात राहणारा नदीम जवळच्या गावातील कांधला येथील सायमा या मुलीच्या प्रेमात पडला होता. नदीमचे मीटचे दुकान आहे. सायमा त्याच्या दुकानात यायची. याच दरम्यान दोघांचे प्रेम जुळले. प्रेमसंबंधानंतर गेल्या वर्षी दोघांचे लग्न झाले. दरम्यान, काही दिवसांपूर्वी सायमा नदीमला सोडून तिच्या माहेरी गेली. नदीमने परत बोलावल्यानंतर सायमाने नदीमला विचारले की तो तिच्यासाठी काय करू शकतो? त्यावर नदीम म्हणाला की तुझ्यासाठी जीवही देऊ शकतो. त्यावर पत्नीने हट्ट करत नदीमसमोर 11 हजार हाय व्होल्टेज असलेली विद्युत तारेला स्पर्श करण्याची अट ठेवली. त्यानंतर नदीमने पुढचा मागचा विचार न करता विद्युत तारेला स्पर्श केला. या घटनेतून नदीम वाचला खरा, पण त्याचे दोन्ही हात कापावे लागले.

दरम्यान, नदिमने दोन्ही हात गमावल्यामुळे आता सायमाचे कुटुंबीय तिला नदीमबरोबर पाठवण्यास तयार नाहीत. त्यामुळे नदीम पत्नीला सासरी बोलावण्यासाठी एसपीच्या ऑफिसात पोहोचला. तेथे अर्ज देऊन नदीमने सासरच्या मंडळींवर शिवीगाळ आणि मारहाण केल्याचा आरोप केला आहे. नदीम म्हणाला की तो आपल्या पत्नीवर खूप प्रेम करतो आणि तो संपूर्ण आयुष्य तिचा चेहरा पाहून व्यतीत करेल.

The post पत्नीने केला विचित्र हट्ट, नवऱ्याने प्रेम सिद्ध करायच्या नादात गमावले दोन्ही हात appeared first on थोडक्यात घडामोडी.

मीरत (उत्तर प्रदेश) : क्रिकेटपटू भुवनेश्वर कुमारच्या वडिलांचे निधन झाले आहे. भुवनेश्वरचे वडील किरणपाल सिंग हे यकृताच्या गंभीर आजाराने त्रस्त होते. त्यांची प्रकृती चिंताजनक होती. डॉक्टरांनी त्यांच्यावर सर्व प्रकारचे इलाज करून देखील त्यांच्या प्रकृतीत सुधारणा झाली नाही. त्यानंतर डॉक्टरांनी त्यांना घरी घेऊन जाण्यास सांगितले होते. कुटुंबीयांनी त्यांना गंगानगर येथील त्यांच्या निवासस्थानी आणले होते. तिथेच त्यांनी अखेरचा श्वास घेतला.

किरणपाल गेल्या अनेक महिन्यांपासून यकृताच्या गंभीर आजाराने ग्रासले होते. त्यांच्यावर दिल्लीतील एम्स आणि नोएडा येथील रुग्णालयात उपचार सुरू होते. इंग्लंडमधील डॉक्टरांच्या मार्गदर्शनाखाली उपचार चालू होते. अगदी गंभीर परिस्थितीतही किरणपाल यांनी भुवीला ‘आयसीसी प्लेअर ऑफ दि मंथ’ मध्ये वोट द्या, असं आवाहन केलं होतं. भुवी सर्वाधिक मताधिक्याने प्लेअर ऑफ दि मंथ म्हणून निवडूनही आला होता. हे पाहून त्याचे वडील खूप खूश झाले होते.

त्यांची केमो थेरपी दिल्ली आणि नोएडा येथे पूर्ण झाली होती. त्यानंतर त्यांना बरे वाटू लागले. पण दोन आठवड्यांपूर्वी त्यांची प्रकृती पुन्हा खालावली. त्यांना गंगानगरमधील जवळच्याच रुग्णालयात दाखल करण्यात आले. प्रकृती स्थिर राहिल्यानंतर काही दिवसांनंतर त्यांना मुजफ्फरनगर भागातील मसूरी येथील रुग्णालयात दाखल करण्यात आले. यकृत रोगामुळे त्यांना कावीळ आणि इतर बर्‍याच आजारांनी ग्रासले होते. त्यानंतर डॉक्टरांनी सांगितल्यावर भुवनेश्वर, त्याची आई इंद्रेश देवी आणि बहीण रेखा त्यांची घरीच सेवा करत होते. आज त्यांचे निधन झाले.

Bhuvneshwar Kumar’s father loses his battle with cancer. Condolences to @BhuviOfficial and the family, and prayers for the departed soul.

— Rahul Rawat (@rawatrahul9) May 20, 2021

The post ब्रेकिंग : क्रिकेटपटू भुवनेश्वर कुमारच्या वडिलांचे निधन appeared first on थोडक्यात घडामोडी.

नोएडा : उत्तर प्रदेशातील ग्रेटर नोएडा येथील एका हॉटेलमध्ये सुरु असलेले सेक्स रॅकेट पोलिसांनी उद्ध्वस्त केले. या कारवाईत 12 महिलांसह 23 जणांना अटक करण्यात आली आहे. या प्रकरणात काही पोलिसांचा देखील समावेश असल्याची धक्कादायक माहिती समोर आली आहे.

मिळालेल्या माहितीनुसार, ग्रेटर नोएडा येथील दनकौर परिसरातील चींती गावाजवळील एका हॉटेलमध्ये सेक्स रॅकेट सुरू असल्याची माहिती पोलिसांना मिळाली. त्यानुसार सहाय्यक पोलिस आयुक्त ब्रिजनंदन राय यांच्या नेतृत्वाखाली पोलिसांची टीम तयार करण्यात आली. शनिवारी दुपारी पोलिसांच्या पथकाने हॉटेलवर छापा टाकण्यात आला. यावेळी पोलिसांनी सेक्स रॅकेटमध्ये सहभागी असणाऱ्या 12 महिला आणि हॉटेलचे व्यवस्थापक यांच्यासह 11 पुरुषांना अटक केली. पोलिसांनी घटनास्थळावरून आक्षेपार्ह साहित्य जप्त केले.

या सेक्स रॅकेटमध्ये दनकौर येथील पोलीसही सामील असल्याची अतिशय धक्कादायक माहिती तपासादरम्यान समोर आली. त्यानुसार चौकशीनंतर चार पोलिस हवालदार, एक हेड कॉन्स्टेबल आणि पोलिसांच्या जीप चालकाला निलंबित करण्यात आले आहे. पोलीस या प्रकरणाचा अधिक तपास करत असून अजून कोणी यात सहभागी आहेत का, याबद्दल माहिती मिळवण्याचा प्रयत्न करत आहेत.

The post हॉटेलमध्ये सुरु असलेले सेक्स रॅकेट उद्ध्वस्त, 23 जणांना अटक, पोलिसांच्या समावेशाने खळबळ appeared first on थोडक्यात घडामोडी.

उत्तर प्रदेशमधील कन्नौज जिल्ह्यात आग्रा-लखनौ द्रुतगती मार्गावर अतिशय भीषण अपघात झाला आहे. रात्री 1 वाजण्याच्या सुमारास चालकाला डुलकी लागल्यामुळे कारची उभ्या असलेल्या ट्रकला जोरदार धडक बसली. या अपघातात एकाच कुटुंबातील सहा जणांचा जागीच मृत्यू झाला. कारमध्ये असलेले सर्वजण मेहंदीपूर येथील बालाजी मंदिरात जात होते. रात्री एक वाजता तालग्राम पोलिस ठाण्याच्या हद्दीत हा अपघात झाला.

चालकाला डुलकी लागल्यामुळे कार अनियंत्रित झाली आणि हा भीषण अपघात झाला. या अपघातात कारमधील सर्वांचा जागीच मृत्यू झाला. यूपीडाच्या सुरक्षा कर्मचाऱ्यांनी या सर्वांना मेडिकल कॉलेजमध्ये नेले. त्यांच्या खिशातून मिळालेल्या कागदपत्रांच्या आधारे त्यांची ओळख पटवून पोलिसांनी घटनेची माहिती त्यांच्या कुटुंबियांना दिली. हे सर्वजण लखनौच्या काकोरी पोलिस ठाण्याच्या हद्दीतील बुधडिया गावातील रहिवासी होते.

The post आग्रा-लखनौ मार्गावर कार आणि ट्रकचा भीषण अपघात, एकाच कुटुंबातील सहा जणांचा मृत्यू appeared first on थोडक्यात घडामोडी.