मुंबई : खासदार छत्रपती उदयनराजे भोसले यांनी पूजा चव्हाण आत्महत्या प्रकरणाबाबत प्रतिक्रिया व्यक्त केली आहे. ते म्हणाले की, भारतात लोकशाही आहे. लोकशाहीत आपण मतदार प्रतिनिधींची निवड करत असतो. त्यामुळे प्रतिनिधींनी जबाबदारीचं भान ठेवून वागायला हवं. पूजा चव्हाण प्रकरणात जे दोषी असतील त्यांच्यावर तात्काळ कारवाई व्हायला हवी. कायद्या समोर सर्वजण समान असतात. उदयनराजे आज मनसे अध्यक्ष राज ठाकरे यांची भेट घ्यायला आले होते. त्यावेळी ते पत्रकारांशी बोलत होते.

उदयनराजे भोसले म्हणाले कि, “राजेशाही जाऊन आता देशात लोकशाही आली आहे. लोकशाहीत आपण आपले प्रतिनिधी निवडून देत असतो. आपल्या मतांवर आमदार, खासदार निवडून येतात. त्यामुळे अशा नेत्यांनी जबाबदारीचं भान ठेवून वागायला आणि बोलायला हवं. पूजा चव्हाण आत्महत्या प्रकरणात जर संबंधित व्यक्ती जबाबदार असेल तर तत्काळ त्यावर कडक कारवाई व्हायलाच हवी. त्याठिकाणी उदयनराजे असतील तरी कारवाई ही व्हायलाच हवी. कायद्यासमोर सर्वजण समान असतात.”

राज ठाकरेंच्या भेटीचं कारण विचारलं असता उदयनराजे म्हणाले, “आमच्या घरात लवकरच एक लग्न आहे. त्या लग्नाची पत्रिका देण्यासाठी राज ठाकरे यांची भेट घेतली. या भेटीत जवळपास 1 तास राज ठाकरे यांच्यासोबत वेगवेगळ्या विषयांवर गप्पा झाल्या. सध्या पत्रिका देण्याच्या निमित्ताने सर्व राजकीय पक्षातील नेत्यांच्या भेटीगाठी मी घेत आहे.”

मराठा आरक्षणाबाबत उदयनराजे म्हणाले की, “मराठा आरक्षण प्रश्नी कोणत्याही प्रकारचे राजकारण होऊ नये अशी विनंती मी शरद पवार यांना केली आहे. उद्या मुख्यमंत्री उद्धव ठाकरे यांच्या नेतृत्वाखाली एका बैठकीचं आयोजन करण्यात आलं आहे. या बैठकीला मी स्वतः तसेच मराठा आरक्षण उपसमितीचे प्रमुख अशोक चव्हाण आणि समितीतील सदस्य देखील उपस्थित असतील. या बैठकीत सर्वोच्च न्यायालयात सरकार कोणती रणनीती अवलंबणार आहेत याबाबत चर्चा होणार आहे. मराठा समाजाची मागणी रास्त आहे. इतर समाजाला ज्या पद्दतीने आरक्षण मिळालं त्याच पद्यतीने मराठा समाजाला देखील आरक्षण मिळावं अशी माझी इच्छा आहे.”

The post पूजा चव्हाण आत्महत्या प्रकरणाबाबत उदयनराजे भोसले यांची रोखठोक प्रतिक्रिया… appeared first on थोडक्यात घडामोडी.

सातारा : ‘आई माझी काळूबाई’ मालिकेतील अलका कुबल आणि प्राजक्ता गायकवाड यांच्यातील वाद आता खासदार उदयनराजे भोसले यांच्यापर्यंत पोहोचला आहे. अभिनेत्री प्राजक्ता गायकवाडनं केलेल्या आरोपावरून मोठा वाद निर्माण झाला आहे. सध्या हा वाद चर्चेत असून, मालिकेच्या चित्रीकरणालाही गावकऱ्यांनी विरोध केला आहे. या प्रकरणी अभिनेत्री अलका कुबल यांनी छत्रपती उदयनराजे भोसले यांची रविवारी भेट घेतली.

सातारा चित्रीकरणाच्या सेटवर ची सर्व वस्तुस्थिती अलका कुबल यांनी उदयनराजे भोसले यांच्यासमोर मांडली. यानंतर उदयनराजेंनी अभिनेत्री प्राजक्ता गायकवाड सोबत मोबाईलवरून चर्चा करुन हा वाद लवकरात लवकर मिटवावा, अशी विनंती केली. काही संघटनांनी मागणी केली आहे कि, अभिनेत्री अलका कुबल यांनी प्राजक्ता गायकवाड यांची माफी मागावी तसेच मालिकेतील प्रमुख कलाकार विवेक सांगळेला मालिकेतून काढून टाकावे. असे झाले नाही तर साताऱ्यात सुरु असलेलं मालिकेचं चित्रीकरण बंद पाडण्याची धमकी देखील दिली आहे. या सर्व गोष्टींच्या पार्श्वभूमीवर अभिनेत्री अलका कुबल-आठल्ये आणि समीर आठल्ये यांनी आज उदयनराजे भोसले यांची त्यांच्या जलमंदीर पॅलेस या निवासस्थानी भेट घेतली. या भेटीची माहिती उदयनराजे भोसले यांनी ट्विट करून दिली.

जेष्ठ अभिनेत्री सौ अलका कुबल यांनी आज भेट घेतली काही दिवसांपासून अभिनेत्री प्राजक्ता गायकवाड यांच्यासोबत काही विषयांवर झालेल्या वादाबद्दल चर्चा झाली यावेळी अभिनेत्री प्राजक्ता गायकवाड यांच्याशी चर्चा केली हा वाद लवकरच मिटवून पुन्हा एकत्र येऊन काम करावे ही इच्छा आम्ही व्यक्त केली. pic.twitter.com/OZM7XY2RU9

— Chhatrapati Udayanraje Bhonsle (@Chh_Udayanraje) November 8, 2020

The post ‘आई माझी काळूबाई’ मालिकेतील वाद पोहोचला उदयनराजे भोसले यांच्यापर्यंत appeared first on थोडक्यात घडामोडी.

पुणे: मराठा आरक्षणाच्या मुद्द्यावरून वंचित बहुजन आघाडीचे अध्यक्ष प्रकाश आंबेडकर आणि उदयनराजे भोसले आमनेसामने आले असून, प्रकाश आंबेडकरांनी उदयनराजे यांच्यावर केलेल्या टीकेनंतर उदयनराजे समर्थकांनी प्रकाश आंबेडकरांवर टीकास्त्र सोडलं होतं. प्रकाश आंबेडकर यांच्यावर सोडलेल्या टीकेला आता प्रकाश आंबेडकर यांनी देखील प्रत्युत्तर द्यायला सुरुवात केली आहे. दरम्यान उदयनराजे भोसले आणि प्रकाश आंबेडकर यांच्यात्तील वाद चिघळण्याची शक्यता वर्तवली जात आहे.

प्रकाश आंबेडकर यांनी ट्वीटमध्ये म्हटलं आहे, राजे सम्राट अशोक, छत्रपती शिवाजी महाराज आणि छत्रपती शाहू महाराज या तिघांनाच आम्ही राजे मानतो. वंचित बहुजन आघाडीने घेतलेली भूमिका मराठा आरक्षणाच्या बाजूची आहे. पुतळे जाळा, काहीही केले तरी आम्ही आमची भूमिका व पक्षाची भूमिका बदलणार नाहीत. ही भूमिका वैचारिक आहे आणि ती कायम राहील, अशी भूमिका वंचित बहुजन आघाडीचे अध्यक्ष प्रकाश आंबेडकर यांनी स्पष्ट केली आहे.

राजे सम्राट अशोक,छत्रपती शिवाजी महाराज आणि छत्रपती शाहू महाराज या तिघांनाच आम्ही राजे मानतो. वंचित बहुजन आघाडीने घेतलेली भूमिका मराठा आरक्षणाच्या बाजूची आहे. पुतळे जाळा, काहीही केले तरी आम्ही आमची भूमिका व पक्षाची भूमिका बदलणार नाहीत. ही भूमिका वैचारिक आहे,आणि ती कायम राहील.

— Prakash Ambedkar (@Prksh_Ambedkar) October 9, 2020

The post आम्ही तिघांनाच राजे मानतो – प्रकाश आंबेडकर appeared first on थोडक्यात घडामोडी.

“मी कधी राजकारण करत नाही. मराठा आरक्षणाच्या मुद्द्यावर राजीनामा द्यावा लागला तर मी देणारच,” असं वक्तव्य भाजपचे राज्यसभा खासदार उदयनराजे भोसले यांनी केलं. मराठा आरक्षणाबाबत एक ठोस निर्णय व्हावा, अशी इच्छा त्यांनी व्यक्त केली. “इतर समाजांप्रती मला आदर आहे. मात्र प्रत्येकाला त्यांचा हक्क मिळाला पाहिजे ही माझी भूमिका आहे. न्यायालयाने सर्वांना समान अधिकार द्यावेत. न्याय मिळाला नाही तर उद्रेक होणार हे स्वाभाविक आहे,” असंही उदयराजे म्हणाले.

“मराठा आरक्षणावर सरकारने काही केलं तर ठीक, नाहीतर राजकारणाला रामराम करणार. मी मनापासून बोलतो. मराठा आरक्षणाच्या मुद्द्यावर राजीनामा द्यावा लागला तर मी देणारच. फक्त मराठा समाजासाठीच नाही, इतर कोणावर अन्याय होत असतील तर त्यांच्यासाठीही लढणार. काही होत नसेल तर पदावर राहून काय उपयोग?” असं उदयनराजे म्हणाले.

“माझी बांधिलकी लोकांशी आहे, पक्षाशी नाही. कोणताही पक्ष हा लोकांच्या जीवावर असतो. जे माझ्या बुद्धीला पटत नाही ते मी कधीच करत नाही, मग ते कोणीही असो. मला कोर्टाचा अवमान करण्याची इच्छा नाही. पण कोर्ट म्हणजे काय मला हे कळालंच नाही. कोर्ट म्हणजे तुमच्या आमच्यासारखी माणसंच असतात. निर्णय देताना त्यांनी मनाने विचार केला पाहिजे, त्यांनी सर्वांना न्याय दिला पाहिजे,” असं मत उदयनराजेंनी यावेळी व्यक्त केलं आहे.

The post काही होत नसेल तर पदावर राहून काय उपयोग?- खासदार उदयनराजे भोसले appeared first on थोडक्यात घडामोडी.