Doctor raped women patient : आजकाल गुन्ह्यांच्या वाढत्या घटनांमध्ये अशी अनेक प्रकरणे समोर येतात जी आश्चर्यचकित करतात. नुकतेच उघडकीस आलेले हे प्रकरण जाणून घेतल्यानंतर तुमच्या पायाखालची जमीन सरकेल. या प्रकरणात उपचारासाठी आलेल्या तरुणीला झोपेच्या गोळ्या देऊन एका डॉक्टरने तिच्याशी शरीरसंबंध ठेवले. ही युवती झोप आणि नैराश्यावर उपचार घेण्यासाठी डॉक्टरकडे आली होती आणि उपचाराच्या नावाखाली डॉक्टरने तिचे दीर्घकाळ लैंगिक शोषण सुरूच ठेवले. याप्रकरणी आता डॉक्टरवर कारवाई करण्यात आली असून डॉक्टरचा वैद्यकीय परवाना निलंबित करण्यात आला आहे.

वृत्तानुसार, यूकेमध्ये राहणाऱ्या आरोपी डॉक्टरची ओळख डॉ गोक्सेल सेलिकोल अशी झाली आहे. हा गुन्हा घडला त्यावेळी तो 55 वर्षांचा होता, त्याचे एका 22 वर्षीय महिलेशी संबंध होते, जी उदासीनतेशी झुंज देत होती. गोकसेल सध्या 78 वर्षांचा आहे, तर तरुणी 45 वर्षांची आहे. पोलिसांत तक्रार दाखल करताना तिने डॉ. गोकसेल यांच्यावर झोपेच्या गोळ्या देण्याच्या आणि नैराश्यावर उपचार करण्याच्या नावाखाली जबरदस्ती शरीरसंबंध ठेवल्याचा आरोप केला आहे.

दुसरीकडे, काही दिवसांपूर्वी झालेल्या खटल्याच्या सुनावणीदरम्यान, न्यायाधिकरण न्यायालयात सांगण्यात आले की, 1999 मध्ये तपासणीदरम्यान गोकसेलने पहिल्यांदाच महिला रुग्णाला अनुचित स्पर्श केला होता. तपासात असेही आढळून आले की, गोकसेलने स्त्रीला झोपेच्या औषधाचे आवश्यकतेपेक्षा जास्त डोस लिहून दिले होते. शेवटी, डॉक्टरांच्या उपचाराला कंटाळून, महिला रुग्णाने तिच्या आईसोबत राहण्यासाठी यूके सोडलं आणि स्कॉटलंडला राहायला गेली. येथे तिने दुसऱ्या डॉक्टरांकडून उपचार घेतले, तरीही पुढील सात वर्षे गोकसेल तिला औषधे लिहून देत राहिला आणि तो पोस्टाने औषधे पाठवत राहिला. इतकंच नाही तर झोपेच्या गोळ्या आणि नैराश्यावरील उपचारांच्या बदल्यात त्याने तिच्याशी संबंध ठेवण्याचा प्रयत्न केला.

The post धक्कादायक! डॉक्टरचा महिला रुग्णावर बलात्कार, उपचाराच्या नावाखाली दिल्या झोपेच्या गोळ्या आणि… appeared first on थोडक्यात घडामोडी.

न्यूझीलंड : न्यूझीलंडमधील ऑकलंडमधून एक विचित्र घटना समोर आली आहे. येथील एक व्यक्ती पाण्यात पोहून घरी परतली असता त्या व्यक्तीच्या कानात दुखू लागले. सुरुवातीला या व्यक्तीला हे सामान्य दुखणे वाटले आणि त्याने या दुखण्याकडे दुर्लक्ष केले, पण जेव्हा प्रकृती बिघडू लागली तेव्हा या व्यक्तीने हॉस्पिटल गाठले. तेथे डॉक्टरांनी त्याची तपासणी केली असता त्यांना आश्चर्याचा धक्का बसला. त्या व्यक्तीच्या कानात एक मोठे झुरळ होते.

हे प्रकरण न्यूझीलंडमधील आहे. जिथे झेन वेडिंग नावाची व्यक्ती पोहून घरी परतली, दुसऱ्या दिवशी जेव्हा झेनला जाग आली तेव्हा त्याच्या कानात काहीतरी हालचाल जाणवली. हळूहळू ही हालचाल तीव्र वेदनांमध्ये बदलली आणि नंतर झेनचे एका कानात ऐकणे जवळजवळ बंद झाले. त्यानंतर झेन वेडिंग डॉक्टरांकडे गेला, त्यांनी झेनला काही अँटीबायोटिक्स घेण्याचा आणि कान कोरडे करण्यासाठी हेअर ड्रायर वापरण्याचा सल्ला दिला. डॉक्टरांना वाटले की झेन पोहून आल्यावर त्याच्या कानात पाणी भरले असावे. पण प्रकरण वेगळे होते. दोन दिवस उलटले पण झेनला अजिबात आराम मिळत नव्हता, उलट त्याच्या वेदना वाढत होत्या.

अशा परिस्थितीत झेन वेडिंगने कानाच्या तज्ज्ञ डॉक्टरांकडून उपचार घेण्यासाठी दुसरे हॉस्पिटल गाठले. तेथील डॉक्टरांनी त्याच्या कानाची तपासणी केली असता आत एक मोठा मेलेला झुरळ अडकल्याचे दिसून आले. हे पाहून डॉक्टर आश्चर्यचकित झाले. डॉक्टरांनी झुरळ काढण्याचा प्रयत्न केला, मात्र सुरुवातीला अर्धाच झुरळ बाहेर काढण्यात यश आले. नंतर हळूहळू मशीनच्या साहाय्याने झुरळाच्या शरीराचे उर्वरित भाग कानातून बाहेर काढण्यात आले. डॉक्टरांनी सांगितले की जर हे झुरळ आणखी काही दिवस कानात राहिले असते तर झेन वेडिंगला ट्युमर झाला असता. आता झेन वेडिंग पहिल्यासारखाच व्यवस्थित आहे.

The post कानात जाणवत होती हालचाल, तपासल्यावर डॉक्टरांना बसला आश्चर्याचा धक्का appeared first on थोडक्यात घडामोडी.

Norovirus : देशात कोरोना विषाणूची लस वेगाने दिली जात असली तरी लोक अजूनही कोविड-19 सारख्या जीवघेण्या संसर्गाशी झुंज देत आहेत. विशेषत: केरळमध्ये कोरोनाचे प्रमाण खूप जास्त आहे, त्यातच आता तेथील लोकांना एका नवीन विषाणूचा सामना करावा लागत आहे. केरळच्या वायनाड जिल्ह्यात आतापर्यंत 13 नोरोव्हायरसची प्रकरणे नोंदवली गेली आहेत, तर 15 हून अधिक लोकांमध्ये त्याची लक्षणे दिसत आहेत.

केरळच्या आरोग्य मंत्री वीणा जॉर्ज यांनी सांगितले की, वायनाड कॉलेज ऑफ व्हेटरनरी अँड अॅनिमल सायन्सेसच्या 13 विद्यार्थ्यांची चाचणी पॉझिटिव्ह आली आहे आणि त्यांच्यामध्ये जास्त लक्षणे दिसत आहेत. सर्व रुग्ण महिला वसतिगृहात राहतात. त्यांच्यामध्ये जुलाब, उलट्या यांसारखी लक्षणे दिसून येत आहेत. या घटनेच्या पार्श्वभूमीवर सरकारी अधिकाऱ्यांनी लोकांना त्यांच्या सभोवताली स्वच्छता राखण्यास सांगितले आहे. चला तर जाणून घेऊया या नवीन विषाणूबद्दल…

नोरोव्हायरस म्हणजे काय?

नोरोव्हायरस हा विषाणूंचा समूह आहे ज्यामुळे गॅस्ट्रोइंटेस्टाइनल रोग होतो. दूषित पृष्ठभाग किंवा अन्नाच्या संपर्कातून एका संक्रमित व्यक्तीपासून दुसर्‍या व्यक्तीमध्ये तो पसरू शकतो. या विषाणूचा प्रसार होण्याचा सर्वात सामान्य मार्ग म्हणजे अन्न किंवा पाणी आहे. हा विषाणू अत्यंत सांसर्गिक आहे आणि एका व्यक्तीकडून दुसऱ्या व्यक्तीमध्ये सहज पसरू शकतो. याचे कारण म्हणजे नोरोव्हायरसची लागण झालेली व्यक्ती अब्जावधी नोरोव्हायरस कणांना पसरवू शकते.

एखाद्या व्यक्तीला अनेक वेळा नोरोव्हायरसची लागण होऊ शकते, कारण नोरोव्हायरसचे अनेक प्रकार आहेत. एका प्रकारच्या नोरोव्हायरसचा संसर्ग झाल्यामुळे इतर प्रकारच्या नोरोव्हायरसपासून संरक्षण मिळत नाही. एखाद्या व्यक्तीमध्ये एका प्रकारच्या विषाणूविरूद्ध प्रतिकारशक्ती विकसित होते, परंतु रोग प्रतिकारशक्ती किती काळ टिकते हे अद्याप स्पष्ट झालेले नाही. नोरोव्हायरसचा उद्रेक कधीही होऊ शकतो, परंतु ते जास्त करून नोव्हेंबर ते एप्रिल दरम्यान होतात.

नोरोव्हायरसची लक्षणे काय आहेत?

1. हा विषाणू पोटात पोहोचताच पोट आणि आतड्यांमध्‍ये सूज येते.
2. विशेषत: लहान मुलांमध्ये, सहसा अतिसार, उलट्या, पोटदुखी आणि गॅस्ट्रोइंटेस्टाइनल समस्या यांचा समावेश होतो.
3. संसर्गाच्या इतर लक्षणांमध्ये ताप, डोकेदुखी आणि अंगदुखी यांचा समावेश असू शकतो.
4. हा विषाणू सर्व वयोगटातील लोकांना प्रभावित करू शकतो. परंतु लहान मुले, वृद्ध आणि अगोदरच इतर आजार असलेल्या लोकांमध्ये गंभीर लक्षणे निर्माण होऊ शकतात.
5. एखाद्या व्यक्तीला विषाणूच्या संपर्कात आल्यानंतर 12 ते 48 तासांनंतर लक्षणे दिसतात आणि वेळेवर उपचार सुरू केल्यास 1 ते 3 दिवसांत बरे होतात.

उपचार

हा विषाणू अद्याप प्राणघातक मानला गेला नाही, परंतु त्यावर उपचार करण्यासाठी कोणतेही औषध उपलब्ध नाही. अतिसार आणि उलट्यांसाठी सामान्य औषधांच्या मदतीने उपचार केले जातात. नोरोव्हायरस असलेल्या रुग्णांना भरपूर पाणी आणि द्रव पिण्याचा सल्ला दिला जातो, कारण उलट्या आणि अतिसारामुळे शरीरात पाण्याची कमतरता (गंभीर निर्जलीकरण) होऊ शकते.

नोरोव्हायरसपासून बचाव कसा करायचा?

या विषाणूपासून बचाव करण्यासाठी आपण प्रतिबंधात्मक उपाय करू शकतो. विशेषत: जे लोक दररोज प्राण्यांच्या संपर्कात येतात, त्यांनी काळजी घ्यायला हवी.

1. हात साबणाने आणि कोमट पाण्याने चांगले धुवा. विशेषतः अन्न खाण्यापूर्वी आणि शौचालय वापरल्यानंतर.
2. तुम्हाला कोणत्याही प्रकारची लक्षणे जाणवत असतील तर घरीच थांबा.
3. अल्कोहोलने नोरोव्हायरस मरत नाही, त्यामुळे सॅनिटायझर तुम्हाला मदत करणार नाही. ब्लीचपासून बनवलेल्या क्लिनरने घर निर्जंतुक करा.
4. तुम्ही आजारी असाल किंवा तसे वाटत असेल तर ४८ तास तुम्ही अन्न बनवू नका.
5. नेहमी आपल्या डॉक्टरांचा सल्ला घ्या.

अंडी ताजी आहेत की खराब कसे ओळखाल? अंडी किती दिवस टिकतात? जाणून घ्या…

हिवाळ्यात वाढते सांधे आणि हाडांचे दुखणे, ‘या’ उपायांनी मिळेल आराम

The post Norovirus : नोरोव्हायरस काय आहे? जाणून घ्या त्याची लक्षणे, उपचार आणि प्रतिबंधात्मक उपाय… appeared first on थोडक्यात घडामोडी.

बिहार : डॉक्टरांनी वेळेत उपचार न केल्यामुळे एका ८ वर्षीय मुलीचा मृत्यू झाल्याची संतापजनक घटना घडली आहे. या मुलीच्या घशात लिचीचे बी अडकले होते, त्यामुळे मुलीचे वडील तात्काळ तिला घेऊन रुग्णालयात आले. परंतु, डॉक्टरांनी दुर्लक्ष केल्यामुळे या मुलीचा मृत्यू झाल्याचा आरोप आहे. बिहारमधील मुझफ्फरपूर येथील एका रुग्णालयात ही घटना घडली आहे. मृत मुलीचे वडिल म्हणाले की, डॉक्टरांनी बराच वेळ मुलीवर उपचार केला नाही, त्यामुळे मुलीने आपला जीव गमावला.

कुढणी भागातील रघुनाथपूर मधुबन गावात राहणाऱ्या मुलीच्या घशामध्ये लिचीची बी अडकली, त्यामुळे मुलीचे वडील संजय राम यांनी तिला तात्काळ कुढणी पीएससी येथे नेले, तेथे सदर रुग्णालय रेफर करण्यात आले. त्यामुळे तिचे वडील तिला घेऊन सदर रुग्णालयात पोहोचले. परंतु, येथे डॉक्टरांनी काहीही ऐकून न घेता मुलीची कोरोना चाचणी करण्यास सांगितले. मुलीच्या असाहाय्य  वडिलांनी तिची कोरोना टेस्टदेखील करुन घेतली. परंतु, त्यानंतर देखील मुलीचा कोरोना रिपोर्ट येईपर्यंत डॉक्टर तिच्यावर उपचार करण्यासाठी तयार नव्हते.

दरम्यान, दुर्लक्ष व उपचाराअभावी त्यांची मुलगी राधा कुमारी हीच मृत्यू झाला. आपत्कालीन परिस्थितीत ऑन ड्युटी डॉक्टर येईपर्यंत या निरागस मुलीचा मृत्यू झाला होता. त्यानंतर सिव्हिल सर्जन डॉ. एस.के. चौधरी यांनी अशा प्रकारे डॉक्टरांनी केलेले दुर्लक्ष गंभीर असल्याचे सांगत चौकशी व कारवाईची गरज असल्याचे म्हटले आहे.

हृदयद्रावक : चिमुकलीचा कारमध्ये गुदमरून मृत्यू, वडिलांनी दुसऱ्या दिवशी गाडीचा दरवाजा उघडला आणि…

The post संतापजनक : मुलीच्या घशात अडकले होते लिचीचे बी, डॉक्टर म्हणाले, कोरोना रिपोर्ट आणा, पण तोपर्यंत… appeared first on थोडक्यात घडामोडी.