मुंबई : बॉलिवूड अभिनेता सुशांतसिंह राजपूत याच्या मृत्यू प्रकरणाशी संबंधित अमलीपदार्थ पुरवठा प्रकरणात अटकेत असलेली अभिनेत्री रिया चक्रवर्ती आणि तिचा भाऊ शौविक यांनी जामिनासाठी मुंबई हायकोर्टात धाव घेतली आहे. विशेष एनडीपीएस कोर्टाने मात्र तिच्या न्यायालयीन कोठडीत ६ ऑक्टोबरपर्यंत वाढ केली आहे.

अमलीपदार्थ पुरवठा प्रकरणात आरोपी असलेले सुशांतचे मदतनीस सॅम्युएल मिरांडा व दीपेश सावंत यांच्यासह कथित अमलीपदार्थ विक्रेता अब्देल बसित परिहार या तिघांचा देखील तुरुंगातील मुक्काम २९ सप्टेंबरपर्यंत वाढण्याची चिन्हे आहेत. उच्च न्यायालयाने पुढील सुनावणी २९ सप्टेंबरला ठेवली आहे.

The post रिया चक्रवर्तीच्या न्यायालयीन कोठडीत ६ ऑक्टोबरपर्यंत वाढ appeared first on थोडक्यात घडामोडी.

रिया चक्रवर्तीला ड्रग्ज सेवन आणि इतर आरोपांखाली एनसीबीने अटक केलेली आहे. अटक झाल्यानंतर न्यायालयाने तिला १४ दिवसांची न्यायालयीन कोठडी सुनावली होती. त्या वेळी तिने जामिनासाठी अर्ज केला होता, मात्र न्यायालयाने तो फेटाळला होता. रियाने त्यानंतर दुसऱ्यांदा जामिनासाठी अर्ज केला होता.

रिया आणि शोविकच्या जामीन अर्जावर गुरुवारी सुनावणी झाली. त्या वेळी विशेष न्यायालयाचे न्यायाधीश जी. बी. गुरव यांनी ह्या दोघांची आणि पोलिसांची बाजू ऐकल्यावर सुनावणी शुक्रवारी ठेवली. या वेळी प्रकरणात अटकेत असलेल्या अन्य आरोपींच्या जामिनावरही सुनावणी झाली. विशेष न्यायालयाने रिया आणि शोविकसह अब्दुल बसित, झैद विलात्रा, दीपेश सावंत आणि सॅम्युअल मिरांडा या सगळ्यांचा जामीन अर्ज फेटाळला आहे.

The post रिया चक्रवर्तीचा जामीन अर्ज न्यायालयाने फेटाळला appeared first on थोडक्यात घडामोडी.

अभिनेता सुशांत सिंह राजपूत आत्महत्या प्रकरणी ड्रग्ज कनेक्शनसंबंधी एनसीबीने मोठी कारवाई केली आहे. एनसीबीने अभिनेत्री रिया चक्रवर्तीचा भाऊ शोविक चक्रवर्तीला अटक केली आहे. सॅम्यूअल मिरांडा यालादेखील एनसीबीकडून अटक करण्यात आली आहे.

एनसीबीने आज गांजा व्यापारी जैसेन, सुशांतचा मॅनेजर सॅम्युल मिरांडा आणि रियाचा भाऊ शोविक याला चोकशीसाठी ताब्यात घेतलं होतं. त्यानंतर अनेक तासांच्या चौकशीनंतर एनसीबीने शोविकला अटक केली. यापूर्वीही गांजा बाळगल्याप्रकरणी एनसीबीने चौघांना अटक केली होती. त्यामध्ये पहिली अटक अब्बास रमझान अली याची झाली. त्याच्याकडे 46 ग्राम गांजा मिळाला. त्याने कर्ण अरोरा यांच्याकडून घेतल्याचं सांगितल्यावर एनसीबी ने पवईतून कर्ण अरोरा याला अटक केली. त्याच्याकडे 13 ग्राम गांजा मिळाला. यांच्या चौकशीत झैद विलात्रा याच नाव पुढे आल्याने त्याला ही 2 सप्टेंबरला अटक केली.

झैद याच्याकडे मोठ्या प्रमाणात भारतीय चलन आणि परदेशी चलन सापडलं होतं. चौकशीत त्याने अनेकांची नाव उघड केली. झैद याने अबीद बसिद परिहार हा देखील गांजा विक्रीच्या व्यवसायात सक्रिय असल्याचं सांगितल्याने अबीद याला ही अटक करण्यात आली. अबीदने आपण हा गांजा शोविक याच्या सांगण्यावरुन विकत घेऊन सॅम्युल मिरांडाला देत होतो, असं सांगितलं आहे. यावेळी शोविक याचं नाव आल्याने त्याला आणि मिरांडा या दोघांना एनसीबी अधिकाऱ्यांनी ताब्यात घेतलं होतं.

The post एनसीबीने रिया चक्रवर्तीचा भाऊ शोविक चक्रवर्तीला केली अटक appeared first on थोडक्यात घडामोडी.

सुशांत सिंग राजपूत मृत्यूप्रकरणात एक नवीन व्हिडीओ समोर आला आहे. सुशांतची बहीण श्वेता सिंग कीर्तीने हा व्हिडीओ ट्विटर वर शेयर केला आहे. यात हॉस्पिटल मधील कर्मचारी आहे, जो सुशांतच्या निधनानंतर त्याच्या पोस्टमार्टम पासून अंत्यविधीपर्यंत तिथे उपस्थित होता. त्याने असा दावा केला आहे कि, सुशांतला ठार मारण्यात आले आहे आणि हॉस्पिटल मधील डॉक्टर देखील हेच म्हणत होते, असे त्याने मुलाखतीत सांगितले आहे.

त्या कर्मचाऱ्याने सुशांतच्या मृतदेहाबद्दल अनेक गोष्टी सांगितल्या आहेत. त्याने सांगितले कि, सुशांतच्या गळ्याभोवती सुई टोचल्याच्या १५ ते २० खुणा होत्या. तसेच दोन्ही तळपायांवर देखील अशा खुणा होत्या. सुशांतच्या गळ्याभोवती चिकटपट्टी चिकटवलेली होती. त्याने सांगितले कि, सुशांतच्या मृतदेह पिवळा पडला होता. फाशी घेतल्यानंतर असं होत नाही. सुशांतचा पाय देखील तुटलेला होता.

My God!! Listening to news like this breaks my heart a million times…what all they did with my brother. Please, please arrest them!! #ArrestCulpritsOfSSR pic.twitter.com/2fdU0n3lyj

— shweta singh kirti (@shwetasinghkirt) August 29, 2020

The post धक्कादायक खुलासा: सुशांतच्या गळ्याभोवती व तळपायांवर सुईच्या खुणा, गळ्याभोवती चिकटपट्टी आणि पाय तुटलेले.. appeared first on थोडक्यात घडामोडी.

सुशांतच्या घरात काम करणारा दिपेश सावंत सीबीआयसाठी माफीचा साक्षीदार होणार आहे. दिपेशने सुशांत आणि रिया यांच्यात ८ जून रोजी वाद झाल्याची माहिती सीबीआयला दिली.सीबीआयने दिपेशला मुंबईतील डीआरडीओच्या गेस्ट हाऊसमध्ये ठेवले आहे. तिथून बाहेर पडण्यास त्याला सक्त मनाई आहे. अभिनेता सुशांत सिंह राजपूत याच्या मृत्यूचे रहस्य लवकरच उलगडण्याची शक्यता आहे.

सुशांत आणि रिया यांच्यात वाद झाला आणि रियाने घरातले आठ हार्ड ड्राइव्ह नष्ट केले. यानंतर रिया घरातून निघून गेली. ही घटना ८ जून रोजी घडली. या घटनेनंतर रात्री उशिरा मालाडमध्ये सुशांतची एक्स मॅनेजर दिशा हिचा मृत्यू झाला. तिने आत्महत्या केल्याचे वृत्त आले. मात्र या घटनेमुळे सुशांत अस्वस्थ झाला. अशी माहिती आता सिद्धार्थ आणि दिपेशच्या चौकशीतून पुढे आली आहे. सुशांतने आत्महत्या केली की त्याची हत्या करुन आत्महत्येचा आभास निर्माण करण्यात आला याचा तपास सीबीआय करत आहे.

सुशांतच्या पैशांचा गैरवापर झाल्याचा संशय त्याच्या वडिलांनी व्यक्त केला आहे. या प्रकरणाचा तपास करत असलेल्या इडीने रियाचा मोबाइल जप्त केला होता. इडीने तिच्या मोबाइलमधील व्हॉट्सअॅपचे अनेक डिलिट झालेले संदेश परत मिळवले. या संदेशांवरुन सुशांतला खाण्यापिण्याच्या पदार्थांतून अंमली पदार्थ दिले जात होते ही बाब उघड झाली.

अनेकदा रिया व्हॉट्सअॅपवरुन विशिष्ट अंमली पदार्थ मागवत होती अशी माहिती उघड झाली आहे. रिया चक्रवर्ती, दिपेश सावंत, सुशांतच्या घराचा मॅनेजर सॅम्युअल मिरांडा, रियाची मॅनेजर श्रुती मोदी तसेच आणखी काही जणांमध्ये अंमली पदार्थांबाबत व्हॉट्सअॅप चॅट सुरू होते. ही माहिती हाती येताच नार्कोटिक्स कंट्रोल ब्युरो अर्थात अंमली पदार्थ विरोधी पथक सक्रीय झाले आहे. त्यांनी एक गुन्हा दाखल करुन घेतला आहे. त्यामुळे नार्कोटिक्स कंट्रोल ब्युरो रिया चक्रवर्तीची चौकशी करण्याची शक्यता आहे. रियाच्या रक्ताची आणि आवाजाची चाचणी केली जाईल. तसेच तिचे मेडिकल रिपोर्ट देखील तपासले जातील.

The post सुशांत सिंह राजपूतच्या मृत्यूचे रहस्य लवकरच उलगडणार..? appeared first on थोडक्यात घडामोडी.

सुशांत सिंह मृत्यू प्रकरणामध्ये अमली पदार्थां (drugs )संदर्भात धक्कादायक खुलासा झाला. रियाच्या फोन मधून अमली पदार्थांसंदर्भातले मेसेज समोर आले आहेत. त्यात ती अमली पदार्थांचा वापर करत असल्याचं समोर आलं आहे. त्यानंतर आता सुशांतच्या वडिलांनी रिया चक्रवर्ती सुशांतला विष खाऊ घालत होती असा धक्कादायक आरोप केला आहे.

“मागील बऱ्याच काळापासून रिया माझ्या मुलाला विष खाऊ घालत होती. तिनेच त्याची हत्या केली आहे. या प्रकरणाची चौकशी केली पाहिजे आणि रिया तसेच तिच्या साथीदारांना लवकरात लवकर अटक करुन त्यांना शिक्षा दिली पाहिजे,” अशी मागणी सुशांतचे वडील के. के. सिंह यांनी एएनआय या वृत्तसंस्थेशी बोलताना केली आहे.

The post रिया माझ्या मुलाला विष खाऊ घालत होती, सुशांतच्या वडिलांचा आरोप appeared first on थोडक्यात घडामोडी.

सुप्रीम कोर्टाने सुशांत सिंह मृत्यूचा तपास सीबीआयकडे सोपवल्यानंतर वेगाने हालचाली घडत आहेत. सीबीआयकडून सुशांत सिंहच्या शवविच्छेदन अहवालाची तपासणी करण्यात येणार असून यासाठी एम्स रुग्णालयाची मदत मागण्यात आली आहे.

एम्सकडून पाच डॉक्टरांची टीम गठीत करण्यात आली आहे. एम्सच्या फॉरेन्सिक विभागाचे प्रमुख डॉक्टर सुधीर गुप्ता डॉक्टरांच्या टीमचं नेतृत्त्व करणार आहेत. “हत्येची शक्यता आम्ही पडताळून पाहणार आहोत. मात्र यावेळी इतर सर्व बाबीही तपासल्या जातील,” असं डॉक्टर सुधीर गुप्ता यांनी सांगितलं आहे.

“टीम सुशांतच्या शरीरावर असणाऱ्या जखमा आणि परिस्थितीजन्य पुरावे यांच्यातील साधर्म्य तपासून पाहणार आहे. याशिवाय सुशांत मानसिकरित्या त्रस्त असल्याने घेत असलेल्या औषधांबद्दल जाणून घेण्याचा प्रयत्न असेल,” अशी माहितीही त्यांनी दिली आहे.

सीबीआयने शुक्रवारी सुशांतच्या मृत्यूचं कारण जाणून घेण्यासाठी एम्समधील फॉरेन्सिक विभागाची मदत मागितली. सीबीआयने एम्सला पाठवलेल्या पत्रात वैद्यकीय कागदपत्रं, शवविच्छेदन अहवाल, व्हिडीओ तसंच गरज असणाऱ्या सर्व गोष्टी पुरवल्या जातील असं सांगितलं आहे. एम्सचे डॉक्टर मुंबईत येण्याचीही शक्यता आहे.

सीबीआयची १० सदस्यीय टीम गुरुवारी रात्री मुंबईत दाखल झाली. पोलीस अधीक्षक नुपूर प्रसाद यांच्या नेतृत्त्वाखाली टीम तपास करत आहे. सीबीआय टीमकडून सुशांतच्या स्टाफ कर्मचाऱ्याची चौकशी करण्यात आली आहे. याशिवाय मुंबई पोलिसांकडून सर्व कागदपत्रं घेतली आहेत. यामध्ये सुशांत सिंहच्या शवविच्छेदन अहवालाचाही समावेश आहे. सुशांतच्या स्वयंपाकीचीही सीबीआयकडून चौकशी करण्यात आली आहे.

The post सुशांत मृत्यूप्रकरणात सीबीआयने मागितली एम्समधील फॉरेन्सिक विभागाची मदत appeared first on थोडक्यात घडामोडी.

अभिनेता सुशांत सिंह राजपूतच्या मृत्यूचे रहस्य उलगडण्यासाठी सीबीआय (CBI) मुंबई पोलीस दलाच्या दोन डीसीपींची चौकशी करणार आहे. डीसीपी त्रिमुखे रिया चक्रवर्ती हिच्या सतत संपर्कात होते, या वृत्तातले तथ्य तपासणे आणि अन्य काही मुद्यांची माहिती घेण्यासाठी सीबीआय डीसीपी त्रिमुखेंची चौकशी करण्याची शक्यता आहे. तपासात सहभागी अन्य वरिष्ठ अधिकाऱ्यांचीही चौकशी होण्याची शक्यता आहे.

या वर्षी फेब्रुवारी महिन्यात सुशांतचे मेव्हणे आणि वरिष्ठ आयपीएस ओ पी सिंह यांनी वांद्रे पोलीस उपायुक्त परमजीत सिंह दहिया यांना मेसेज करुन सुशांतच्या जीवाला धोका असल्याची शक्यता कळवली होती. हा मेसेज मिळाल्यावर उपायुक्तांनी Noted असा रिप्लाय पाठवला मात्र पुढे कोणतीही कारवाई केली नाही. मुंबई पोलिसांची या प्रकरणातही चौकशी होणार आहे.

बिहार पोलिसांनी सुशांतचे वडील के के सिंह यांची तक्रार दाखल करुन या प्रकरणात मुंबईत मर्यादीत तपास केला. या तपासानंतर बिहार पोलिसांनी प्रकरण सीबीआयला सोपवण्याचा निर्णय घेतला. या निर्णयाला आव्हान देणाऱ्या याचिकेवर निर्णय देताना सर्वोच्च न्यायालयाने बिहार पोलिसांची कृती वैध ठरवली.

सर्वोच्च न्यायालयाच्या आदेशाआधारे सीबीआयने बिहार पोलिसांशी संपर्क साधून त्यांच्याकडे असलेली सुशांत प्रकरणाची माहिती घेतली. सीबीआयचे पथक आता मुंबई पोलिसांकडून सुशांत प्रकरणातील त्यांच्या कारवाईची सविस्तर माहिती घेईल. सुशांतचा मृत्यू तसेच त्याच्याशी संलग्न असलेल्या सर्व प्रकरणांचा तपास करण्याचे अधिकार सर्वोच्च न्यायालयाने सीबीआयला दिले आहेत.

वांद्रे येथील ज्या घरात सुशांतचा मृत्यू झाला तिथे सीबीआय जाणार आहे. मुंबई पोलिसांच्या नोंदीआधारे सीबीआय सोबतचे फॉरेन्सिकचे पथक १४ जून २०२०च्या घटनेचा देखावा उभा करणार आहे. या प्रक्रियेद्वारे नेमके काय घडले हे समजून घेऊन पुराव्यांचा शोध घेण्याची प्रक्रिया सुरू केली जाईल.

The post सुशांत मृत्यूप्रकरणात सीबीआय करणार मुंबई पोलीस दलाच्या दोन डीसीपींची चौकशी appeared first on थोडक्यात घडामोडी.

अभिनेता सुशांत सिंह राजपूत मृत्यू प्रकरणात सुप्रीम कोर्टाकडून सीबीआय तपासाबाबत काय निकाल येईल याकडे सर्वांचं लक्ष लागून होतं. या मृत्यू प्रकरणाचा तपास सीबीआय करणार असल्याचा निकाल सुप्रीम कोर्टाने आज दिला आहे. सुप्रीम कोर्टाने सर्व पुरावे सीबीआयकडे सोपवण्याचा आदेश मुंबई पोलिसांना दिला आहे.

पाटणामध्ये दाखल करण्यात आलेल्या गुन्ह्याचा तपास मुंबई पोलिसांकडे वर्ग करा, अशी मागणी एका याचिकेच्या माध्यमातून अभिनेत्री रिया चक्रवर्तीने केली होती. त्यावर आज सुप्रीम कोर्टाने पाटणा येथे दाखल झालेला एफआयआर योग्य असल्याचं सांगितलं. .

निर्णयाला आव्हान देण्याचा पर्याय महाराष्ट्राने नाकारला असल्याचंही सुप्रीम कोर्टाने यावेळी सांगितलं. या प्रकरणाशी संबंधित सर्व पक्षांची बाजू ऐकून सुप्रीम कोर्टाने हा महत्त्वपूर्ण निकाल दिला आहे.

The post सुशांत सिंह राजपूत मृत्यूप्रकरणाचा तपास सीबीआय करणार- सुप्रीम कोर्ट appeared first on थोडक्यात घडामोडी.

अभिनेता सुशांत सिंग राजपूत मृत्यूप्रकरणात रोज नवनवीन खुलासे, आरोप-प्रत्यारोप होत आहेत. दरम्यान, सुशांतच्या वडिलांनी रिया आणि तिच्या कुटुंबीयांवर १५ कोटीचा घपला केल्याचा आरोप केला आहे व त्याविषयी तक्रारही नोंदवली आहे.

अशातच रिया चक्रवर्तीचा एक जुना विडिओ सोशल मीडियावर व्हायरल होत आहे, ज्यात तिने अशा गोष्टी सांगितल्या आहेत ज्या तिला खरेदी करायच्या आहेत.  या व्हिडिओमध्ये रिया म्हणत आहे, मला खासगी बेट खरेदी करायचे आहे, खासगी जेट पाहिजे आहे आणि हॉटेल खरेदी करायचे आहे. मला हॉटेल आवडतात. ती यामध्ये आपल्या इच्छा सांगून हसू लागल्याचे दिसत आहे. हा तिचा जुना व्हिडिओ असून तो सध्या सोशल मीडियावर व्हायरल झाला आहे.

The post खाजगी बेट ते खाजगी जेट; रियाला हवं आहे हे सर्व.. appeared first on थोडक्यात घडामोडी.