Sugarcane harvester - थोडक्यात घडामोडी - Marathi News - मराठी बातम्या - Latest Marathi News at thodkyaatghadamodi.in

वनविभागाला नरभक्षक बिबट्याला मारण्यात अखेर आलं यश

थोडक्यात घडामोडी टीम — Fri, 18 Dec 2020 15:12:21 +0000

सोलापूर : वनविभागाला करमाळा तालुक्यात तीन बळी घेणाऱ्या नरभक्षक बिबट्याला मारण्यात अखेर यश आलं. रांखुडे वस्तीवर पांडुरंग रांखुडे यांच्या केळीच्या बागेत बिबट्याला ठार मारण्यात आले. गेल्या काही दिवसांपासून या नरभक्षक बिबट्यामुळे तालुक्यात सर्वत्र दहशत पसरली होती.

नगर, बीड, सोलापूर जिल्ह्यांच्या सीमाभागात अनेकांचा बळी घेऊन दशहत पसविणारा हा बिबट्या आज सायंकाळी मारला गेला. करमाळा तालुक्यातील वांगी शिवारात पांडुरंग राखुंडे यांच्या केळीच्या बागेत वन विभागाच्या शार्प शूटरने त्याला ठार केले. नगर जिल्ह्यातील पाथर्डी, बीड जिल्ह्यातील आष्टी आणि सोलापूर जिल्ह्याती करमाळा तालुक्यात या बिबट्याचा उपद्रव सुरू होता. या भागात त्याने १२ जणांचे बळी घेतले होते. फक्त करमाळा तालुक्यातच त्याने तीन बळी घेतले होते.

पिंजरे लावूनही तो सापडत नव्हता. माणसांवर आणि प्राण्यांवर त्याचे हल्ले सुरूच होते. त्यामुळे त्याला पकडण्याचा नाहीतर ठार करण्याचा आदेश मुख्य वनसंरक्षकांनी दिला होता. काल सायंकाळी या भागात शेतकऱ्यांना बिबटया दिसल्यानंतर रात्रीपासून त्याला मारण्यासाठी प्रयत्न सुरू होते. अखेर वन विभागाच्या शार्प शूटरच्या मदतीने त्याला ठार मारण्यात आले.

The post वनविभागाला नरभक्षक बिबट्याला मारण्यात अखेर आलं यश appeared first on थोडक्यात घडामोडी.

बिबट्याच्या हल्ल्यात आठ वर्षीय मुलीचा मृत्यू

थोडक्यात घडामोडी टीम — Mon, 07 Dec 2020 09:02:35 +0000

सोलापूर : बिबट्याच्या हल्ल्यात ऊस तोडणी मजूराच्या मुलीचा मृत्यू झाला आहे. सोलापूर मधील करमाळा तालुक्यात ही घटना घडली आहे. बिबट्याला ठार मारण्यासाठी वनविभागाने आदेश दिले होते. त्या ठिकाणी शार्पशूटर दाखल झाले आहेत. परंतु, त्यापूर्वीच बिबट्यानं आठ वर्षीय मुलीचा जीव घेतला आहे.

गावातील एका गावकऱ्याच्या शेतात ऊस तोडणीचं काम सुरु होतं. त्यावेळी आठ वर्षांची मुलगी बाजूला खेळत होती. त्याचवेळी बिबट्यानं या चिमुरडीवर हल्ला केला. गावकरी बिबट्याला मारण्यासाठी धावत आले असता बिबट्यानं तिथून पळ काढला. बिबट्यानं चिमुरडीवर हल्ला केल्यानंतर तिला तत्काळ रुग्णालयात दाखल करण्यात आलं होतं. परंतु, या चिमुकलीचा जागीच मृत्यू झाला होता. या नरभक्षक बिबट्यानं गेल्या चार दिवसांत तीन बळी घेतले आहेत. त्यामुळे बिबट्याला जेरबंद करण्याचं आव्हान आता वन विभागासमोर उभं ठाकलं आहे. आजूबाजूच्या परिसरात भीतीचं वातावरणं आहे.

यासंदर्भात वनविभागाला माहिती दिल्यानंतर, वनविभागाचं पथक गावात दाखल झालं आहे. वनविभागाने बिबट्याला जेरबंद करण्यासाठी प्रयत्न सुरु केले आहेत. जवळपास 100 कर्मचाऱ्यांचं पथक करमाळ्यातील या गावात दाखल झालं आहे. या पथकामध्ये शार्पशूटरही आहेत.

The post बिबट्याच्या हल्ल्यात आठ वर्षीय मुलीचा मृत्यू appeared first on थोडक्यात घडामोडी.