Eight-year-old girl dies in leopard attack

बिबट्याच्या हल्ल्यात आठ वर्षीय मुलीचा मृत्यू

महाराष्ट्र

सोलापूर : बिबट्याच्या हल्ल्यात ऊस तोडणी मजूराच्या मुलीचा मृत्यू झाला आहे. सोलापूर मधील करमाळा तालुक्यात ही घटना घडली आहे. बिबट्याला ठार मारण्यासाठी वनविभागाने आदेश दिले होते. त्या ठिकाणी शार्पशूटर दाखल झाले आहेत. परंतु, त्यापूर्वीच बिबट्यानं आठ वर्षीय मुलीचा जीव घेतला आहे.

कमीत कमी शब्दांमध्ये मराठी बातम्यासाठी थोडक्यात घडामोडीच्या ट्विटर & फेसबुक फॉलो करा.

गावातील एका गावकऱ्याच्या शेतात ऊस तोडणीचं काम सुरु होतं. त्यावेळी आठ वर्षांची मुलगी बाजूला खेळत होती. त्याचवेळी बिबट्यानं या चिमुरडीवर हल्ला केला. गावकरी बिबट्याला मारण्यासाठी धावत आले असता बिबट्यानं तिथून पळ काढला. बिबट्यानं चिमुरडीवर हल्ला केल्यानंतर तिला तत्काळ रुग्णालयात दाखल करण्यात आलं होतं. परंतु, या चिमुकलीचा जागीच मृत्यू झाला होता. या नरभक्षक बिबट्यानं गेल्या चार दिवसांत तीन बळी घेतले आहेत. त्यामुळे बिबट्याला जेरबंद करण्याचं आव्हान आता वन विभागासमोर उभं ठाकलं आहे. आजूबाजूच्या परिसरात भीतीचं वातावरणं आहे.

यासंदर्भात वनविभागाला माहिती दिल्यानंतर, वनविभागाचं पथक गावात दाखल झालं आहे. वनविभागाने बिबट्याला जेरबंद करण्यासाठी प्रयत्न सुरु केले आहेत. जवळपास 100 कर्मचाऱ्यांचं पथक करमाळ्यातील या गावात दाखल झालं आहे. या पथकामध्ये शार्पशूटरही आहेत.

Share this :

कमीत कमी शब्दांमध्ये मराठी बातम्यासाठी थोडक्यात घडामोडीच्या टेलीग्राम चैनलला जॉइन करा.

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत