नागपूर : सायबर क्राईमचे जग वेगाने बदलत आहे. सायबर गुन्हेगाराकडून एआयचा वापर करून सामान्य माणसाला भुरळ घालण्याचे प्रयत्न सुरू आहेत. हे सायबर युद्ध रोखायचे असल्यास तंत्रज्ञानानेच सक्षमपणे उत्तर देण्याची गरज आहे. भविष्याचा वेध घेत एआय क्षेत्रात स्टार्टअप निर्मितीची गरज आहे. एआय क्षेत्रातील विद्यार्थ्यांच्या स्टार्टअप्सना सर्वतोपरी सहकार्य करणार असल्याचे प्रतिपादन मुख्यमंत्री देवेंद्र फडणवीस यांनी आज येथे केले.

राष्ट्रसंत तुकडोजी महाराज विद्यापीठ परिसरात ‘सायबर हॅक-२०२५’ या स्पर्धेच्या बक्षीस वितरण समारंभाचे आयोजन करण्यात आले होते. यावेळी पोलीस आयुक्त रवींद्र कुमार सिंगल, सहपोलीस आयुक्त निसार तांबोळी, सायबर सेक्युरिटी एक्सपर्ट अमित दुबे आदी उपस्थित होते.

देशभरात विविध प्रकारचे सायबर फसवणुकीचे प्रकार सुरू आहेत. येत्या काळात विशेषतः सायबर क्राईमवर लक्ष द्यावे लागणार आहे. महाराष्ट्राने सायबर प्लॅटफॅार्म तयार केला आहे. केंद्र शासनानेही या प्लॅटफॅार्मचे कौतुक केले आहे. महाराष्ट्र हे स्टार्टअप कॅपिटल असल्याचे नुकत्याच प्रसिद्ध झालेल्या एका अहवालात दिसून आल्याचे मुख्यमंत्री म्हणाले.

सायबर हॅक हा नागपूर शहर पोलिसांचा सायबर गुन्हेगारी आणि सायबर सुरक्षा यासंबंधीच्या आगामी आव्हानांवर उपाय शोधण्यासाठीचा एक आगळावेगळा उपक्रम होता. सायबर गुन्ह्यांशी संबंधित समस्यांचे निराकरण करण्यासाठी स्पर्धा घेण्यात आली. ही स्पर्धा पाच विषयांवर ६ जानेवारी २०२५ रोजी सुरु झाली. पहिल्या टप्प्यात (ऑनलाईन फेरी) आयोजित करण्यात आली. या पहिल्या फेरीत देशभरातून ६०० संघांनी भाग घेतला आणि सायबर तंत्रज्ञानाशी संबंधित आपल्या समस्या सोडविण्याचे उपाय सादर केले. या ६०० संघांमधून २० संघांची अंतिम फेरीसाठी (ऑफलाईन फेरी) निवड करण्यात आली. अंतिम फेरी ७ आणि ८ जानेवारी २०२५ दरम्यान आयआयएम नागपूर येथे आयोजित करण्यात आली. या स्पर्धेतील रामदेवबाबा महाविद्यालय (प्रथम), इन्फोसिस कॅार्पोरेट (द्वितीय) तर रायसोनी महाविद्यालय (तृतीय) या विजेत्या संघांना मुख्यमंत्र्यांच्या हस्ते सन्मानित करण्यात आले.

The post ‘एआय’ क्षेत्रातील विद्यार्थ्यांच्या ‘स्टार्टअप्स’ना सर्वतोपरी सहकार्य – मुख्यमंत्री देवेंद्र फडणवीस appeared first on थोडक्यात घडामोडी.

पुणे : एका 11 वर्षीय विद्यार्थ्याला मारहाण केल्याप्रकरणी शाळेतील शिक्षकावर गुन्हा दाखल करण्यात आला आहे. याप्रकरणी विद्यार्थ्याच्या वडिलांनी स्वारगेट पोलिस ठाण्यात शुक्रवारी एफआयआर दाखल केला.

मिळालेल्या माहितीनुसार, 27 सप्टेंबर रोजी संगणकाचा वर्ग सुरु असताना या विद्यार्थ्याने शर्ट इन केला नसल्याचे शिक्षकाला आढळून आले, त्यानंतर आरोपी शिक्षकाने विद्यार्थ्याला बेदम मारहाण केली. दरम्यान, मारहाणीनंतर विद्यार्थ्याच्या नाकातून आणि कानातून रक्त वाहू लागले.

पोलिसांनी आरोपींवर भारतीय न्याय संहिता कलम 115 (2) आणि बाल न्याय (मुलांची काळजी आणि संरक्षण) कायदा, 2015 च्या कलम 75 नुसार गुन्हा दाखल केला आहे.

The post शिक्षकावर विद्यार्थ्याला मारहाण केल्याप्रकरणी गुन्हा दाखल, विद्यार्थ्याच्या नाका-कानातून रक्त… appeared first on थोडक्यात घडामोडी.

भंडारा : धावत्या बसमध्ये अल्पवयीन मुलीवर बलात्कार केल्याची धक्कादायक घटना भंडारा जिल्ह्यात घडली आहे. या प्रकरणी वडिलांच्या तक्रारीनंतर साकोली पोलिसांनी गुन्हा नोंदवून आरोपीला अटक केली आहे. साकोली पोलीस स्टेशन परिसरात ही घटना घडली. या प्रकरणात राजेश ईश्वर मडावी (वय 19) या आरोपीला अटक करण्यात आली आहे.

मिळालेल्या माहितीनुसार, आरोपी राजेश नागपूर येथे फिरायला जाण्याचा बहाण्याने अल्पवयीन मुलीला साकोली येथून बसने घेऊन गेला. रात्रीची वेळ असल्याने आणि बसमध्ये वाहक नव्हता हे बघितल्यानंतर आरोपीने बसच्या शेवटच्या सीटवर धावत्या बसमध्ये अल्पवयीन मुलीवर बलात्कार केला. त्यानंतर राजेश अल्पवयीन मुलीला घेऊन रात्री बोदरा येथे त्याच्या घरी परतला.

दरम्यान, अल्पवयीन मुलीच्या वडिलांनी मुलगी बेपत्ता असल्याची तक्रार पोलिसांत दिली. पोलिसांनी तपास केला तेव्हा बोदराच्या पोलीस पाटलांनी बेपत्ता मुलगी राजेश मडावीसोबत गावातच असल्याची माहिती दिली. त्यानंतर पोलिसांनी अल्पवयीन मुलगी आणि राजेश मडावी या दोघांना ताब्यात घेतलं. त्यानंतर दोघांचीही साकोली उपजिल्हा रुग्णालयात वैद्यकीय तपासणी करण्यात आली. त्या आधारावर पोलिसांनी आरोपी राजेश मडावी याच्यावर भादंवि कलम 376, 363 आणि पॉक्सो कायद्यांतर्गत गुन्हा दाखल केला. पोलीस पुढील तपास करत आहेत.

The post महाराष्ट्र हादरला! अल्पवयीन मुलीवर धावत्या बसमध्ये बलात्कार, आरोपीला अटक appeared first on थोडक्यात घडामोडी.

बीड शहरातील एका शाळेत 10 वर्षीय मुलीचा विनयभंग केल्याप्रकरणी पोलिसांनी शिक्षकाविरुद्ध गुन्हा दाखल केला आहे, ही घटना शुक्रवारी खासगी शिक्षण संस्थेत घडली. पीडितेने नंतर तिच्या कुटुंबीयांना याची माहिती दिली त्यानंतर तिचे वडील आणि इतर नातेवाईक शाळेत गेले आणि व्यवस्थापनाकडे स्पष्टीकरण मागितले.

मिळालेल्या माहितीनुसार, बीड शहरातील एका शाळेत 10 वर्षीय मुलीचा विनयभंग केल्याप्रकरणी शिक्षकाविरुद्ध गुन्हा दाखल केला आहे. पालकांनी शाळेतील आरोपीला मारहाण केली. त्यानंतर स्थानिक पोलिसांनी शाळेत पोहोचून मुलीच्या कुटुंबीयांना शांत केले. पीडितेच्या वडिलांनी दाखल केलेल्या तक्रारीच्या आधारे, पोलिसांनी शिक्षकाविरुद्ध भारतीय दंड संहिता कलम 354 (विनयभंग) आणि 354-ए (लैंगिक छळ), तसेच लैंगिक गुन्ह्यांपासून मुलांचे संरक्षण (POCSO) या तरतुदींनुसार गुन्हा दाखल केला. अद्याप कोणालाही अटक करण्यात आलेली नाही, असेही पोलिसांनी सांगितले.

The post अल्पवयीन विद्यार्थिनीचा विनयभंग करणाऱ्या शिक्षकाविरुद्ध गुन्हा दाखल.. appeared first on थोडक्यात घडामोडी.

शिक्षण बंद झालं म्हणून दिल्लीतील लेडी श्रीराम महाविद्यालयात शिक्षण घेणाऱ्या, मूळ तेलंगणाची रहिवासी असलेल्या एका विद्यार्थीनीनं आपलं आयुष्य संपवल्याची धक्कादायक घटना आता समोर आली आहे.

तेलंगणाच्या रंगारेड्डी जिल्ह्याची रहिवासी असलेल्या ऐश्वर्या रेड्डी हिनं दिल्लीच्या लेडी श्रीराम महाविद्यालयापर्यंत आपल्या मेहनतीच्या जोरावर मोठ्या कष्टानं पाऊल टाकलं होतं. अतिशय गरीब कुटुंबातून पुढे आलेल्या हुशार ऐश्वर्यासाठी ही साधी गोष्ट नव्हती. ऐश्वर्याचे वडील श्रीनिवास रेड्डी हे ऑटो मॅकेनिक म्हणून काम करतात. तर आई घरीच कपडे शिवण्याचं काम करत घराला आर्थिक हातभार लावतात. खूप शिकून, मोठं बनून आयएएस बनण्याचा ध्यास ऐश्वर्यानं घेतला होता. ती अभ्यासात हुशार होती. १२ वी मध्ये तिने ९८.५ % मिळवले होते.

परंतु, करोना संकटानं आणि लॉकडाऊननं तिच्या स्वप्नांना धुळीत मिळवलं. हलाखीच्या परिस्थितीमुळे ऐश्वर्याला लॅपटॉप खरेदी करता आला नाही आणि ती ऑनलाइन अभ्यास करू शकली नाही. त्यामुळे २ नोव्हेंबर रोजी ऐश्वर्यानं आपल्या राहत्या घरी आत्महत्या केली. ऐश्वर्या ने सुसाईड नोटमध्ये लिहिले कि, ‘माझ्यामुळे माझ्या कुटुंबाला अनेक आर्थिक अडचणींचा सामना करावा लागत आहे. मी माझ्या कुटुंबासाठी एक ओझे आहे. माझे शिक्षण एक ओझे आहे. मी अभ्यास करू शकत नाही, तर मी जगू शकत नाही. ‘

लॉकडाऊनमुळे ऐश्वर्याच्या घरच्या आर्थिक परिस्थितीवर प्रचंड परिणाम झाला. इतकंच काय तर सातवीत शिकणाऱ्या ऐश्वर्याच्या लहान बहिणीला इंटरनेट किंवा इतर साधनं नसल्यानं आपलं शिक्षण अर्धवट सोडावं लागलं. मदतीसाठी ऐश्वर्याने 14 सप्टेंबर रोजी सोनू सूद यांना पत्र देखील लिहिलं होतं.

The post मी अभ्यास करू शकत नाही, तर मी जगू शकत नाही, असं म्हणत विद्यार्थीनीची आत्महत्या appeared first on थोडक्यात घडामोडी.