दिनेश गुणवर्धने श्रीलंकेचे नवे पंतप्रधान बनले आहेत. राष्ट्रपती रानिल विक्रमसिंघे यांनी त्यांची पंतप्रधान म्हणून नियुक्ती केली. गुणवर्धने हे शिक्षणमंत्री राहिलेले आहेत. 2020च्या संसदीय निवडणुकीनंतर त्यांची परराष्ट्र मंत्री म्हणून नियुक्ती करण्यात आली होती. ते रानिल विक्रमसिंघे यांचे वर्गमित्र आहेत. श्रीलंकेच्या संसदेने 20 जुलै रोजी माजी पंतप्रधान रानिल विक्रमसिंघे यांची नवीन राष्ट्रपती म्हणून निवड केली.

श्रीलंकेत नव्या राष्ट्रपतींचाही विरोध :

रानिल विक्रमसिंघे राष्ट्रपती झाल्यानंतरही श्रीलंकेत शांतता प्रस्थापित झालेली नाही. ते गोटाबायांचे प्यादे असल्याचे सांगत आंदोलकांनी आंदोलन अधिक तीव्र केले आहे. गुरुवारी उशिरा कोलंबोमधील श्रीलंकेच्या राष्ट्रपती सचिवालयाच्या बाहेर गाले फेसमध्ये सुरक्षा दले आणि शेकडो निदर्शकांमध्ये संघर्ष उडाला. आंदोलकांवर नियंत्रण ठेवण्यासाठी राष्ट्रपती सचिवालयाच्या आवाराबाहेर सशस्त्र फौजफाटा तैनात करण्यात आला आहे.

The post श्रीलंकेच्या पंतप्रधानपदी दिनेश गुणवर्धने यांची निवड appeared first on थोडक्यात घडामोडी.

श्रीलंका : श्रीलंकेत आणीबाणी लागू करण्यात आली आहे. राष्ट्रपतींच्या पलायनानंतर हा निर्णय घेण्यात आला आहे. देशात आणीबाणी लागू करण्याचा निर्णय श्रीलंकेच्या पंतप्रधानांनी घेतला आहे. पंतप्रधान कार्यालयाने ही माहिती दिली.

राष्ट्रपती राजीनामा न देता पळून गेल्याने मोठ्या संख्येने लोक पंतप्रधानांचे निवासस्थान आणि पंतप्रधान कार्यालयाबाहेर निदर्शने करत आहेत. या लोकांवर नियंत्रण ठेवणे पोलिसांसाठी खूप कठीण झाले आहे. आंदोलकांना नियंत्रित करण्यासाठी पोलिसांकडून अश्रुधुराच्या नळकांड्यांचा वापर करण्यात येत आहे. श्रीलंकेचे लष्कर हेलिकॉप्टरद्वारे पंतप्रधान कार्यालय आणि पंतप्रधानांच्या निवासस्थानी परिस्थितीवर लक्ष ठेवून आहे. श्रीलंकेत सुरू असलेल्या या जनआंदोलनाच्या पार्श्वभूमीवर अमेरिकन दूतावासही दोन दिवसांसाठी बंद ठेवण्यात आला आहे.

श्रीलंकेचे राष्ट्रपती राजपक्षे मालदीवमध्ये
श्रीलंकेचे राष्ट्रपती गोटाबाया राजपक्षे यांनी लष्कराच्या विमानातून देश सोडला आणि बुधवारी मालदीव गाठले. देशाची अर्थव्यवस्था हाताळत नसल्याबद्दल राजपक्षे यांनी त्यांच्या आणि त्यांच्या कुटुंबाविरोधात वाढता जनक्षोभ पाहता बुधवारी राजीनामा देण्याची घोषणा केली होती. श्रीलंकेच्या हवाई दलाने एका संक्षिप्त निवेदनात म्हटले आहे की, 73 वर्षीय नेत्याने आपल्या पत्नी आणि दोन सुरक्षा अधिकाऱ्यांसह लष्कराच्या विमानातून देश सोडला.

हवाई दलाने निवेदनात म्हटले आहे, “सरकारच्या विनंतीनुसार आणि राज्यघटनेनुसार राष्ट्रपतींना मिळालेल्या अधिकारांनुसार, संरक्षण मंत्रालयाच्या पूर्ण मंजुरीने, राष्ट्रपती, त्यांची पत्नी आणि दोन सुरक्षा अधिकारी 13 जुलै रोजी कातुनायके आंतरराष्ट्रीय विमानतळावरून मालदीवसाठी रवाना होणार आहेत, त्यासाठी श्रीलंकेच्या हवाई दलाने विमाने प्रदान केली.”

The post श्रीलंकेत आणीबाणी जाहीर, राष्ट्रपतींच्या पलायनानंतर पंतप्रधानांनी घेतला निर्णय appeared first on थोडक्यात घडामोडी.

श्रीलंका : श्रीलंका आजवरच्या सर्वात बिकट अन्न संकटाचा सामना करत आहे. देशात सर्वच जीवनावश्यक अन्नपदार्थांची तीव्र टंचाई निर्माण झाली असून, त्यामुळे महागाईने उच्चांक गाठला आहे. खालच्या वर्गाची अवस्था तर वाईट आहेच, पण कामगार वर्गाचीही अवस्था वाईट आहे. लोकांना देश सोडून स्थलांतर करणे भाग पडले आहे. श्रीलंकेत तीन दिवसांत दुधाच्या दरात 250 रुपयांनी वाढ झाली आहे.

श्रीलंकेत दुधाची तीव्र टंचाई आहे. दुधाच्या तुटवड्यामुळे दरात कमालीची वाढ झाली असून लोकांना एक लिटर दुधासाठी सुमारे दोन हजार रुपये (1,975 श्रीलंकन ​​रुपये) मोजावे लागत आहेत. केवळ गेल्या तीन दिवसांत दुधाच्या दरात 250 रुपयांनी वाढ झाली असून, ती अद्यापही कायम आहे. एवढी महागडी किंमत देऊनही लोकांना दूध मिळत नाही. लोक म्हणतात की श्रीलंकेत सोने मिळणे सोपे आहे पण दुधासाठी तासनतास भटकावे लागते. ज्यांना दुधाची गरज आहे, त्यांना पहाटेच दुकानांच्या फेऱ्या माराव्या लागतात. श्रीलंकेत दूध ही दुर्मिळ लक्झरी वस्तू बनली आहे.

श्रीलंकेत सरकारच्या धोरणांमुळे तांदूळ आणि साखरेचीही तीव्र टंचाई निर्माण झाली आहे. काही काळापूर्वी देशातील सरकारने रासायनिक खतांवर पूर्णपणे बंदी घातली आणि १००% सेंद्रिय शेतीचा आग्रह धरला. सरकारच्या या निर्णयामुळे देशातील कृषी उत्पादनात मोठी घट झाली आहे. तांदूळ आणि साखरेच्या टंचाईमुळे त्यांचे भाव गगनाला भिडले आहेत. श्रीलंकेत तांदूळ आणि साखर 290 रुपये किलोने विकली जात आहे. आठवडाभरात तांदळाचे भाव 500 रुपये होतील, असा अंदाज आहे. पेपर कमी असल्याने श्रीलंका सरकारने शाळांमधील परीक्षा रद्द केल्या आहेत.

आर्थिक संकटाने श्रीलंकेचे कंबरडे मोडले असून पेट्रोलियम पदार्थांचाही प्रचंड तुटवडा निर्माण झाला आहे. महागडे तेल घेण्यासाठी देशातील पेट्रोल पंपांवर लांबच लांब रांगा लागल्या आहेत. लांब रांगेत उभे राहिल्याने श्रीलंकेत तीन वृद्धांचा मृत्यू झाला आहे, यावरून परिस्थितीचा अंदाज लावता येतो. या घटनेनंतर पेट्रोल पंपावर लष्कर तैनात करण्यात आले आहे. लष्कराच्या जवानांच्या उपस्थितीत प्रत्येक लिटर तेलासाठी लोकांना झगडावे लागत आहे.

श्रीलंकेची अवस्था अशी का झाली?

श्रीलंकेच्या या स्थितीला अनेक कारणे जबाबदार आहेत. या स्थितीसाठी परकीय चलनाच्या साठ्याचा अभाव हा सर्वात मोठा घटक असल्याचे मानले जाते. तीन वर्षांपूर्वी श्रीलंकेचा परकीय चलनाचा साठा $7.5 अब्ज होता, तो गेल्या वर्षी नोव्हेंबरमध्ये $1.58 बिलियनवर घसरला. श्रीलंकेवर चीन, जपान, भारत आणि आंतरराष्ट्रीय नाणेनिधी यांची मोठी कर्जे आहेत, पण परकीय चलनाच्या साठ्याच्या कमतरतेमुळे ते कर्जाचा हप्ताही भरू शकत नाही.

श्रीलंका आपल्या बहुतेक अन्नधान्य, पेट्रोलियम उत्पादने, औषधे इत्यादींसाठी परदेशी आयातीवर अवलंबून आहे. मात्र परकीय चलनाच्या साठ्याअभावी त्यांना आयातही करता येत नाही. त्यामुळे देशाची स्थिती बिकट होत चालली आहे. देशातील विजेचे संकटही गडद झाले असून लोकांना दिवसाचे ७ ते ८ तास अंधारात राहावे लागत आहे.

The post श्रीलंकेत एक लिटर दुध मिळतंय दोन हजार रुपयांना, श्रीलंकेची अवस्था इतकी बिकट का झाली? जाणून घ्या… appeared first on थोडक्यात घडामोडी.

भारत आणि श्रीलंकेचे नौदल आज (१९ ऑक्टोबर) पासून सलग तीन दिवस २१ ऑक्टोबरपर्यंत युद्धसराव करणार आहे. हा सराव त्रिंकोमालीजवळ हिंद महासागरात होणार आहे. वर्षातून एकदा युद्धसराव करण्यासाठी भारत आणि श्रीलंका यांच्यात एक करार झाला आहे. या करारानुसार आठव्यांदा भारतीय नौदल आणि श्रीलंकेचे नौदल स्लिनेक्स युद्धाभ्यास करणार आहे. दोन्ही देशांचे नौदल उच्च दर्जाचा समन्वय राखण्यासाठी सराव करणार आहे. यात अनेक गुंतागुंतीच्या कवायती केल्या जातील.

पाणबुडी विरोधी लष्करी कारवायांसाठी तयार केलेल्या आयएनएस कामोर्ता आणि आयएनएस किल्टन या युद्धनौका भारताकडून सरावात सहभागी होतील. तसेच सरावामध्ये आधुनिक हलक्या वजनाचे ध्रुव हेलिकॉप्टर, चेतक हेलिकॉप्टर आणि डॉर्निअर विमान सहभागी होणार आहे. भारतीय नौदलाने श्रीलंकेच्या नौदलाला विकलेली सागरी गस्ती नौका एसएलएनएस सयुरा आणि श्रीलंकेत नौदल प्रशिक्षणासाठी वापरली जात असलेली एसएलएनएस गजबाहु या दोन नौका श्रीलंकेकडून युद्धसरावात सहभागी होतील. गजबाहु आधी कॅनडाच्या नौदलात कार्यरत होती. एचएमसीएस हॅलोवेल या नावाने दुसऱ्या महायुद्धात कार्यरत असलेली ही नौका नंतर कॅनडाने इस्रायलला दिली. इस्रायलने आयएनएस मिझांक नावाने ही नौका काही काळ वापरली. नंतर इस्रायलने ही नौका १९५८ मध्ये श्रीलंकेला विकली.

The post भारत आणि श्रीलंकेचे नौदल आजपासून सलग तीन दिवस करणार युद्धसराव appeared first on थोडक्यात घडामोडी.