शिबलापूर, ता. संगमनेर, जि. अहिल्यानगर – भाग्योदय नागरी पतसंस्थेच्या संचालक मंडळाच्या नुकत्याच झालेल्या निवडणुकीत श्री. प्रमोद सतीश बोंद्रे यांची चेअरमन पदी तर श्री. सुभाष भागवत मुन्तोडे यांची व्हा. चेअरमन पदी बिनविरोध निवड करण्यात आली. नवनिर्वाचित चेअरमन आणि व्हा. चेअरमन यांनी संस्थेच्या विकासासाठी स्पष्ट दिशा ठरवली आहे. संस्थेच्या कारभारात पारदर्शकता आणि गतिमानता राखण्याची आणि सदस्यांना अधिकाधिक सुविधा व आर्थिक प्रगतीसाठी प्रयत्नशील राहण्याची ग्वाही दिली. ही निवड संस्थेच्या भविष्यातील प्रगतीसाठी महत्त्वपूर्ण ठरणार आहे, असं मानलं जात आहे. निवडणुकीनंतर संस्थेच्या सदस्यांनी नवनिर्वाचित नेतृत्वाचे स्वागत करून, त्यांच्या नेतृत्वाखाली संस्थेच्या विकासाची आशा व्यक्त केली आहे.

The post भाग्योदय नागरी पतसंस्थेच्या चेअरमन व व्हा. चेअरमन पदांची बिनविरोध निवड appeared first on थोडक्यात घडामोडी.

संगमनेर : आजकाल जीममध्ये जाऊन भरपूर व्यायाम करणे, तेथील प्रशिक्षकांनी दिलेल्या सल्ल्यानुसार आहार घेण्यावर तरुणाई भर देताना दिसते. एखाद्या नायकासारखी आपलीही शरीरयष्टी असावी, असे तरुणांना नेहमीच वाटते. मात्र, प्रत्येकालाच जीममध्ये जाण्यासाठी फी भरणे शक्य नसते. त्यामुळेच आता हळूहळू खुल्या व्यायामशाळांचा अर्थात ‘ओपन जीम’चा ट्रेंड निर्माण होऊ लागला आहे.

याच गोष्टीचा विचार करून माननीय नामदार बाळासाहेब थोरात यांचे यशोधन कार्यालय संगमनेर आणि माननीय इंद्रजीत भाऊ थोरात संचालक संगमनेर सहकारी साखर कारखाना तसेच अहमदनगर जिल्हा बँकेचे संचालक माननीय गणपतराव सांगळे, राजहंस दूध संघाचे व्हॉइस चेअरमन श्री राजेंद्र चकोर यांचे मार्गदर्शनाखाली व ग्रामपंचायत कार्यालय शिबलापूर यांचे सहकार्याने शिबलापूर येथे व्यायाम शाळा विकास अनुदान योजनेतून ओपन जिम साहित्य सह्याद्री इंटरनॅशनल स्कूल शिबलापूर येथील शाळेच्या प्रांगणात बसविण्यात आले आहे. माननीय ना. बाळासाहेब थोरात यांचे संगमनेर येथील यशोधन कार्यालय, तसेच ग्रामपंचायत शिबलापूर यांच्या प्रयत्नाने जिल्हा परिषद, अहमदनगर जिल्हा क्रीडा अधिकारी यांच्या व्यायामशाळा विकास अनुदान योजनेतून जिम साहित्य बसवण्यात आले. यासाठी श्री. प्रमोद बोंद्रे, सौ. यमुना नागरे आणि सौ. अनिता म्हस्के या विद्यमान ग्रामपंचायत सदस्यांनी विशेष प्रयत्न केले.

माजी सरपंच दिलावर शेख यांनी प्रतिक्रिया देताना म्हटले कि, ओपन जिमचा फायदा तरुणांना मोठ्या प्रमाणात होईल. बरेच तरुण पोलीस, मिलिट्रीच्या भरतीसाठी प्रयत्न करत आहेत, पण जिम नसल्याने त्यांची मोठ्या प्रमाणात गैरसोय होत होती. या ओपन जिमचा त्यांना मोठ्या प्रमाणात फायदा होईल. माननीय ना. बाळासाहेब थोरात यांचे संगमनेर येथील यशोधन कार्यालय, जिल्हा परिषद अहमदनगर, जिल्हा क्रीडा अधिकारी यांच्याकडून या जिम साहित्यासाठी मोठी मदत झाली. त्यासाठी शिबलापूर ग्रामस्थ विशेष आभारी आहेत.

या उद्घाटनाच्या प्रसंगी सरपंच सचिन गायकवाड, उपसरपंच दिलीप मुन्तोडे, माजी सरपंच दिलावर शेख, ग्रामपंचायत सदस्य प्रमोद बोंद्रे, प्रदीप मुन्तोडे, रमेश मुन्तोडे, पंढरीनाथ नागरे, नवनाथ नागरे, प्रा. जाधव सर, निशिकांत बर्डे, राजेंद्र सुखदेव नागरे, ज्ञानदेव नागरे, विश्वास मुन्तोडे, बाळासाहेब मुन्तोडे, नंदकुमार वालझाडे, महेश नागरे, अन्सार सय्यद, विक्रम नागरे, सुभाष मुन्तोडे, भाऊसाहेब नागरे, हौशीराम पाबळ, संजय नागरे, गंगाराम नागरे, भाऊसाहेब मैंदड, संजय रक्टे, विशाल मुन्तोडे, हरिभाऊ रक्टे, बाळासाहेब नागरे, श्रीकांत मुन्तोडे, प्रशांत फुलपगार, वसंत मुन्तोडे, पद्माकर पाचरणे, निवृत्ती नागरे, प्रवीण नागरे, जिजाबा नागरे, भाऊसाहेब मुन्तोडे, हरिभाऊ वालझाडे, जालिंदर बोंद्रे, चेतन म्हस्के, रमेश म्हस्के, सत्तार शेख, भैय्या शेख, रियाज शेख, डॉ. अण्णासाहेब नागरे, किरण मुन्तोडे, मधुकर मुन्तोडे यशोधन कार्यालयाचे जनसेवक श्री. वेणुनाथ सानप आदी सर्व मान्यवर उपस्थित होते.

The post व्यायाम शाळा विकास अनुदान योजनेतून ‘शिबलापूर’ येथे बसवले ओपन जिम साहित्य… appeared first on थोडक्यात घडामोडी.

संगमनेर : कै. विनायक शिवराम आव्हाड गुरुजी यांच्या स्मरणार्थ आज (2 जुलै) जिल्हा परिषद प्राथमिक शाळा, शिबलापुर येथील इयत्ता पहिली ते चौथीपर्यंतच्या सर्व विद्यार्थ्यांना मोफत वह्या, पेन, पेन्सिल आणि इतर शालोपयोगी स्टेशनरी साहित्य वाटप करण्यात आले.

सामाजिक बांधिलकी जोपासत विद्यार्थ्यांना दर्जेदार शिक्षण मिळावे या अनुषंगाने हे साहित्य वाटण्यात आले. सर्वच विद्यार्थ्यांना एकसमान व गुणवत्तापूर्ण शिक्षण मिळावे, यासाठी या साहित्याची मोठी मदत होईल. या उपक्रमातून आव्हाड कुटुंबियांकडून एक आदर्श ठेवण्यात आला आहे.

यावेळी शिबलापुर गावचे माजी सरपंच दिलावर शेख, ग्रामपंचायत सदस्य प्रमोद बोंद्रे, युवक कार्यकर्ते राजेंद्र सुखदेव नागरे, ज्ञानदेव गंगाराम नागरे, विश्वास मुन्तोडे, दिपक नागरे, शिवाजी आनंदा नागरे (से.नि. सहाय्यक फौजदार), भिमराज सांगळे (स्था. स्कूल कमिटी अध्यक्ष), राहुल मुन्तोडे, आव्हाड कुटुंबियांच्या वतीने निवृत्त सहाय्यक पोलीस निरीक्षक अशोक विनायक आव्हाड, शिवाजी विनायक आव्हाड (सेवानिवृत्त आदर्श शिक्षक), भाग्यश्री आव्हाड, सिद्धार्थ आव्हाड, अक्षय आव्हाड, संदीप पाटील (औरंगाबाद), तसेच शाळेच्या मुख्याध्यापिका सौ. भुसाळ मॅडम, वाकचौरे सर, मुठे सर, पिचड सर, नागरे मॅडम आदी. उपस्थित होते. ग्रामपंचायत सदस्य प्रमोद बोंद्रे यांनी यावेळी सर्व ग्रामस्थांच्या वतीने आव्हाड कुटुंबियांचे आभार मानण्यात आले.

शिक्षण हे वाघिणीचे दूध असते, हे आव्हाड गुरुजींनी नेहमी विद्यार्थ्यांना सांगितले. त्यांनी घडवलेले अनेक विद्यार्थी आज उच्चपदांवर कार्यरत आहेत. एका सामान्य कुटुंबातून आलेल्या गुरुजींचा प्रवास थक्क करणारा आहे. त्यांनी त्यांच्या आई-वडिलांच्या निधनानंतर रोजंदारी करून दोन भावांचा सांभाळ केला. स्वतःचे आणि भावांचे शिक्षण पूर्ण केले आणि भावाला पोलीस सेवेत रुजू केले. त्यांच्या कुटुंबातील सर्वजण शिक्षित असून गुरुजींच्या पावलावर पाऊल ठेवून समाजोपयोगी कामे करत आहेत. -दिलावर शेख (माजी सरपंच, शिबलापूर)

The post कै. विनायक शिवराम आव्हाड गुरुजी यांच्या स्मरणार्थ शिबलापूर येथील विद्यार्थ्यांना शालोपयोगी साहित्याचे वाटप appeared first on थोडक्यात घडामोडी.