कोविडचा सामना करण्यासाठी नवनवीन तंत्रज्ञान शोधण्यात महाराष्ट्र राज्यातील तंत्रज्ञ काम करीत असून कोल्हापूर येथील शिवाजी विद्यापीठाच्या पुढाकाराने तयार केलेले युव्ही-३६० सॅनिटायझर मॉड्युल रोबोट उपयुक्त ठरेल, असा विश्वास उच्च व तंत्र शिक्षण मंत्री उदय सामंत यांनी व्यक्त केला. सध्या हा रोबोट नागपुरात ठेवण्यात आला असून त्याचे ई-उद्घाटन मान्यवरांच्या ऑनलाईन उपस्थितीत झाले.

उदय सामंत म्हणाले कि, रुग्णालये, हॉटेल्स, व्यावसायिक जागा अशा ठिकाणी निर्जंतुकीकरणासाठी या रोबोटचा उपयोग होईल. तंत्रज्ञान विकसन प्रक्रियेत आधुनिक महाराष्ट्र कोठेच कमी नाही. विशेषतः विद्यापीठात हे तंत्रज्ञान विकसित झाले याचा आनंद आहे. राज्यातील रोबोटिक्स क्षेत्रात आवड असणाऱ्या विद्यार्थ्यांना यामुळे प्रेरणा मिळणार असून भविष्यातील संशोधनाला चालना मिळणार असल्याचे सामंत यांनी सांगितले.

शिवाजी विद्यापीठातील भौतिकशास्त्र विभागाचे प्राध्यापक डॉ. आर.जी. सोनकवडे यांच्या प्रयत्नातून ‘युव्ही – ३६० सॅनिटायझर मॉड्युल रोबोट'(तारा)ची निर्मिती झाली आहे. त्यांच्या या संशोधनामुळे कोरोना विषाणू व तत्सम सुक्ष्मजीवांचे निर्जंतुकीकरण करणे साध्य होणार आहे.

मानवी हालचाली अचूकपणे ओळखून तत्काळ अतिनील किरणांचे उत्सर्जन थांबवण्यासाठी यामध्ये पीआयआर सेन्सर वापरला आहे. तसेच खोलीमध्ये फिरताना अडथळ्यांवर थडकून तो खराब होऊ नये यासाठी अँटीकोलिजन सेन्सर वापरला आहे. निर्जंतुकीकरणाच्या ठिकाणाचे मोजमाप घेण्यासाठी एलआयडीएआर सेन्सर बसवला आहे. त्यामुळे रोबोट त्याच्यामध्ये असणाऱ्या ३६० अंश स्कॅनरच्या साहाय्याने मोजमाप घेऊन निर्जंतुकीकरणासाठी लागणारी वेळ स्वतःच निश्चित करतो. प्रभावी निर्जंतुकीकरणासाठी उपयुक्त सिम्युलेशसन्स अँसिस सॉफ्टवेअर प्रा. लि. आणि कॅडफेम यांनी पुरवली आहेत. २० किलोग्रॅम वजन असणाऱ्या या रोबोटची १० बाय १० ची खोली अवघ्या ५ मिनिटांपेक्षा कमी वेळेत निर्जंतुक करण्याची क्षमता आहे. यामध्ये वापरलेल्या ११ वॅटच्या एकूण १८ UV-C टयूबमुळे कोरोना विषाणूसोबत इतर विषाणू व जिवाणूंचाही नायनाट करणे शक्य होणार आहे.

रोबोटमध्ये असलेल्या लिथियम आयन बॅटरीमुळे चार तास चार्ज केल्यानंतर तो दोन ते अडीच तास कार्यरत राहू शकतो. या रोबोटसाठी बनवलेल्या खास अशा अँड्रॉइड ॲपच्या मदतीने अगदी कुठूनही त्याला चालवणे शक्य आहे. मोबाइल वायफायद्वारे हा काही मीटर अंतरावरून हाताळला जाऊ शकतो. हा रोबोट आयओटी (Internet of Things) तंत्रज्ञानाद्वारे अगदी परदेशातूनही चालवता येतो. याव्यतिरिक्त त्याची कार्यस्थिती समजण्यासाठी त्यावर LED बसवले आहेत. हिरव्या रंगाचे LED त्याची चालू स्थिती दर्शवतात तर जेव्हा तो UV-C tube चालू करून निर्जंतूकीकरणाचे काम सूरू करतो तेव्हा लाल रंगाचा LED लागतो.

रोबोटच्या डोक्यावर बसवलेल्या कॅमेऱ्याच्या साहाय्याने त्या ठिकाणची सर्व दृश्ये पाहणेही आपणास शक्य होईल. या रोबोटचे आणखी एक वैशिष्ट्य म्हणजे हा आपल्यासोबत बोलूही शकतो आणि कोरोना व इतर विषाणू, सूक्ष्मजीव, विकिरणे, विद्युतचूंबकीय लहरी, अतिनील किरणे अशा अनेक वैज्ञानिक बाबींवर माहितीही देऊ शकतो.

The post रोबोट करणार कोविड निर्जंतुकीकरण, UV-360 सॅनिटायझर मॉड्युल रोबोटचे ई-उद्घाटन appeared first on थोडक्यात घडामोडी.

भारत आणि अमेरिकेसोबत वाढत्या तणावाच्या पार्श्वभूमीवर चीनने आपली नवीन हायटेक शस्त्रे जगासमोर आणली आहेत. या हायटेक शस्त्रांमध्ये आर्यन मॅनसारख्या एका खास सूटने जगाचे लक्ष वेधले आहे. या सूटमुळे चिनी सैन्याला मोठा फायदा होणार आहे.

भारतीय जवानांनी पॅन्गाँग त्सो सरोवराजवळ चिनी सैन्याच्या घुसखोरीचा डाव उधळून लावला. यामुळे चीनचा घुसखोरीचा डाव जगासमोर आला. त्यातच अमेरिका आणि चीनमध्ये देखील तणाव वाढत आहे. दक्षिण चीन समु्द्रात दोन्ही देशांचे नौदल आमनेसामने उभे ठाकले आहे. अशा परिस्थितीत चीनने आपली लष्करी सज्जता दाखवण्यासाठी व्हिडिओ ट्विट केला आहे. चीनने आपल्या जवानांसाठी एक एक्सयोस्केलेटन सूट विकसित केला आहे. या सूटमुळे सैनिकांची वजन वाहून नेण्याची क्षमता ५० किलोहून ८० किलो इतकी झाली आहे. चीनचे सरकारी वृत्तपत्र पीपल्स डेलीने याबाबत एक व्हिडिओ ट्विट केला आहे.

In video: Several types of military-use high-tech equipment, including exoskeleton robots and drones and driverless car for supply delivery, were unveiled in a recent logistic support drill carried out by PLA Army Logistics University. pic.twitter.com/p1mVyjTINH

— People’s Daily, China (@PDChina) September 1, 2020

पीपल्स डेलीने म्हटले की, चीनने सप्लाय ड्रोन विकसित केला आहे. या ड्रोनच्या माध्यमातून ३० किलो वजनापर्यंतच्या वस्तू कोणत्याही भागातून कोणत्याही ठिकाणी वेळेवर नेता येऊ शकतात. तसेच चीनने ३५० किलो वजन घेऊन जाण्यास सक्षम असणाऱ्या एका ड्रायव्हर लेस कारची निर्मिती केली आहे. ही कार एका वेळेस २० किमीपर्यंतचे अंतर कापू शकते.

पेंटागॉनने आपल्या वार्षिक अहवालात म्हटले की, भारताच्या शेजारी असलेल्या तीन देशांसह जवळपास १२ देशांमध्ये आपला लष्करी तळ उभारण्याचा प्रयत्न सुरु आहे. या अहवालानुसार, पाकिस्तान, श्रीलंका आणि म्यानमार या देशांसह थायलँड, सिंगापूर, इंडोनेशिया, संयुक्त अरब अमिरात, केनिया, सेशल्स, टांझानिया, अंकोला आणि ताजिकिस्तान या देशांमध्ये चीन आपला लष्करी तळ उभारण्याचा प्रयत्न करत आहे.

दरम्यान , चीनने अणवस्त्रांचा साठा दुप्पट करण्यासाठीचे प्रयत्न सुरू केले आहेत. अमेरिकेवर हल्ला करण्यासाठी इतर देशातही चीन आपले लष्करी तळ उभारत आहे. अमेरिकेच्या संरक्षण विभागाच्या अहवालात ही बाब नमूद करण्यात आली आहे. जागतिक महासत्ता बनण्यासाठी चीनकडून ही पावले उचलली जात असल्याचे म्हटले जात आहे.

The post जागतिक महासत्ता बनण्यासाठी चीनकडून उचलली जात आहेत पावले..? appeared first on थोडक्यात घडामोडी.