मुंबई : दादर कोर्टाने रस्ते अपघातांबाबत महत्त्वपूर्ण निर्णय दिला आहे. रस्त्यावर पायी चालणाऱ्याच्या निष्काळजीपणामुळे एखादा अपघात झाल्यास त्यासाठी कार चालकास जबाबदार धरता येणार नाही, असे कोर्टाचे नमूद केले आहे.

दंडाधिकारी कोर्टाचे न्यायाधीश प्रवीण पी. देशमाने म्हणाले, रस्त्यावर चालताना किंवा रस्ता ओलांडताना सावधगिरी बाळगणे हे एका पादचारी (पायी चालणाऱ्या) व्यक्तीचे कर्तव्य आहे. पादचाऱ्यांच्या बेजबाबदारपणामुळे एखादा अपघात झाला, तर वाहन चालकाला त्यासाठी गुन्हेगार मानले जाणार नाही, असे नमूद करून न्यायाधीश देशमाने यांनी एका 56 वर्षीय महिला व्यावसायिकेला 5 वर्षापूर्वीच्या रस्त्यावरील अपघाताच्या प्रकरणातून निर्दोष मुक्त केले.

फिर्यादी पक्षाच्या म्हणण्यानुसार, 20 ऑक्टोबर 2015 रोजी सकाळी 9 वाजता एक महिला पायी चालत तिच्या ऑफिसला जात होती, तेव्हा मागून येणाऱ्या एका कारने त्यांना धडक दिली. त्यामुळे ती महिला जमिनीवर पडली आणि कारचे एक चाक तिच्या पायाच्या अंगठ्यावरून गेले. ही कार एक महिला व्यावसायिक चालवत होती. तथापि, अपघात होताच महिलेने गाडी थांबविली होती. दुसर्‍याच दिवशी जखमी महिलेच्या वडिलांनी पोलिसांत तक्रार दाखल केली. काही आठवड्यांनंतर जखमी महिलेचा जबाब नोंदविण्यात आला आणि गुन्हा दाखल करण्यात आला. भोईवाडा पोलिसांनी याप्रकरणी आरोपपत्र दाखल केले होते.

कोर्टाने दोन्ही बाजू ऐकून घेतल्यानंतर निर्णय दिला की पादचाऱ्यांसाठी फुटपाथ बनवले आहेत आणि वाहनांसाठी रस्ता तयार करण्यात आला आहे. परंतु, जखमी महिला रस्त्यावर चालत होती. त्यामुळे कार चालकास दोषी मानले जाऊ शकत नाही, असे नमूद करून कोर्टाने गाडी चालवणाऱ्या महिलेला या प्रकरणातून निर्दोष मुक्त केले.

The post कोर्टाचा महत्वपूर्ण निर्णय, पादचाऱ्याच्या निष्काळजीपणामुळे अपघात झाल्यास वाहन चालक जबाबदार नाही appeared first on थोडक्यात घडामोडी.

लोहपुरुष सरदार वल्लभभाई पटेल यांच्या 145 व्या जयंतीनिमित्त कंगना रानौतने त्यांना श्रद्धांजली वाहिली. त्याबरोबरच कंगनाने महात्मा गांधी आणि पंडित जवाहरलाल नेहरू यांच्यावर जोरदार टीका केली आहे. सरदार पटेल यांच्या बलिदानासाठी कंगनाने गांधीजींना दोष दिला. त्याचबरोबर स्वतंत्र भारताचे पहिले पंतप्रधान म्हणून निवडून येऊन देखील सरदार पटेल यांनी केलेल्या त्यागाबद्दल कंगनाने दुःख व्यक्त केले.

कंगनाने ट्विटमध्ये लिहिले आहे की, “सरदार वल्लभभाई पटेल यांनी गांधीजींच्या प्रसन्नतेसाठी पहिले पंतप्रधान म्हणून सर्वात योग्य व निवडून आलेले पद नाकारले, कारण गांधीजींना वाटत होते की नेहरू चांगले इंग्रजी बोलतात.” सरदार पटेल यांना काही फरक पडला नाही, परंतु देशाने अनेक दशके याचा त्रास सहन केला. आपल्यासाठी जे योग्य आहे ते आपण निर्लज्जपणे हिसकावून घ्यावे. ”

He sacrificed his most deserving and elected position as the First Prime Minister of India just to please Gandhi because he felt Nehru spoke better English, #SardarVallabhbhaiPatel did not suffer but Nation suffered for decades,we must shamelessly snatch what is rightfully ours. pic.twitter.com/TGxcOlDB3K

— Kangana Ranaut (@KanganaTeam) October 31, 2020

कंगनाने पुढच्या ट्वीटमध्ये म्हटले आहे की, “सरदार पटेल हे भारताचे खरे लोहपुरुष होते. माझा विश्वास आहे की गांधीजींना नेहरूंसारखी एक कमकुवत व्यक्ती हवी होती, जेणेकरून त्यांना समोर करून गांधीजींना देश ताब्यात ठेवता व चालवता आला असता. योजना चांगली होती, पण गांधींच्या हत्येनंतर जे घडले, ती आपत्ती ठरली ”

कंगनाने शेवटच्या ट्वीटमध्ये लिहिले होते की, “भारतीय लोहपुरुष सरदार वल्लभभाई पटेल यांना त्यांच्या जयंतीनिमित्त श्रद्धांजली. आपणच आजची अखंड भारत देणारी व्यक्ती आहात. परंतु पंतप्रधानपदाशी तडजोड करून तुम्ही तुमचे नेतृत्व व दृष्टी आमच्यापासून दूर केली. आपल्या निर्णयाबद्दल आम्हाला दुःख वाटतं. ”

Wishing India’s Iron man #SardarVallabhbhaiPatel a happy anniversary, you are the man who gave us today’s akhand Bharat but you took your great leadership and vision away from us by sacrificing your position as a Prime Minister. We deeply regret your decision ?

— Kangana Ranaut (@KanganaTeam) October 31, 2020

The post नेहरूंसारख्या कमकुवत व्यक्तीला पुढे करून गांधीजींना देश ताब्यात ठेवायचा व चालवायचा होता – कंगना appeared first on थोडक्यात घडामोडी.