प्रवरानगर येथे पद्मश्री डॉ. विठ्ठलराव विखे पाटील सहकारी साखर कारखाना ऊस गळीत हंगामाचा शुभारंभ माजी मंत्री व कारखान्याचे अध्यक्ष आ.श्री. राधाकृष्ण विखे पाटील यांच्या हस्ते झाला. याप्रसंगी साखरेचे उत्पादन वाढवण्यावण्याबद्दल व साखरेला योग्य भाव मिळवून देण्यासाठी प्रयत्नशील असल्याचे त्यांनी सांगितले.

याप्रसंगी माजी मंत्री आ.श्री. आणासाहेब म्हस्के पाटील, जि.प. माजी अध्यक्षा सौ. शालिनीताई विखे पाटील, डॉ. बाबुराव बापूजी तनपुरे कारखान्याचे अध्यक्ष श्री. नामदेव ढोकणे, उपाध्यक्ष श्री. दत्तात्रय ढुस, गणेश कारखान्याचे अध्यक्ष श्री. मुकुंदराव सदाफळ, पं.स. सभापती नंदा तांबे, भाजीपाला सेवा संस्थेच्या अध्यक्ष गीता थेटे, ट्रक वाहतूक सेवा संस्थेचे अध्यक्ष श्री. नंदकिशोर राठी, प्रवरा बँकेचे अध्यक्ष श्री. बाळासाहेब भवर, भाजपचे तालुका अध्यक्ष श्री. ज्ञानेश्वर गोंदकर, उपाध्यक्ष श्री. विश्वासराव कडू यांच्यासह सर्व संचालक, कामगार उपस्थित होते.

The post पद्मश्री डॉ. विठ्ठलराव विखे पाटील सहकारी साखर कारखाना ऊस गळीत हंगामाचा शुभारंभ appeared first on थोडक्यात घडामोडी.

नगर   : भाजप नेते राधाकृष्ण विखे पाटील यांचे वडील दिवंगत पद्मभूषण बाळासाहेब विखे पाटील यांच्या ‘देह वेचावा कारणी’ या आत्मकथेचं प्रकाशन आज पंतप्रधान नरेंद्र मोदी यांच्या हस्ते पार पडलं. या प्रकाशन सोहळ्यासाठी मुख्यमंत्री उद्धव ठाकरे तसेच माजी मुख्यमंत्री देवेंद्र फडणवीस, चंद्रकांत पाटील हेदेखील उपस्थित होते.

पंतप्रधान नरेंद्र मोदी यांच्या हस्ते आज (13 ऑक्टोबर) सकाळी 11 वाजता व्हिडीओ कॉन्फरन्सिंगच्या माध्यमातून डॉ. बाळासाहेब विखे पाटील यांच्या आत्मचरित्राचे प्रकाशन झाले. तसेच विखे पाटील यांच्या स्मरणार्थ प्रवरा ग्रामीण शिक्षण संस्थेचे नामांतर करुन, त्या संस्थेला ‘लोकनेते डॉ. बाळासाहेब विखे पाटील प्रवरा ग्रामीण शिक्षण संस्था’ असे नाव देण्यात आले.

पंतप्रधान मोदी यावेळी म्हणाले, की सहकार निःपक्ष असतो. `देह वेचावा कारणी` या नावात मोठा अर्थ आहे. त्यांनी आपल्या पुस्तकात लिहिले आहे, की शेतीत काैशल्य असल्याशिवाय सुशिक्षित माणूसही शेती करू शकत नाही. बाळासाहेब विखे पाटील यांच्या मनात हा प्रश्न उगीच नाही आला. त्यामागे मोठा त्याग आहे. बाळासाहेब विखे पाटील यांनी शेतकऱ्यांचे दुःख स्वतः पाहिले. अनुभवले. सहकार वाढविण्यासाठी त्यांचे योगदान मोठे आहे. नगर जिल्ह्यात ऊसाचे मोठे उत्पादन होते. शेतीची क्रांती, दुधाची क्रांती गुजरातमध्ये झाली. गहू हरिणाना, पंजाबमध्ये मोठ्या प्रमाणात उत्पादित झाला. हेच माॅडेल देशाला पुढे घेऊन जाणार आहे, असे मोदी यांनी सांगून सहकार क्षेत्राचा गाैरव केला.

पुढे पंतप्रधान मोदी म्हणाले की, ‘बाळासाहेब विखे पाटील यांनी महाराष्ट्रच नाहीतर देशाच्या अनेक भागात मंत्रिपदाच्या काळात काम केलं. ज्या काळात ग्रामीण भागांत शिक्षणाची चर्चाही होत नव्हती, अशा काळात त्यांनी शिक्षण संस्था सुरु केल्या. साखर उद्योगला चालना दिली. शेतकऱ्यांना प्रशिक्षित केले, शेतकऱ्यांची उत्पादकता, उत्पन्न वाढविण्यासाठी प्रयत्न केले. नव्या जुन्याचा मेळ घालून शेती केली पाहिजे. इथेनॉलचा वापर जसाजसा वाढेल तसा तेलासाठी बाहेर जाणारा पैसा शेतकऱ्यांना मिळेल, हे त्यांनी दाखवून दिलं.’

The post पंतप्रधान नरेंद्र मोदी यांच्या हस्ते डॉ. बाळासाहेब विखे पाटील यांच्या आत्मचरित्राचे प्रकाशन appeared first on थोडक्यात घडामोडी.

लोणी : प्रवरानगर येथे पद्मभूषण डॉ. विठ्ठलराव विखे पाटील सहकारी साखर कारखान्याच्या गळीत हंगामाचा बॉयलर अग्निप्रदीपन समारंभ मा. राधाकृष्ण विखे पाटील व माजी मंत्री श्री. अण्णासाहेब म्हस्के पाटील यांच्या प्रमुख उपस्थितीत संचालकांच्या हस्ते पूजन करुन पार पडला.

याप्रसंगी संचालक श्री. शांताराम जोरी, श्री. बाबू पडघरमल, संचालिका सौ. उज्वला अशोक घोलप, सौ. संगीता भास्करराव खर्डे, प्रवरा भाजीपाला सेवा संस्थेचे अध्यक्षा गीता थेट, प्रवरा बँकेचे अध्यक्ष श्री. बाळासाहेब भवर, प.स. सभापती नंदा तांबे, ट्रक वाहतूक संस्थेचे अध्यक्ष श्री. नंदकिशोर राठी, भाजपचे तालुकाध्यक्ष श्री. ज्ञानेश्वर गोंदकर, कारखान्याचे उपाध्यक्ष श्री. विश्वासराव कडू, जि.प. सदस्य श्री. दिनेश बर्डे, सर्व संचालक व आदी मान्यवर उपस्थित होते.

The post डॉ. विठ्ठलराव विखे पाटील सहकारी साखर कारखान्याच्या गळीत हंगामाचा बॉयलर अग्निप्रदीपन समारंभ संपन्न appeared first on थोडक्यात घडामोडी.

प्रवरानगर येथील पद्मश्री डॉ. विठ्ठलराव विखे पाटील साखर कारखान्यातील सर्व कर्मचाऱ्यांची कोरोना चाचणी करण्यासाठी आज swab टेस्ट केंद्राची सुरुवात करण्यात आली. विळद घाट येथील पद्मश्री डॉ. विठ्ठलराव विखे पाटील फौंडेशनचे सहकार्य यात घेतले जाईल. काही दिवसातच कारखान्याचा गळीत हंगाम सुरु होईल. त्या पार्श्वभूमीवर कारखान्याचे अध्यक्ष राधाकृष्ण विखे पाटील यांनी कारखान्यातील कर्मचाऱ्यांची कोरोना चाचणी करू घेण्याचा निर्णय घेतला.

विखे पाटील परिवाराकडून सामाजिक बांधिलकी ठेऊन वेगवेगळे उपक्रम राबवले जात असतात. त्यामुळे कोरोना संकटकाळात कारखान्यातील कामगारांच्या आरोग्याबाबत त्यांना आणि व्यवस्थापनाला माहिती असावी, यादृष्टीने हा उपक्रम राबवला जात आहे.

खासदार डॉ. सुजय विखे पाटील यांच्या मार्गदर्शनाखाली डॉ. विखे पाटील हॉस्पिटलच्या डॉक्टरांचा संघ कार्यरत आहे. रोज २५० ते ३०० कामगारांची टेस्ट घेतली जाणार आहे व त्यांच्या आरोग्य अहवालानुसार त्यांना पुढील गोष्टी सांगितल्या जातील.

The post प्रवरानगर येथील विखे पाटील साखर कारखान्यात कर्मचाऱ्यांसाठी कोरोना चाचणी केंद्र appeared first on थोडक्यात घडामोडी.