पुणे : आज सकाळी बारामती विमानतळाजवळ झालेल्या धक्कादायक अपघातात महाराष्ट्राचे उपमुख्यमंत्री अजित पवार यांचा आणि त्यांच्या सोबत असलेल्यांचा मृत्यू झाला आहे. हा अपघात त्यांच्या चार्टर्ड विमानाच्या लँडिंगच्या प्रयत्नात झाल्याचे पहिल्या अहवालांतून समोर येत आहे.

उपमुख्यमंत्र्यांचे विमान मुंबईहून बारामतीकडे येत होते, तेव्हा लँडिंगच्या वेळी अचानक नियंत्रण सुटले आणि विमान अपघातग्रस्त झाले. विमानातील सर्व प्रवासी आणि कर्मचारी यांची घटनास्थळीच दुर्दैवी मृत्यू झाला, अशी माहिती अधिकारी आणि डीजीसीएने अधिकृतरित्या दिली आहे.

विमानाचे अवशेष जिथे कोसळले तेथे मोठ्या प्रमाणात धूर आणि आग पसरलेली होती आणि विमानाचे तुकडे शेतात पसरलेले दिसले. बचाव-गट, पोलीस, प्रशासन आणि आरोग्य सेवा त्वरित घटनास्थळी दाखल झाले.

अजित पवार हे राष्ट्रवादी काँग्रेस पक्षाचे नेतृत्व करणारे वरिष्ठ नेते आणि राज्याचे प्रभावी राजकारणी म्हणून ओळखले जातात. त्यांच्या अचानक निधनामुळे संपूर्ण महाराष्ट्रात शोककळा पसरली आहे, आणि राजकीय तसेच सामाजिक स्तरावर दुःख व्यक्त केले जात आहे.

या गंभीर अपघाताचे नेमके कारण अद्याप स्पष्ट झालेले नाही. प्राथमिक अहवालात तांत्रिक कारण किंवा लँडिंग प्रक्रियेत झालेला बिघाड हे दृष्टिकोन समोर येत आहे, तर डीजीसीएकडून तपास सुरू करण्यात आला आहे. अधिकृत अहवाल येईपर्यंत कोणतेही निश्चित कारण सांगणे शक्य नाही.

The post उपमुख्यमंत्री अजित पवार यांचे विमान अपघातात दुःखद निधन, बारामतीत घडली दुर्घटना appeared first on थोडक्यात घडामोडी.

नेपाळ : नेपाळमधील पोखरा या पर्यटन शहरातून उड्डाण केल्यानंतर हिमालयाच्या पर्वतीय प्रदेशात कोसळलेल्या तारा एअरच्या विमानाचे अवशेष सापडले आहेत. नेपाळी लष्कराला मुस्तांगमधील थासांग-२ च्या सनोसवेअरमध्ये दुर्घटनाग्रस्त विमान सापडले आहे. दरम्यान, विमानातील सर्व २२ जणांचा मृत्यू झाला आहे. नेपाळी लष्कराने याला दुजोरा दिला आहे. विमानात चार भारतीयही होते. यापूर्वी खराब हवामान आणि ढगाळ वातावरणामुळे विमानाचा शोध घेणे कठीण झाले होते.

बचाव पथकासह सैनिक आणि हेलिकॉप्टर संभाव्य घटनास्थळ शोधण्यात गुंतले होते. हे विमान पश्चिमेकडील टेकड्यांमधील जोमसोम विमानतळावर उतरणार होते, परंतु पोखरा-जोमसोम हवाई मार्गावरील घोरेपाणीवरील आकाशात टॉवरशी त्याचा संपर्क तुटला. ‘तारा एअर’च्या ‘ट्विन ऑटर 9एन-एईटी’ विमानात चार भारतीय नागरिक, दोन जर्मन नागरिक आणि 13 नेपाळी प्रवासी आणि तीन नेपाळी क्रू सदस्य होते. कॅनेडियन बनावटीचे हे विमान पोखरा येथून मध्य नेपाळमधील प्रसिद्ध पर्यटन शहर जोमसोमला जात होते. दोन शहरांमधील विमान प्रवासास साधारणपणे 20-25 मिनिटे लागतात.

एअरलाइन्सने प्रवाशांची यादी जाहीर केली आहे, ज्यामध्ये अशोक कुमार त्रिपाठी, त्यांची पत्नी वैभवी बांदेकर (त्रिपाठी) आणि त्यांची मुले धनुष त्रिपाठी आणि रितिका त्रिपाठी अशी भारतीयांची नावे आहेत. हे कुटुंब सध्या मुंबईजवळ ठाण्यात राहत होते. क्रू मेंबर्सचे नेतृत्व कॅप्टन प्रभाकर प्रसाद घिमिरे करत होते, असे पोखरा विमानतळाचे माहिती अधिकारी देव राज अधिकारी यांनी सांगितले. उत्सव पोखरेल हे सहचालक आणि किस्मी थापा फ्लाइट अटेंडंट म्हणून विमानाच्या क्रूमध्ये होते.

हे लक्षात घेण्यासारखे आहे की 2016 मध्ये, त्याच एअरलाइनचे विमान टेक ऑफ केल्यानंतर त्याच मार्गावर क्रॅश झाले होते, त्यात सर्व 23 लोकांचा मृत्यू झाला होता. मार्च 2018 मध्ये, त्रिभुवन आंतरराष्ट्रीय विमानतळावर यूएस-बांगला एअरचे विमान कोसळले, त्यात 51 लोकांचा मृत्यू झाला. सप्टेंबर 2012 मध्ये त्रिभुवन आंतरराष्ट्रीय विमानतळावर सीता एअरचे विमान आपत्कालीन लँडिंग दरम्यान क्रॅश झाले आणि 19 जणांचा मृत्यू झाला. पोखरा ते जोमसोम विमान 14 मे 2012 रोजी जोमसोम विमानतळाजवळ क्रॅश झाले आणि 15 जणांचा मृत्यू झाला होता.

The post नेपाळमधील विमान अपघातात सर्व प्रवाशांचा मृत्यू, 4 भारतीय नागरिकांचा समावेश appeared first on थोडक्यात घडामोडी.

अमेरिका : अमेरिकेत एक आश्चर्यजनक घटना घडली आहे. येथे एक मच्छीमार एका विशालकाय व्हेल माशाच्या तोंडात गेला होता, परंतु त्यानंतर तो जिवंत बाहेर आला. या मच्छिमाराचे नाव मायकल पॅकार्ड असून तो ५६ वर्षांचा आहे. या संपूर्ण घटनेबद्दल त्याने स्वत: च सांगितले आहे.

वृत्तानुसार, मायकल पॅकार्ड सुमारे 30 सेकंद व्हेल माशामध्येच राहिले, परंतु तरीदेखील ते बचावले. मायकेलने या भयानक अनुभवाबद्दल सांगितले की, “मी मॅसाचुसेट्सच्या ईशान्य किनाऱ्यावर लॉबस्टर पकडण्यासाठी समुद्राच्या खाली डुबकी मारत होतो आणि त्यावेळी मी सुमारे 35 फूट खाली होतो. अचानक मला एक मोठा झटका बसला आणि त्यानंतर माझ्यासमोर संपूर्ण अंधार पसरला. मला काय घडत आहे, याची कल्पना नव्हती. नंतर मला वाटले की मी कोणाच्या तरी तोंडात आहे. मला वाटले की कदाचित शार्कने हल्ला केला आहे, परंतु नंतर मला जाणवले की तोंडात कमी दात आहेत त्यामुळे हा शार्क नसावा. कारण शार्कच्या तोंडामध्ये बरेच दात असतात.”

मायकल पॅकार्ड पुढे म्हणाले कि, “मी व्हेल फिशच्या तोंडात अगदी आत होतो, जिथे पूर्णपणे अंधार होता. मी विचार केला की येथून बाहेर पडण्याचा कोणताही मार्ग नाही आणि आपला जीव वाचणे कठीण आहे. त्यावेळी मी फक्त माझ्या मुलांचा विचार करत होतो, जे १२ आणि १५ वर्षांचे आहेत. सुमारे 30 सेकंद मी माशाच्या तोंडातच राहिलो. व्हेलने मला खाण्याचा प्रयत्न केला आणि दात देखील दाबले, परंतु असे असूनही मी व्हेलच्या तोंडातून कसे बाहेर पडलो, हे मला ठाऊक नाही. माझे एकही हाड मोडलेले नाही. परंतु मी जर दातांच्यामध्ये आलो असतो, तर कदाचित जगणे कठीण झाले असते.”

तो भयंकर क्षण आठवताना मायकल पॅकार्ड म्हणाले कि, “मी व्हेलच्या तोंडातून बाहेर येण्याचा प्रयत्न करण्यास सुरुवात केली, पण ते अवघड होते. मी बाहेर येण्यासाठी हालचाल केली, तेव्हा व्हेलने डोके हलवण्यास सुरुवात केली आणि सुमारे 30 सेकंदानंतर व्हेलने मला तोंडातून बाहेर फेकले.” त्यानंतर मायकेलला त्याच्या मित्राने त्वरित रुग्णालयात दाखल केले.

मायकेल पॅकार्डने मृत्यूला पराभूत करण्याची ही दुसरी वेळ आहे. नोव्हेंबर २००१ मध्ये झालेल्या विमान अपघातातूनही तो बचावला होता. या दुर्घटनेत पायलट आणि सह-पायलटसह तीन जण ठार झाले होते. मायकेल बचावलेल्या पाच लोकांपैकी एक होता. त्यांनी विमानाच्या रेडिओचा वापर करून मदत मागितली होती.

The post बाबो! दोनदा मृत्यूला हरवलं.. व्हेलने मच्छिमाराला जिवंत गिळलं आणि मग… appeared first on थोडक्यात घडामोडी.

मुंबई : नागपूरहून हैदराबादला जाणाऱ्या वैद्यकीय विमानात (एअर ऍम्ब्युलन्स) झालेल्या बिघाडानंतर प्रचंड गोंधळ झाला, पण नंतर हे विमान सुखरुप मुंबईत दाखल झाले आहे. विमानात गडबड झाल्याचे लक्षात येताच ते मुंबईकडे वळविण्यात आले. यासाठी संपूर्ण इमर्जन्सीची घोषणा करण्यात आली. क्रॅश लँडिंगची भीती निर्माण झाली होती, पण अखेर या विमानाला सुरक्षितपणे उतरवण्यात यश मिळाले.

या विमानात एक रुग्ण, दोन पॅरामेडिकल कर्मचारी आणि दोन क्रू मेम्बर होते. मिळालेल्या माहितीनुसार, विमान नागपूरहून उड्डाण करत होते, तेव्हा त्याचा एक टायर निसटला आणि तो जमिनीवर पडला. अशा परिस्थितीत त्या विमानाचे क्रॅश लँडिंग होण्याची शक्यता आहे. परिस्थितीचे गांभीर्य लक्षात घेऊन उड्डाणातील उपस्थित वैमानिकांनी समजूतदारपणा दाखविला आणि बेली लँडिंग करण्याचा निर्णय घेतला. यानंतर लँडिंगसाठी मुंबई विमानतळाला सतर्क करण्यात आले. विमानाच्या बेली लँडिंगसाठी धावपट्टीवर फेस पसरवण्यात आला होता. छत्रपती शिवाजी महाराज आंतरराष्ट्रीय विमानतळाच्या प्रवक्त्याने विमानाच्या सुरक्षित लँडिंगची पुष्टी केली आहे.

मोठी बातमी : टेकऑफ करताच गळाले विमानाचे चाक, धावपट्टीवर ‘फोम’ पसरवून केली आश्चर्यजनक लँडिंग… pic.twitter.com/juXlHHeP1O

— थोडक्यात घडामोडी : MARATHI NEWS – मराठी बातम्या (@thodkyaatnews) May 6, 2021

जर वेळेत बेली लँडिंग केली नसती तर मोठा अपघातही होऊ सहकला असता. पण वैमानिकाने समयसूचकता दाखवत योग्य वेळी योग्य निर्णय घेतला आणि सर्व प्रवाशांना सुखरुप मुंबईत दाखल करण्यात आले. विमानातील रुग्णास मुंबईतील रुग्णालयात दाखल करण्यात आले आहे. फ्लाइटमधील सर्व प्रवासी पूर्णपणे सुरक्षित असल्याची माहिती मिळाली आहे.

सुरक्षित लँडिंगसाठी धावपट्टीवर ‘फोम’ पसरवण्यात आला होता. त्यामुळे मोठी दुर्घटना टळली. विमानही अपघातातून बचावले असून सर्व प्रवासीही सुखरुप आहेत. पण या घटनेने सर्वांनाच धक्का बसला आहे. या घटनेमुळे अनेक प्रश्न उद्भवले आहेत. नक्की कोणत्या स्तरावर दुर्लक्ष झाले, ही बाब तपासण्यासारखी आहे.

The post मोठी बातमी : टेकऑफ करताच गळाले विमानाचे चाक, धावपट्टीवर ‘फोम’ पसरवून केली आश्चर्यजनक लँडिंग appeared first on थोडक्यात घडामोडी.

केरळच्या कोझिकोड या ठिकाणी असलेल्या विमानतळावर रात्री 7.45 च्या सुमारास एअर इंडियाचं एक विमान लँड झालं. विमान धावपट्टीवर असतानाच हे विमान घसरलं आणि छोट्या दरीत पडलं. या दुर्घटनेत विमानाच्या दोन पायलटसह 14 जणांचा मृत्यू झाला आहे. 123 प्रवासी जखमी झाले आहेत तर 15 प्रवासी गंभीर जखमी आहेत. मिळालेल्या माहितीनुसार दुबईहून कालीकत येथे येणारं एअर इंडियाचं IX-1344 हे विमान दुर्घटनाग्रस्त झालं आहे.

घटना घडल्यानंतर विमान दरीत कोसळलं आणि विमानाचे दोन तुकडे झाले आहेत. फायर टेंडर आणि अॅम्बुलन्स घटनास्थळी दाखल झाल्या आहेत. विमानाच्या पुढील भागाचं मोठं नुकसान झालं आहे. एअर इंडिया एक्स्प्रेसच्या माहितीनुसार, विमानात दोन पायलटसह सहा क्रू मेंबर्स होते. तर विमानात 191 प्रवाशी प्रवास करत होते, ज्यामध्ये 10 मुलांचा समावेश आहे.

पंतप्रधान नरेंद्र मोदी यांनी या घटनेनंतर शोक व्यक्त केला आहे. कोझिकोडमध्ये विमान अपघात झाल्याने मी दु:खी झालो आहे. ज्यांनी आपले प्रियजन गमावले त्यांच्याबद्दल मी संवेदना व्यक्त करतो. जखमी प्रवासी लवकरात लवकर बरे व्हावे. केरळचे मुख्यमंत्री पिनरायी विजयन यांच्याशी मी बोललो. अधिकारी घटनास्थळी आहेत, जखमींना सर्व मदत मिळत आहे.

The post केरळमध्ये एअर इंडियांचं विमान दुर्घटनाग्रस्त,14 जणांचा मृत्यू appeared first on थोडक्यात घडामोडी.