पाकिस्तानातील पेशावर येथील मशिदीत शुक्रवारच्या नमाजाच्या वेळी एका व्यक्तीने स्फोट करून स्वत:ला उडवले. या आत्मघातकी स्फोटात 45 जणांचा मृत्यू झाला आहे. तर ६५ हून अधिक जखमी झाले आहेत. जखमींना रुग्णवाहिकेतून लेडी रीडिंग रुग्णालयात नेण्यात आले. या दुर्घटनेनंतर घटनास्थळी किमान 15 रुग्णवाहिका हजर आहेत.

मशिदीत शुक्रवारच्या नमाजाच्या वेळी बॉम्बस्फोट झाल्याची घटना घडली. पेशावरमधील मशिदीत त्यावेळी गर्दी होती, अचानक गर्दीतील एका व्यक्तीने स्फोट करून स्वत:ला उडवले. स्फोटापूर्वी गोळीबाराचा आवाजही ऐकू आला होता. या स्फोटामागे कोणाचा हात आहे याची अधिकृत पुष्टी अद्याप झालेली नाही. पोलिसांचे पथक स्फोटाच्या ठिकाणी पोहोचले आहे. या परिसरात अनेक बाजारपेठा आहेत आणि हे ठिकाण सहसा शुक्रवारच्या नमाजाच्या वेळी खचाखच भरलेले असतात.

The post पेशावर येथील मशिदीत आत्मघाती स्फोट, ४५ ठार; 65 जखमी appeared first on थोडक्यात घडामोडी.

पाकिस्तानमधील पेशावरमध्ये मोठा बॉम्बस्फोट झाला आहे. दीर कॉलनीमधील मदरशामध्ये हा बॉम्बस्फोट झाला आहे. या स्फोटात सात जणांचा मृत्यू झाला असून ७० जण जखमी झाले असल्याचं वृत्त डॉन या वृत्तवाहिनीने दिलं आहे. वरिष्ठ पोलिस अधीक्षक मन्सून अमन यांनी बॉम्बस्फोटाच्या वृत्ताला दुजोरा दिला असून स्फोटाचं कारण तसंच त्यामागे कोण होतं याची माहिती घेतली जात असल्याचं सांगितलं आहे.

जखमींना जवळच्या लेडी रिंडिंग रुग्णालयात दाखल करण्यात आलं आहे. रुग्णालयाचे प्रवक्ते मोहम्मद आसीम यांनी सात मृतदेह आणि ७० जखमींना रुग्णालयात आणण्यात आलं अशी माहिती दिली आहे. जखमींवर तात्काळ उपचार केले जात असून रुग्णालयाचे संचालक स्वत: आपातकालीन विभागात हजर असल्याचं त्यांनी सांगितलं. याशिवाय रुग्णालयात वैद्यकीय सुविधेसाठी एमर्जन्सी जाहीर करण्यात आली आहे असं देखील ते म्हणाले आहेत.

The post पाकिस्तान : पेशावरमध्ये मोठा बॉम्बस्फोट, ७ जणांचा मृत्यू, ७० जखमी appeared first on थोडक्यात घडामोडी.