नवी दिल्ली: एलआयसीच्या आयपीओची सर्वांनाच उत्सुकता लागली असताना याबाबत मोठी बातमी हाती आली आहे. हा आयपीओ ४ मे रोजी ओपन होईल आणि ९ मे पर्यंत गुंतणूक करता येईल, असे सूत्रांकडून सांगण्यात येत आहे. एलआयसीची बोर्ड मीटिंग उद्या होण्याची शक्यता असून या बैठकीत यावर शिक्कामोर्तब केले जाईल, असेही सूत्रांनी पुढे नमूद केले.

भारतीय आयुर्विमा महामंडळा’ची पाच टक्के हिस्साविक्री करण्याच्या उद्देशाने केंद्र सरकारने प्राथमिक भागविक्रीसाठी १३ फेब्रुवारी रोजी अर्ज केला होता. मात्र, आता प्रत्यक्षात ३.५ टक्के हिस्साविक्री करण्यात येणार आहे. त्यामुळे ‘आयपीओ’ मधून भांडवल उभारणीचे लक्ष्य घटून २१ हजार कोटी रुपयांचे झाले आहे. ही भांडवल उभारणी करण्यासाठी ‘एलआयसी’ सुमारे २२ हजार कोटी समभाग विक्रीला आणणार आहे. केंद्र सरकारने सुधारित ‘रेड हेरिंग प्रॉस्पेक्टस’ अर्थात ‘आयपीओ’चा अर्ज सेबीकडे नव्याने दाखल केला असता त्यास सेबीकडून मंजुरी मिळाल्याचे वृत्त सीएनबीसी टीव्ही १८ या वृत्तवाहिनीने दिले आहे. सुधारित ‘रेड हेरिंग प्रॉस्पेक्टस’मुळे ‘एलआयसी’चे मूल्य सहा लाख कोटी रुपये होऊ शकेल. याआधी सरकारने ‘एलआयसी’चे मूल्य १७ लाख कोटी रुपये असेल, असे म्हटले होते.

‘एलआयसी’च्या ‘आयपीओ’द्वारे भांडवल उभारणीचे, अर्थात हिस्साविक्रीचे लक्ष्य सरकारने घटवले असले तरीही हा आजवरचा सर्वांत मोठा ‘आयपीओ’ ठरणार आहे. हा बहुप्रतीक्षित ‘आयपीओ’ मे महिन्याच्या पहिल्या आठवड्यात ४ मे रोजी येण्याची शक्यता आता वाढली असल्याचे वृत्त आता हाती आले आहे. त्यामुळे या आयपीओची प्रतीक्षा लवकरच संपणार हे स्पष्ट झाले आहे.

The post LIC IPO; एलआयसीच्या आयपीओबाबत खूप मोठी बातमी; आता प्रतीक्षा संपली ‘या’ तारखेला आयपीओ ओपन होईल.. appeared first on थोडक्यात घडामोडी.

पुणे : आपल्याला आपल्या मुलाचे जीवन आर्थिकदृष्ट्या सुरक्षित करायचे असेल तर आपण त्याच्या लहानपणापासूनच त्याच्यासाठी गुंतवणूक करायला सुरुवात करायला हवी. म्हणूनच, आज आम्ही तुम्हाला एलआयसीच्या अशाच एका पॉलिसीबद्दल सांगणार आहोत, ज्यामध्ये गुंतवणूक करून तुम्ही तुमच्या मुलाचे आर्थिक भविष्य सुरक्षित करू शकता. ही एलआयसीची नवीन चिल्ड्रन मनी बॅक योजना आहे.

योजनेंतर्गत किमान विमा रक्कम 1 लाख रुपये आहे तर यासाठी कोणतीही उच्च मर्यादा नाही. त्याचा परिपक्वता कालावधी 25 वर्षांचा आहे. जर तुम्ही मूल जन्माला येताच योजना घेतली तर ती 25 वर्षात पूर्ण होईल आणि नंतर घेतली तर मुलाचे वय 25 होण्यासाठी जितके वर्ष शिल्लक असतील, तितक्या वर्षात पूर्ण होईल. पॉलिसीमध्ये गुंतवणूक करण्याची वयोमर्यादा शून्य ते १२ वर्षे आहे.

पॉलिसी चालू ठेवल्यास, पॉलिसीधारक 18, 20 वर्षे आणि 22 वर्षांचा झाल्यानंतर मूळ विमा रकमेच्या 20% रक्कम दिली जाते. पॉलिसीधारक पॉलिसीची मुदत संपेपर्यंत जिवंत राहिल्यास आणि पॉलिसी चालू राहिल्यास, त्याला बोनससह ‘मॅच्युरिटीवर विमा रक्कम’ मिळते. मॅच्युरिटीवरील विमा रक्कम ‘मूलभूत विमा रकमेच्या (एकूण विमा रक्कम)’ 40 टक्के इतकी असते.

जर तुम्ही मुलाच्या जन्मापासून LIC चिल्ड्रन मनी बॅक प्लॅनमध्ये फक्त रु 150 गुंतवलेत (तथापि, प्रीमियम वार्षिक, सहामाही, त्रैमासिक किंवा मासिक आधारावर असेल) तर तुम्हाला 25 वर्षांच्या मॅच्युरिटी कालावधीवर सुमारे 19 रुपये मिळतील. जर तुम्ही बघितले तर तुम्ही 150 रुपये प्रतिदिन या आधारावर वार्षिक 55,000 रुपये जमा केले असते, त्या आधारावर 25 वर्षांत एकूण 14 लाख रुपये जमा झाले असते.

(या योजनेबद्दल अधिक माहिती एलआयसीच्या अधिकृत वेबसाइटवरून घेतली जाऊ शकते.)

The post मस्तच! LIC च्या ‘या’ योजनेत 150 रुपयांची गुंतवणूक केल्यास मिळेल 19 लाखांचा परतावा appeared first on थोडक्यात घडामोडी.

मुंबई : एलआयसी हाउसिंग फायनान्सने गृहकर्ज दरात कपात करण्याबाबत घोषणा केली आहे. ५० लाखांपर्यंतच्या कर्जावरील व्याजदर ६.६६ टक्के करण्यात आला आहे. येत्या ३१ ऑगस्ट २०२१ पर्यंत हा विशेष गृहकर्ज दर लागू राहील, असे कंपनीकडून सांगण्यात आले आहे. गृहकर्जाचा हा सर्वात कमी व्याजदर असल्याचं कंपनीने म्हटलं आहे.

‘एलआयसी हाउसिंग फायनान्स’चा ६.६६ टक्के गृहकर्ज दर हा जास्तीत जास्त ३० वर्ष कालावधीतील गृहकर्ज श्रेणीतील सर्वात कमी दर आहे. दरम्यान, या कर्जासाठी ग्राहक ऍपवरून देखील अर्ज करू शकतात. संपूर्ण प्रक्रिया पूर्ण करून कर्ज ऑनलाइनच मंजूर केले जाते. तसेच अर्जाची प्रक्रिया कुठपर्यंत आली, तिचे स्टेटस काय आहे, हे देखील ग्राहकांना ऑनलाइन कळू शकेल. यासाठी कार्यालयात येण्याची आवश्यकता नाही, असे कंपनीने म्हटलं आहे.

गृह कर्जाचा हा विशेष व्याजदर प्राप्त करण्यासाठी ग्राहकाचे सिबिल रेकॉर्ड ग्राह्य धरले जाणार आहे. सिबिलच्या आधारे कर्जदाराची पत क्षमता किती आहे त्यावरून हा विशेष व्याजदर दिला जाईल, असे कंपनीने म्हटले आहे. एलआयसी हाउसिंग फायनान्सने शुक्रवारी याबाबत प्रसिद्धी पत्रक जारी केलं आहे.

LIC Housing Finance Ltd slashes Home loan rates to all time low of 6.66%. It’s the right time to grab this offer and make your dream home come true…#LICHFL #homeloans #HousingForAll #deal #Offers #HomY

— LIC Housing Finance Limited (@LIC_HFL) July 2, 2021

The post गृहकर्ज घेताय? एलआयसी हाउसिंग फायनान्सकडून व्याजदरात मोठी कपात, जाणून घ्या… appeared first on थोडक्यात घडामोडी.