लातूर : पती आणि पत्नीच्या नात्याला काळीमा फासणारी मन हेलावून टाकणारी घटना लातूरमध्ये घडली आहे. शेतमालक आणि त्याच्या भावाने शेतातील महिलेवर सामूहिक बलात्कार केला असून यात खुद्द नवऱ्याची साथ मिळाली असल्याचा धक्कादायक प्रकार लातूर जिल्ह्यातील औसा इथं समोर आला आहे. दुर्दैवाची बाब अत्याचारानंतर पीडितेचा तब्बल 10 ते 15 किलोमिटर चालत मध्यरात्री लातुरच्या दोन पोलीस ठाण्यात तक्रार करून देखील मदत मिळाली नाही. अखेर पोलीस अधिक्षकांच्या सुचनेनंतर पतीसह तिघांविरुद्ध औसा पोलिसांत बलात्कार आणि अॅट्रॉसिटी कायद्यान्वये गुन्हा दाखल करण्यात आला आहे.

पोलिसांनी दिलेल्या माहितीनुसार, लातूर जिल्ह्यातील निलंगा तालुक्यातील रहिवासी असलेली एक 32 वर्षीय महिला पतीसह औसा तालुक्यातील सारोळा रोडवर असलेल्या एका पानमळ्यात सालगडी म्हणून वास्तव्यास होते. काही दिवसांपूर्वी या पती-पत्नीमध्ये वाद झाल्यामुळे ही महिला लातुरातील आपल्या आईकडे वास्तव्यास होती. वाद निवळल्यानंतर पीडित महिलेच्या आईने 9 एप्रिल रोजी या महिलेस पतीकडे नेऊन सोडले. रात्री 9 वाजेच्या सुमारास पीडित महिलेच्या पतीने पानमळ्याचे मालक असलेले इल्लु शेख आणि मुसा शेख या दोघांना घरी आणले आणि त्यांना स्वतःच्या पत्नीवर अत्याचार करण्यास सांगितले. त्यानुसार पतीसमोरच या महिलेवर दोघांनी अत्याचार केला.

घटनेनंतर पीडित महिला घटनास्थळावरुन मध्यरात्री बाभळगाव नाक्यावर असलेल्या ग्रामीण पोलीस ठाण्यात विवेकानंद चौक पोलीस ठाणे गाठले. परंतू, त्यांनी पोलीस अधिक्षकांकडे जाण्याचा सल्ला दिला. त्यामुळे सदर महिला आईला सोबत घेवून पोलीस अधीक्षकांची भेट घेतली. स्वतःवरील अत्याचाराची कर्मकहाणी ऐकवल्यानंतर त्यांनी औसा पोलिसांना गुन्हा दाखल करण्याचे आदेश दिले. त्यानंतर आरोपी पतीसह अन्य दोघांविरुद्ध औसा पोलिसांत भादंवि तसंच अनुसुचित जाती जमाती अत्याचार प्रतिबंध कायदा अन्वये गुन्हा दाखल करण्यात आला असून आरोपींना अटक करण्यात आली आहे.

The post दुर्दैवी! डोळ्यासमोरच पतीने आपल्याच पत्नीवर दोघांना करायला सांगितला बलात्कार, लातूर हादरलं appeared first on थोडक्यात घडामोडी.

मध्य प्रदेश : मध्य प्रदेशातील दमोहमध्ये एका वृद्धावर बलात्काराचा आरोप करण्यात आला आहे. वृद्धावर त्याच्या मुलाच्या पत्नीने म्हणजेच सुनेने बलात्काराचा आरोप केला आहे. दमोह शहरातील कोतवाली पोलीस ठाण्याच्या हद्दीतील पीडित महिला रात्री उशिरा सासरच्यांविरोधात गुन्हा दाखल करण्यासाठी महिला पोलीस ठाण्यात पोहोचली होती. पोलिसांनी आरोपीविरुद्ध गुन्हा दाखल केला आहे.

या घटनेबाबत महिला पोलिस स्टेशनच्या प्रभारी सुषमा श्रीवास्तव यांनी सांगितले की, पीडितेचे लग्न होऊन तीन वर्षे झाली आहेत. लग्नानंतर एक वर्षापर्यंत सर्व काही ठीक झाले. पीडितेच्या म्हणण्यानुसार, तिच्या सासरच्यांनी काही दिवसांनी तिला त्रास देण्यास सुरुवात केली आणि एक दिवस तिच्यावर बलात्कार केला.

ही बाब पीडितेने पतीलाही सांगितली होती, मात्र पतीने कोणत्याही प्रकारात हस्तक्षेप केला नाही. यामुळे व्यथित झालेल्या पीडितेने तिच्या पालकांसह महिला पोलिस ठाणे गाठून गुन्हा दाखल केला. याप्रकरणी पोलिसांनी आज महिला पोलिस ठाण्यात सासरच्या विरोधात गुन्हा दाखल केला आहे. महिला एसएचओने सांगितले की, तक्रारीनंतर गुन्हा दाखल करण्यात आला आहे. पोलीस या प्रकरणाचा तपास करत आहेत.

The post सासऱ्याने सुनेवर बलात्कार केला, पतीने कळल्यानंतर केले दुर्लक्ष appeared first on थोडक्यात घडामोडी.

उत्तर प्रदेश : उत्तर प्रदेशमधील रामपूर येथे अतिशय संतापजनक घटना घडली आहे. एका व्यक्तीने पत्नीच्या प्रायव्हेट पार्टमध्ये खिळा ठोकल्याचा प्रकार समोर आला आहे. महिलेचा पती दारू पिऊन आल्यानंतर पती-पत्नीमध्ये वाद झाला. त्यानंतर रागाच्या भरात पतीने हे भयंकर कृत्य केले. या घटनेनंतर महिलेने पतीविरूद्ध महिला पोलिस ठाण्यात तक्रार दाखल केली.

पोलिसांना महिलेने घडलेला सर्व प्रकार सांगितला. पोलिसांनी लेखी तक्रार दाखल करून घेतली. त्यानंतर या महिलेची वैद्यकीय तपासणी देखील करण्यात आली. पीडित महिलेने दिलेल्या माहितीनुसार, रात्री बारा वाजताच्या सुमारास तिचा नवरा दारू पिऊन घरी आला होता. त्यानंतर त्याने भांडण सुरू केले. त्याने मद्यधुंद अवस्थेत तिला घाणेरड्या शिव्या देण्यास सुरुवात केली, त्यानंतर त्याने त्याच्या पत्नीच्या प्रायव्हेट पार्टमध्ये खिळा ठोकला. या महिलेने तिच्या आई-वडिलांना आवाज दिला, पण कोणीही मदतीला आले नाही.

महिलेने पतीची हत्या करून दिरासोबत ठेवले अनैतिक संबंध, नंतर दिराची केली हत्या, त्यानंतर…

क्षेत्राधिकारी श्रीकांत प्रजापती यांनी सांगितले की महिलेने केलेल्या तक्रारीनंतर कसून चौकशी करण्यात आली. त्यामध्ये पती-पत्नीमध्ये वाद झाल्याचे निष्पन्न झाले. महिलेने तिच्या पतीवर मारहाण केल्याचा आणि तिच्या प्रायव्हेट पार्टमध्ये खिळा ठोकल्याचा आरोप केला होता. पीडितेच्या तक्रारीनंतर तिचे मेडिकल करण्यात आले. त्यानंतर या दोघांनी वाद मिटवला. चौकशी केल्यानंतर हे पती-पत्नीमधील परस्पर वादाचे प्रकरण असल्याचे निष्पन्न झाले. यामध्ये पोलिसांनी आवश्यक ती कारवाई केली आहे.

भयंकर! मृतदेहाच्या हाताने अल्पवयीन मुलीच्या भांगेत भरले कुंकू, कारण वाचून बसेल धक्का…

The post भांडणानंतर पतीने पत्नीच्या प्रायव्हेट पार्टमध्ये ठोकला खिळा, मद्यधुंद अवस्थेत केले भयंकर कृत्य appeared first on थोडक्यात घडामोडी.

बंगळुरु : आई-वडिलांच्या टीव्हीच्या रिमोटवरुन झालेल्या भांडणात तीन वर्षांच्या चिमुकलीने जीव गमावला. मुलीने वडिलांची बाजू घेतल्यामुळे आईला राग अनावर झाला आणि तिने आपल्या तीन वर्षांच्या मुलीची गळा दाबून हत्या केली. कर्नाटकातील बंगळुरुमध्ये ही खळबळजनक घटना घडली आहे.

सुधा पश्चिम बंगळुरुतील टाईल्सच्या दुकानात हाऊसकीपिंग स्टाफ म्हणून कार्यरत होती. तर तिचा पती इरन्ना हा माथाडी कामगार आहे. ही चिमुकली नेहमीच आपल्या वडिलांची बाजू घेत असायची. त्यामुळे तिची आई सुधा (26) नेहमी चिडलेली असायची. अशातच टीव्हीच्या रिमोटवरुन पती-पत्नीत वाद झाला. या वादानंतर या चिमुकलीने वडिलांची बाजू घेतली. त्यामुळे तिच्या आईला राग अनावर झाला. अखेर या महिलेने चिमुकलीला जीवे मारायचं ठरवलं आणि एका बांधकाम सुरु असलेल्या निर्मनुष्य इमारतीत नेलं. तिथे तिने आपल्या मुलीचा गळा आवळून तिची हत्या केली. त्यानंतर पतीसोबत पोलिस स्थानकात जाऊन या महिलेने मुलगी बेपत्ता असल्याची तक्रार नोंदवली. मी मुलीला घेऊन चाटच्या दुकानात गोबी मंचुरिअन खायला गेले होते. दुकानदाराला पैसे देत असताना माझ्या नकळत चिमुकली हात सोडून कुठेतरी गेली, असं तिने रचला.

दुसऱ्या दिवशी बांधकाम सुरु असलेल्या इमारतीत चिमुकलीचा मृतदेह आढळला. त्याविषयी पोलिसांना माहिती देण्यात आली. माहिती मिळताच पोलिसांनी घटनास्थळी धाव घेतली. त्यानंतर सुधा आणि इरन्ना यांना बोलावून मुलीची ओळख पटवण्यात आली. मात्र सुधाच्या बोलण्यात तफावत आढळल्याने पोलिसांना संशय आला. त्यांनी तिची कसून चौकशी केली, तेव्हा सुधाने आपणच मुलीची गळा दाबून हत्या केल्याची कबुली दिली. मुलगी नेहमी आपल्या वडिलांची बाजू घेत असल्याच्या रागातून तिची हत्या केल्याचं सुधाने सांगितलं.

The post किरकोळ भांडणात तीन वर्षांच्या चिमुकलीने घेतली वडिलांची बाजू, आईने केली मुलीची हत्या appeared first on थोडक्यात घडामोडी.

नवी दिल्ली : सर्वोच्च न्यायालयानं स्पष्ट केलं आहे कि, सासरी महिलेला कुटुंबीयांकडून मारहाण झाली तर तिच्या जखमांसाठी तिचा पतीच जबाबदार असेल. गेल्या वर्षी जून महिन्यात एका महिलेनं लुधियाना पोलिसांत पती आणि सासरच्या व्यक्तींविरोधात तक्रार दाखल केली होती. हुंड्याची मागणी पूर्ण करू न शकल्याने पती, सासरे आणि सासू यांनी आपल्याला मारहाण केली, असा आरोप महिलेनं केला होता. या प्रकरणात महिलेच्या पतीला अटकपूर्व जामीन देण्यास सर्वोच्च न्यायालयानं नकार दिला.

पंजाब आणि हरयाणा उच्च न्यायालयानं यापूर्वी आरोपी पतीला अटकपूर्व जामीन नाकारला होता. सर्वोच्च न्यायालयात सरन्यायाधीश शरद बोबडे यांच्या अध्यक्षतेखालील खंडपीठानं या महिलेच्या पतीला कठोर शब्दांत फटकारलं. खंडपीठानं म्हटलं कि, “तुम्ही कशा पद्धतीचे पुरुष आहात? पत्नीच्या आरोपानुसार गळा दाबून तिचा जीव घेण्याचा प्रयत्न करण्यात आला तसंच जबरदस्तीनं गर्भपात करण्यात आला. पत्नीला क्रिकेटच्या बॅटनं मारहाण करणारे तुम्ही पुरुष आहात.”

यावर वकील महाजन यांनी म्हटलं की आरोपीनं नाही तर त्यांच्या पित्यानं महिलेला बॅटनं मारहाण केली होती. यावेळी सरन्यायाधीशांच्या नेतृत्वाखाली खंडपीठानं म्हटलं, ‘यामुळे कोणताही फरक पडत नाही की कथितरित्या मारहाण करणारा पती होता की पिता… जेव्हा एखाद्या महिलेचा सासरच्या घरी छळ होतो तेव्हा मुख्य रुपात ही जबाबदारी पतीची आहे. सर्वोच्च न्यायालयानं आरोपी पतीचा अटकपूर्व जामीन फेटाळून लावला.

काय आहे प्रकरण ?

१२ जून २०२० रोजी रात्री ९.०० वाजल्याच्या सुमारास पती आणि त्याच्या पित्यानं क्रिकेटच्या बॅटनं महिलेला मारहाण केली होती. त्यानंतर पतीनं पत्नीचा गळा दाबून तिची हत्या करण्याचाही प्रयत्न केला. त्याच्या पित्यानं महिलेच्या चेहऱ्यावर उशी दाबून तिला मारण्याचा प्रयत्न केला. त्यानंतर महिलेला रस्त्यावर फेकून दिलं. घटनेची माहिती मिळताच महिलेचे वडील आणि भाऊ यांनी तिथे येऊन महिलेला उपचारासाठी रुग्णालयात दाखल केलं. सासरच्या घरी याआधीही झालेल्या मारहाणीमुळे दोन वेळा गर्भपात झाल्याचं महिलेनं म्हटलं आहे. महिलेच्या मेडिको लीगल रिपोर्टनुसार, तिच्या शरीरावर १० गंभीर जखमा होत्या. तिच्या चेहऱ्यावर-डोक्यावर, योनिवर आणि गळ्यावरही जखमा होत्या. वैद्यकीय तज्ज्ञांच्या म्हणण्यानुसार, १० पैंकी ८ जखमा या धारदार शस्त्रामुळे झाल्या होत्या.

The post महिलेला सासरी मारहाण झाल्यास तिच्या जखमांसाठी पतीच जबाबदार – सर्वोच्च न्यायालय appeared first on थोडक्यात घडामोडी.

गुजरातमध्ये एक व्यक्ती व्हॅलेंटाईन डे निमित्त आपल्या आजारी पत्नीला आपली किडनी दान करून एक अनोखी भेट देत आहे. विनोद पटेल 14 फेब्रुवारी रोजी अहमदाबादमध्ये पत्नी रीता पटेल यांना किडनी दान करतील. खास गोष्ट अशी की, हे जोडपे आपला लग्नाचा 23 वा वाढदिवस साजरा करीत आहेत.

रीता पटेल या ऑटोइम्यून मूत्रपिंड डिसफंक्शनने ग्रस्त आहेत आणि गेल्या तीन वर्षांपासून त्यांच्यावर उपचार सुरू आहेत. उपचार करूनही रीताच्या मूत्रपिंडाचा आजार बरा झाला नाही. यानंतर तिच्या पतीने तिला किडनी दान करण्याची तयारी दाखवली. तपासादरम्यान, पती विनोदची किडनी रीतासाठी योग्य असल्याचे आढळले. यानंतर, विनोदने 14 फेब्रुवारीला प्रेमाची भेट  म्हणून किडनी दान करण्याचा निर्णय घेतला. ते अहमदाबादच्या एका खासगी रुग्णालयात किडनी दान करतील.

अहमदाबादचे डॉक्टर सिद्धार्थ मवानी म्हणाले की ऑटोइम्यूनचा आजार झाल्यामुळे व्यक्तीच्या शरीरातील रोगप्रतिकारक शक्ती शरीराच्या निरोगी अवयवांवर आक्रमण करण्यास सुरवात करते. यामुळे रीताची किडनी खराब झाली आहे. तसेच विनोदने सांगितले की पत्नीला होणाऱ्या वेदना बघणं सहन न झाल्याने त्यांनी किडनी दान करण्याचा निर्णय घेतला. त्यांनी सांगितले की रीता 44 वर्षांची आहे आणि गेल्याच महिन्यात त्यांचे डायलिसिसही झाले होते.

विनोद पटेल यावेळी म्हणाले कि, “मला सर्वांना सांगावं वाटत की सर्वांनी त्यांच्या जोडीदाराचा आदर केला पाहिजे आणि गरज पडल्यास एकमेकांना मदत करण्यासाठी पुढे यायला हवे.” रीता स्वत: ला भाग्यवान मानतात की त्यांच्या पतीने किडनी दान केल्यामुळे त्या पुन्हा एकदा आपलं आयुष्य जगू शकतील.

The post ‘व्हॅलेंटाईन डे’ चं अनोखं गिफ्ट, नवरा आपल्या आजारी बायकोला भेट देणार किडनी appeared first on थोडक्यात घडामोडी.