नवी दिल्ली : भारतीय रिझर्व्ह बँकेने आज रेपो दरात (RBI Repo Rate) कपात करण्याची घोषणा केली आहे. रेपो दरात ०.२५% कपात करण्यात आली आहे, ज्यामुळे रेपो दर आता ६.२५ वरून ६ टक्क्यांवर आला आहे. २०२५ मध्ये आरबीआयने रेपो दरात कपात करण्याची ही दुसरी वेळ आहे. यापूर्वी, फेब्रुवारीमध्ये झालेल्या केंद्रीय बँकेच्या चलनविषयक धोरण बैठकीत, २५ बेसिस पॉइंट्स किंवा ०.२५ टक्के कपात करण्यात आली होती. यामुळे रेपो दर ६.५० वरून ६.२५ टक्क्यांवर आला होता. त्यानंतर आज (९ एप्रिल) झालेल्या कपातीनंतर ते ६ टक्क्यांवर आले आहे.

आरबीआय गव्हर्नर संजय मल्होत्रा यांनी बुधवारी चालू आर्थिक वर्षाच्या पहिल्या द्विमासिक पतधोरण समितीच्या बैठकीनंतर रेपो दरांची घोषणा केली. या कपातीमुळे आता वाहन कर्ज आणि गृहकर्जावरील व्याजदरात कपात दिसून येईल. आरबीआय गव्हर्नर संजय मल्होत्रा यांनी पतधोरण सादर केले. त्यांनी या काळात महागाई कमी झाल्यावर समाधान व्यक्त केले. पतधोरण समितीच्या सर्व सदस्यांनी महागाई लक्षित प्रमाणापेक्षा कमी असल्याचे म्हटले आहे. त्याआधारेच रेपो दरात कपातीचा निर्णय घेण्यात आला. जर गरज असेल आणि वातावरण अनुकूल असेल तर येत्या काळात रेपो दरात अजून कपात होण्याची शक्यता वर्तवण्यात येत आहे. या फेब्रुवारी महिन्यापासून कपातीचे धोरण राबवण्यात आले आहे. सलग दुसर्‍यांदा रेपो दरात कपात करण्यात आली.

RBI ने व्याजदर तर कमी केला…आता ईएमआय कमी करण्यासाठी बँकेत जावे लागेल का? जाणून घ्या आवश्यक माहिती

आरबीआय गव्हर्नर संजय मल्होत्रा यांनी सध्या भडकलेल्या टॅरिफ वॉरबाबत चिंता व्यक्त केली. सध्याची परिस्थिती जगासाठी योग्य नसल्याचे ते म्हणाले. मात्र तरी भारतीय अर्थव्यवस्थेवर त्यांनी विश्वास वर्तवला. या परिस्थितीत सुद्धा भारतीय अर्थव्यवस्थेची घौडदौड सुरूच राहील असे ते म्हणाले.

The post मोठी बातमी! कर्ज होणार स्वस्त, RBI कडून रेपो रेटमध्ये पुन्हा कपात appeared first on थोडक्यात घडामोडी.

मुंबई : रिझर्व्ह बँकेकडून आज पतधोरण जाहीर केले. यात बँकेने रेपो दरात ०.५० टक्के वाढ केली आहे. यामुळे रिझर्व्ह बँकेचा रेपो दर ४.९० टक्के झाला आहे. महिनाभरात दुसऱ्यांदा व्याजदर वाढ झाल्याने कर्जदारांना जोरदार झटका दिला आहे. गेल्या महिन्यात बँकेने अचानक व्याजदर वाढवला होता. त्यापार्श्वभूमीवर आज बुधवारी गव्हर्नर शक्तिकांत दास कर्जदारांना धक्का देत रेपो वाढीची घोषणा केली.

या दरवाढीनंतर रेपो दर ४.९० टक्के झाला आहे. स्टॅंडिंग डिपाॅझिट फॅसिलीटी रेट ४.१५ टक्के झाला होता. बँक रेट ४.१५ टक्के आणि सीआरआर अर्धा टक्क्याने वाढून ४.५० टक्के झाला. त्यापूर्वी ८ एप्रिल २०२२ रोजी रिझर्व्ह बँकेने पतधोरण स्थिर ठेवले होते. आरबीआय पतधोरण समितीची बैठक सुरु आहे. या बैठकीत रेपो दरात आणखी ०.४० टक्क्यांनी वाढ होण्याचा अंदाज ब्रोकरेज संस्थांनी व्यक्त केला आहे. याशिवाय ऑगस्टच्या आढाव्यात ते ०.३५ टक्क्यांनी वाढू शकते. असे न झाल्यास आरबीआय पुढील आठवड्यात ०.५० टक्के आणि ऑगस्टमध्ये ०.२५ टक्के वाढ करण्याचे ठरवू शकते. रिझव्‍‌र्ह बँकेचे गव्हर्नर शक्तिकांत दास यांनी अलीकडेच सांगितले होते की, चलनवाढीचा दर ६ टक्क्यांच्या समाधानकारक पातळीवर आणण्याचा दबाव पाहता, पॉलिसी रेट वाढण्याची शक्यता वाढली आहे.

Watch out for the Monetary Policy statement of the RBI Governor @DasShaktikanta at 10:00 am on June 08, 2022
YouTube: https://t.co/8yrf3xazA5

Post policy press conference telecast at 12:00 noon on the same day
YouTube: https://t.co/bG01WNycHy#rbipolicy #rbigovernor pic.twitter.com/USGCiFiEAP

— ReserveBankOfIndia (@RBI) June 7, 2022

रिझर्व्ह बँकेने रेपो दरात वाढ केल्यास सर्वसामान्यांसाठी कर्ज महाग होईल कारण बँकांच्या कर्जाची किंमत वाढेल. रेपो रेट हा दर आहे ज्यावर बँका आरबीआयकडून पैसे घेतात. हा दर वाढल्यावर बँकांना जास्त दराने कर्ज मिळेल, त्यामुळे ते त्यांच्या ग्राहकांकडून जास्त दराने व्याजही घेतील.

रिझर्व्ह बँकेचे पतधोरण जाहीर होण्यापूर्वीच काल मंगळवारी एचडीएफसी बँकेने कर्जदारांना जोरदार झटका दिला आहे. एचडीएफसी बँकेनं एमसीएलआर दर (कर्जदर) ०.३५ टक्क्यांनी वाढवला आहे. ७ जून २०२२ पासून नवीन कर्जदर लागू झाला असल्याचे एचडीएफसी बँकेनं म्हटलं आहे. या दरवाढीने कर्जाचा मासिक हप्ता वाढेल. त्याशिवा गृह कर्ज, वाहन कर्ज तसेच वैयक्तिक कर्ज आणि इतर नवीन कर्ज जादा दराने घ्यावे लागणार आहे. दरम्यान, ४ मे रोजी रिझर्व्ह बँकेने रेपो दरात ०.४० टक्क्यांची वाढ करुन सर्वसामान्यांना धक्का दिला होता. रशिया-युक्रेन युद्धाचे परिणाम आता जाणवत असल्याचे गव्हर्नर शक्तिकांत दास यांनी सांगितले होते.

The post मोठी बातमी ‘RBI’ने दिला धक्का! रेपो दर अर्धा टक्क्याने वाढवला, कर्जआणखी महागणार appeared first on थोडक्यात घडामोडी.

मुंबई : एलआयसी हाउसिंग फायनान्सने गृहकर्ज दरात कपात करण्याबाबत घोषणा केली आहे. ५० लाखांपर्यंतच्या कर्जावरील व्याजदर ६.६६ टक्के करण्यात आला आहे. येत्या ३१ ऑगस्ट २०२१ पर्यंत हा विशेष गृहकर्ज दर लागू राहील, असे कंपनीकडून सांगण्यात आले आहे. गृहकर्जाचा हा सर्वात कमी व्याजदर असल्याचं कंपनीने म्हटलं आहे.

‘एलआयसी हाउसिंग फायनान्स’चा ६.६६ टक्के गृहकर्ज दर हा जास्तीत जास्त ३० वर्ष कालावधीतील गृहकर्ज श्रेणीतील सर्वात कमी दर आहे. दरम्यान, या कर्जासाठी ग्राहक ऍपवरून देखील अर्ज करू शकतात. संपूर्ण प्रक्रिया पूर्ण करून कर्ज ऑनलाइनच मंजूर केले जाते. तसेच अर्जाची प्रक्रिया कुठपर्यंत आली, तिचे स्टेटस काय आहे, हे देखील ग्राहकांना ऑनलाइन कळू शकेल. यासाठी कार्यालयात येण्याची आवश्यकता नाही, असे कंपनीने म्हटलं आहे.

गृह कर्जाचा हा विशेष व्याजदर प्राप्त करण्यासाठी ग्राहकाचे सिबिल रेकॉर्ड ग्राह्य धरले जाणार आहे. सिबिलच्या आधारे कर्जदाराची पत क्षमता किती आहे त्यावरून हा विशेष व्याजदर दिला जाईल, असे कंपनीने म्हटले आहे. एलआयसी हाउसिंग फायनान्सने शुक्रवारी याबाबत प्रसिद्धी पत्रक जारी केलं आहे.

LIC Housing Finance Ltd slashes Home loan rates to all time low of 6.66%. It’s the right time to grab this offer and make your dream home come true…#LICHFL #homeloans #HousingForAll #deal #Offers #HomY

— LIC Housing Finance Limited (@LIC_HFL) July 2, 2021

The post गृहकर्ज घेताय? एलआयसी हाउसिंग फायनान्सकडून व्याजदरात मोठी कपात, जाणून घ्या… appeared first on थोडक्यात घडामोडी.