आसाम सरकारने राज्यातील मुलींच्या लग्नात एक तोळं सोनं देण्याचा निर्णय घेतला आहे. ‘अरुंधती गोल्ड योजने’ च्या माध्यमातून आई-वडिलांना आपल्या मुलीच्या लग्नात मोफत एक तोळं सोनं देण्यात येणार आहे. ‘अरुंधती गोल्ड योजने’ च्या माध्यमातून राज्यातील मुलींच्या लग्नात 10 ग्रॅमचा सोन्याचा शिक्का मोफत भेट म्हणून देण्याचा निर्णय आसाम राज्य सरकारनं घेतला आहे.

अरुंधती गोल्ड योजनेच्या माध्यमातून आसाम सरकार राज्यातील ज्या परिवारांचं वार्षिक उत्पन्न 5 लाखांपेक्षा कमी आहे अशा परिवारांना 10 ग्रॅम सोन्याचा शिक्का देणार आहे. परिवारातील पहिल्या दोन अपत्यांनाच या योजनेचा लाभ मिळणार आहे. अरुंधती गोल्ड योजनेच्या माध्यमातून विवाहाच्या नोंदणीकरणानंतर प्रत्येक विवाह झालेली मुलगी राज्य सरकारकडून देण्यात येणाऱ्या या 10 ग्रॅम सोन्यच्या शिक्क्याचा लाभ घेऊ शकते. या योजनेमुळे राज्यातील मुलींना काही प्रमाणात आर्थिक सुरक्षा मिळण्याची आशा राज्य सरकारनं व्यक्त केली आहे. या योजनेचा लाभ घेण्यासाठी स्पेशल मॅरेज अॅक्ट,1954 या कायद्यानुसार नोंदणी करावी लागणार आहे. या नोंदणीच्या दिवशीच संबंधित मुलगी अरुंधती गोल्ड योजनेअंतर्गत लाभ मिळवण्यासाठी अर्ज करु शकते. यासाठी मुलीचं वय किमान 18 वर्षे तर मुलाचं वय किमान 21 वर्षे असायला हवं.

The post वाह! ‘या’ राज्यात मुलीच्या लग्नात भेट म्हणून मिळणार एक तोळं सोनं appeared first on थोडक्यात घडामोडी.

मुंबई  :  मुंबई इंडियन्सचा स्टार क्रिकेटपटू कृणाल पांड्याला पोलिसांनी ताब्यात घेतल्यानं एकच खळबळ उडाली आहे. कृणाल पांड्याकडे नियमाप्रमाणे ठरवून दिलेल्या प्रमाणापेक्षा जास्त सोने सापडल्यानंतर डीआरआयनं त्याला ताब्यात घेतलं आहे. मुंबई विमानतळावर जास्त सोनं आणल्याने ही कारवाई करण्यात आली आहे. आयपीएल संपल्यानंतर कृणाल पांड्या भारतात परतत होता.

The post मुंबई इंडियन्सचा स्टार क्रिकेटपटूला मुंबई विमानतळावर पोलिसांनी घेतले ताब्यात appeared first on थोडक्यात घडामोडी.

भारतात आज सोन्या-चांदीच्या किंमती खाली आल्या आहेत. एमसीएक्सवरील डिसेंबर फ्युचर्स 0.14 टक्क्यांनी घसरून 50426 रुपये प्रति 10 ग्रॅम, तर चांदीचा वायदा 0.06 टक्क्यांनी घसरून 60100 रुपये प्रति किलो झाला. मागील सत्रातही दोन्ही मौल्यवान धातूंची घसरण दिसून आली. मागील सत्रात, एमसीएक्सवरील सोन्याचे दर १० ग्रॅममध्ये ०. ९ टक्क्यांनी किंवा ४५० रुपयांनी घसरले होते, तर चांदी २०80 किंवा 3.3 टक्क्यांनी घसरली होती.

मागील सत्रात जागतिक बाजारात मोठ्या घसरणीनंतर सोन्याच्या किंमती आज स्थिर झाल्या. मागील सत्रात 2 टक्के घसरण झाल्यानंतर आज स्पॉट सोन्याचा दर प्रति औंस 1,877.83 डॉलरवर आला. चांदी 0.1 टक्क्यांनी वधारून 23.43 डॉलर प्रति औंस झाली.

The post भारतात आज सोन्या-चांदीचे भाव उतरले appeared first on थोडक्यात घडामोडी.