मुंबई : अभिनेता एजाज खाननं नुकतीच विधानसभा निवढणूक लढवली होती. परंतु आता एजाज खानच्या पत्नीला पोलिसांनी ड्रग्ज प्रकरणात ताब्यात घेतल्याची माहिती मिळाली आहे. विशेष म्हणजे अभिनेता एजाज खान यापूर्वी अनेकदा ड्रग्ज केसमुळं वादात अडकलेला आहे. एजाज खानची पत्नी फेलॉन गुलीवाला हिला पोलिसांनी अटक केल्याची प्राथमिक माहिती समोर आली आहे.

महिन्यापूर्वी एजाजच्या अंधेरीतल्या ऑफिसमध्ये एका कर्मचाऱ्याच्या नावावर आलेल्या कुरिअरमध्ये ड्रग्ज असल्याचं समोर आलं होतं आणि याप्रकरणी त्याला अटक झाली होती. आता एजाज याची पत्नी फेलॉनला अटक करण्यात आल्याचं समोर आलं आहे. कस्टम विभागानं एजाजची पत्नी फेलॉनच्या घरी छापा टाकल्यानंतर ड्रग्ज सापडल्यानं तिच्यावर ही कारवाई करण्यात आली आहे. फेलॉनच्या घरी वेगवेगळ्या प्रकारचे ड्रग्ज जप्त करण्यात आले आहेत. ८ ऑक्टोबर रोजी एका ड्रग्ज प्रकरणात फेलॉनचं नाव समोर आलं होतं. त्यानुसार तपास केल्यानंतर पोलिसांच्या हाती महत्वाचे पुरावे लागले.

दरम्यान, एजाजच्या ऑफिसमधल्या ज्या कर्मचाऱ्याला अटक करण्यात आली होती, त्याने अनेक धक्कादायक खुलासे केले आहेत. एजाजचे पार्सल हे पियून सुरज गौड या कर्मचाऱ्याच्या नावावर याचचं, त्यामुळे याप्रकरणी त्याला अटक करण्यात आली होती. कस्टम विभागाच्या अधिकाऱ्यांनी एजाज आणि फेलॉनच्या घरावर छापा टाकला. या छाप्यात १३६ ग्रॅम चरस सापडलं आहे. ३३ ग्रॅम एमडी ड्रग्जचे रिकामे पॅकेट्सही जप्त कऱण्यात आले आहेत. २८ ग्राम एमडी गोळ्याही जप्त करण्यात आल्या आहेत. तर तब्बल ११ लाखांची रोकडही जप्त करण्यात आली आहे. यापूर्वी अनेकदा एजाजला ड्रग्ज प्रकरणात अटक करण्यात आली आहे. यापूर्वी ड्रग्ज प्रकरणात तो २६ महिने तुरुंगात होता.

The post अभिनेता एजाज खानची पत्नी फेलॉनला अटक, पोलिसांना घरात सापडले लाखोंचे ड्रग्स appeared first on थोडक्यात घडामोडी.

पुणे : पुण्यात ड्रग्सची विक्री करणाऱ्या एका परदेशी व्यक्तीला पोलिसांनी ताब्यात घेतले आहे. चर्तु:श्रृंगी पोलीस स्टेशनच्या हद्दीमध्ये तब्बल 12,38,100 रुपये किंमतीचा 82 ग्रॅम 540 मिलीग्रॅम एम.डी. हा अंमली पदार्थ विक्री करणा-या नायजेरियन व्यक्तीला पोलिसांनी अटक केली.

मिळालेल्या माहितीनुसार, २२ जुलै रोजी अंमली पदार्थ विरोधी पथक चर्तु:श्रृंगी पोलीस स्टेशनच्या हद्दीत पेट्रोलिंग करीत असताना येथील ब्रोमन चौकाकडुन स्पायसर कॉलेजकडे जाणाऱ्या सार्वजनिक रोडवर कचरा हस्तांतर केंद्र, औधच्या समोरील सार्वजनिक रोड या ठिकाणी चुकवुमेका केनेडी अन्यकोरा (Chukwuemeka Kennedy Anyakora) या नायजेरीयन व्यक्तीला अटक करण्यात आली. या व्यक्तीचे वय 44 वर्षे असून तो सध्या खडकी रेल्वे स्टेशनजवळ, खडकी येथे वास्तव्यास होता. ही व्यक्ती मुळ लगोस, नायजेरिया येथील आहे.

पोलिसांना या व्यक्तीच्या ताब्यात 12,38,100 रुपये किंमतीचा 82 ग्रॅम ५४० मिलीग्रॅम एम.डी हा अंमली पदार्थ, 1000 रोख रक्कम आणि 500 रुपये किंमतीचा मोबाईल फोन असा एकुण मिळुन कि रु 12,39,600 रुपयांचा ऐवज अनाधिकाराने, बेकायदेशिररित्या, विक्री करीता जवळ बाळगताना मिळुन आल्याने या व्यक्तीविरुध्द चर्तु:श्रृंगी पोलीस स्टेशन येथे पोलीस अंमलदार मारुती पारधी यांच्याफिर्यादी वरुन गुन्हा दाखल करण्यात आला आहे. पुढील तपास शैलजा जानकर म. सहा पोलीस निरीक्षक अंमली पदार्थ विरोधी पथक 1 गुन्हे शाखा पुणे शहर या करीत आहेत.

ही कामगिरी पोलीस आयुक्त पुणे शहर अमिताभ गुप्ता, पोलीस सह-आयुक्त संदीप कर्णिक, अपर पोलीस आयुक्त रामनाथ पोकळे, गुन्हे शाखा, पुणे, पोलीस उप-आयुक्त श्रीनिवास घाडगे, गुन्हे शाखा पुणे शहर, सहा पो आयुक्त गुन्हे १ गजानन टोम्पे यांच्या मार्गदर्शनाखाली अंमली पदार्थ विरोधी पथक, 1 गुन्हे शाखा पुणे शहर कडील पोलीस निरीक्षक विनायक गायकवाड, सपोनि लक्ष्मण ढेंगळे, शैलजा जानकर, पोलीस अंमलदार मारुती पारधी, मनोज साळुंके, संदिप जाधव, राहुल जोशी, पांडुरंग पवार, विशाल दळवी, संदिप शिर्के, प्रविण उत्तेकर, रेहना शेख, संदेश काकडे,नितेश जाधव, योगेश मोहिते यांनी केली आहे.

The post पुण्यात ड्रग्सची विक्री करणाऱ्या परदेशी व्यक्तीला अटक, लाखो रुपयांचे अंमली पदार्थ जप्त appeared first on थोडक्यात घडामोडी.

मुंबई : नार्कोटिक्स कंट्रोल ब्युरोने अभिनेता सुशांत सिंग राजपूतच्या मृत्यूप्रकरणी दाखल केलेल्या आरोपपत्रात दावा केला आहे की, रिया चक्रवर्ती हिने तिचा भाऊ शोविकसह अनेक वेळा गांजा विकत घेतला आणि सुशांत सिंग राजपूतला दिला.

नार्कोटिक्स कंट्रोल ब्युरो अर्थात एनसीबीने गेल्या महिन्यात एनडीपीएस कायद्यांतर्गत ३५ आरोपींविरुद्ध न्यायालयात अर्ज दाखल केला होता, ज्याची सुनावणी मंगळवारी झाली. आरोपांच्या मसुद्यानुसार, मार्च 2020 ते त्याच वर्षी डिसेंबर दरम्यान, सर्व आरोपी गुन्हेगारी कटाचा भाग होते. या सर्वांनी कोणत्याही वैध परवान्याशिवाय उच्च समाज आणि बॉलिवूडला ड्रग्ज विकले.

सुशांतच्या मृत्यूने प्रत्येकाच्या मनात अनेक प्रश्न सोडले आहेत. त्याचा मृतदेह घरातील बेडरूममध्ये पंख्याला लटकलेल्या अवस्थेत आढळून आला आणि त्यानंतर आत्महत्येची बातमी पसरली. या प्रकरणात तपास यंत्रणा या प्रकरणाचा छडा लावण्यात गुंतल्या आहेत. मात्र, आजही लोकांना ही गोष्ट पचनी पडलेली नाही. सुशांतच्या जाण्यानंतर बॉलिवूडबाबत अनेक प्रश्न निर्माण झाले. या प्रकरणाच्या तपासादरम्यान बॉलीवूडमधील ड्रग्ज प्रकरण बाहेर आले आणि एनसीबीने अनेक बड्या व्यक्तींना चौकशीसाठी बोलावले होते.

The post सुशांत सिंग राजपूत मृत्यूप्रकरण : रिया चक्रवर्तीने सुशांतसाठी अनेकदा खरेदी केला गांजा, NCB चा मोठा दावा appeared first on थोडक्यात घडामोडी.

मुबई : अभिनेता अक्षय कुमारने अखेर मौन सोडलं आहे. अक्षयने सोशल मीडियावर एक व्हिडीओ पोस्ट करत चाहत्यांना व माध्यमांना विनंती केली आहे.

अक्षय आपल्या वोडिओ मध्ये म्हणाला कि “आज मी खूप जड अंत:करणाने बोलतोय. गेल्या काही दिवसांपासून बोलायची इच्छा होती, पण सगळीकडे इतकी नकारात्मकता पसरली आहे की काय बोलू आणि कोणाशी बोलू हे समजत नव्हतं. बॉलिवूडला तुमच्या प्रेमानेच मोठं केलंय. आज तुमचा रागसुद्धा आम्हाला मान्य आहे. सुशांत सिंह राजपूतच्या अकस्मात मृत्यूनंतर असे अनेक मुद्दे समोर आले आहेत, ज्यांनी केवळ तुम्हालाच नाही तर आम्हालासुद्धा धक्का दिला आहे. या मुद्द्यांनी आपल्याला आत्मपरिक्षण करण्यास भाग पाडलं आहे. फिल्म इंडस्ट्रीतील ड्रग्जचा मुद्दा समोर आला आहे. मी माझ्या हृदयावर हात ठेवून हे खोटं कसं बोलू की ड्रग्जची समस्या इंडस्ट्रीत अस्तित्त्वात नाही? इंडस्ट्रीत ड्रग्जची समस्या आहे पण इंडस्ट्रीतल्या प्रत्येकाचा त्यात सहभाग आहे असं होऊ शकत नाही. ड्रग्जचा तपास प्रशासनाकडून अगदी योग्य पद्धतीने होईल आणि इंडस्ट्रीतला प्रत्येक माणूस त्यांना चौकशीत सहकार्य करेल. पण मी हात जोडून विनंती करतो, की संपूर्ण इंडस्ट्रीला एकाच दृष्टिकोनातून पाहू नका. हे चुकीचं आहे. मी माध्यमांनाही विनंती करतो की त्यांनी संवेदनशील राहून योग्य वृत्त द्यावं. कारण एका नकारात्मक बातमीने त्या व्यक्तीची वर्षानुवर्षांची मेहनत पाण्यात वाहून जाईल. मी चाहत्यांनाही विनंती करतो की त्यांचं प्रेम आणि त्यांचा विश्वास आम्ही पुन्हा जिंकून दाखवू. पण आमची साथ सोडू नका”.

 

View this post on Instagram

 

Bahot dino se mann mein kuch baat thi lekin samajh nahi aa raha tha kya kahoon, kisse kahoon. Aaj socha aap logon se share kar loon, so here goes…#DirectDilSe ??

A post shared by Akshay Kumar (@akshaykumar) on Oct 3, 2020 at 4:48am PDT

The post ड्रग्स प्रकरणावर अक्षय कुमारने सोडलं मौन appeared first on थोडक्यात घडामोडी.

बॉलिवूडमधील ज्येष्ठ अभिनेत्री जया बच्चन यांनी काल संसदेत बॉलिवूडबाबत भाषण केलं,  कुणाचेही नाव न घेता त्यांनी म्हटले होते- “ज्या लोकांनी चित्रपटसृष्टीच्या आधारे नाव कमावले त्यांनीच तिचा उल्लेख गटार असा केला. ज्या ताटात जेवतात, त्याच ताटाला लोकांनी छेद पाडू नये”.  आता जया बच्चन यांच्या या विधानावर कंगनाने पुन्हा प्रतिक्रिया दिली  आहे.

कंगना राणावतने एक ट्वीट रीट्वीट केले आहे ज्यात जया बच्चन पूजेची थाळी घेऊन दिसत आहेत. या रीट्वीटमध्ये कंगना राणावतने लिहिले, ‘कोणती थाळी दिली जया बच्चन आणि त्यांच्या इंडस्ट्रीने? एक थाळी मिळाली होती ज्यात २ मिनिटांच्या भूमिकेसाठी, आयटम नंबर्स आणि एक रोमँटिक सीन मिळायचा, तोही हीरोसोबत झोपल्यानंतर. मी या इंडस्ट्रीला स्त्रीवाद शिकवला आहे ही थाळी देशभक्ती, स्त्रीप्रधान चित्रपटांनी सजवली आहे. ही थाळी माझी स्वतःची आहे जयाजी, तुमची नाही.

कौन सी थाली दी है जया जी और उनकी इंडस्ट्री ने? एक थाली मिली थी जिसमें दो मिनट के रोल आइटम नम्बर्ज़ और एक रोमांटिक सीन मिलता था वो भी हेरो के साथ सोने के बाद,मैंने इस इंडस्ट्री को फ़ेमिनिज़म सीखाया,थाली देश भक्ति नारीप्रधान फ़िल्मों से सजाई,यह मेरी अपनी थाली है जया जी आपकी नहीं। https://t.co/lPo9X4hRZX

— Kangana Ranaut (@KanganaTeam) September 16, 2020

The post हीरोसोबत झोपल्याने मिळतात भूमिका – कंगना राणावत appeared first on थोडक्यात घडामोडी.

मुंबईः रियाने नार्कोटिक्स कंट्रोल ब्युरोला साक्ष देताना बॉलिवूडशी संबंधित २५ जणांची नावं घेतली त्यात सारा अली खान आणि रकुलप्रीत सिंग या दोन अभिनेत्रींचे तसेच डिझायनर सिमोन खंबाटाचे देखील नाव समाविष्ट आहे. प्रत्येकाची कसून चौकशी होणार आहे. मिळालेल्या माहितीची सत्यता पडताळली जाणार आहे. एनसीबी चौकशी नंतर पुढील कारवाईचा निर्णय घेणार आहे.

एनसीबीसमोर रियाने घेतले नावं पैकी सीमोनशी संबंधित व्हॉट्सअॅप चॅट एनसीबीच्या हाती आहे. यात अंमली पदार्थांचा उल्लेख आहे. सारा अली खान सुशांतसोबत एका खासगी चार्टर प्लेनने बँकॉकला गेली होती, अशीही माहिती एनसीबीच्या हाती आली आहे. या प्रकरणात पुढील चौकशी सुरू आहे. या कलाकारांच्या ए, बी आणि सी अशा तीन याद्या तयार केल्या आहेत. यातील ए लिस्टमध्ये ज्या कलाकारांची नावं आहेत त्यांची लवकरच चौकशी सुरू होणार आहे.

The post ड्रग्स प्रकरणी रियाने केले बॉलिवूडशी संबंधित धक्कादायक खुलासे; मोठमोठी नावं आली समोर appeared first on थोडक्यात घडामोडी.

मुंबई :  रियाला रविवारी सकाळी एनसीबीने बोलावले होते. रिया १२ वाजता एनसीबीच्या ऑफिसमध्ये पोहोचली. तिची सलग सहा तास चौकशी करण्यात आली. अंमली पदार्थ खरेदी केल्याची कबुली दिली पण सेवन केले नसल्याचे सांगितले, या चौकशीनंतर रियाला घरी जाण्याची परवानगी देण्यात आली.

एनसीबीने रियाच्या घरी छापा मारला होता. या छाप्यात अंमली पदार्थ जप्त झाले नव्हते. सुशांतच्या मृत्यूनंतर दोन महिन्यांपेक्षा जास्त काळ झाल्यानंतर एनसीबीने तपास सुरू केला आहे. अशा परिस्थितीत अंमली पदार्थ खरेदी केल्याची कबुली दिली तरी हा मुद्दा सिद्ध करणे एनसीबीसाठी आव्हानात्मक आहे, असे तज्ज्ञांचे मत आहे.

रियाने रक्त तपासणी करुन घेण्याची तयारी दाखवली आहे. दोन महिन्यांपेक्षा जास्त काळ अंमली पदार्थांचे सेवन केले नसल्यास रक्ताच्या तपासणीत काही आढळणे कठीण आहे. रक्त तपासणीचा अहवाल सुटका करुन घेण्यासाठी वापरणे शक्य आहे.

एनसीबीने मोबाइल चॅटच्या आधारे रियाला प्रश्न केले. चॅट बाबत रियाने उलटसुलट उत्तरं दिली. वेगवेगळी उत्तरं देऊन एनसीबीच्या तपासाची दिशा भरकटावी यासाठी तिने प्रयत्न केला. याआधी शौविक चक्रवर्ती, सॅम्युअल मिरांडा आणि दीपेश सावंत या तिघांनी रियासाठी अंमली पदार्थ खरेदी केल्याची कबुली दिली.

रियाकडून पुरेशी माहिती मिळाली नसल्यामुळे तिला सोमवारी पुन्हा चौकशीसाठी बोलावल्याचे एनसीबीने सांगितले. अंमली पदार्थ प्रकरणी आतापर्यंत दीपेश सावंत, शौविक चक्रवर्ती, सॅम्युअल मिरांडासह सातजणांना अटक झाली आहे. यापैकी दीपेश, शौविक, सॅम्युअल, जैद यांची समोरासमोर बसवून चौकशी सुरू आहे. एनसीबी सोमवारी रियाची अटकेतील आरोपींसमोर बसवून चौकशी करणार असल्याचे वृत्त आहे.

The post रियाची कबुली अंमली पदार्थ खरेदी केले; सेवन केले नाही appeared first on थोडक्यात घडामोडी.

सुशांतसिंह राजपूत मृत्यूप्रकरणात सीबीआयने अनेक लोकांची चौकशी केली. ड्रग्ज अँगलनेही या प्रकरणाचा तपास सुरू आहे. दरम्यान, सुशांतची मॅनेजर असलेल्या श्रुती मोदीने दावा केला की सुशांतच्या घरी ड्रग्जचा मोठ्या प्रमाणात वापर होत होता. श्रुती मोदीने बुधवारी मान्य केलं की रिया चक्रवर्ती, तिचा भाऊ शौविक आणि सुशांतचे कर्मचारी ड्रग्जमध्ये गुंतले होते. सुशांतला जबरदस्ती या सर्व गोष्टींमध्ये येण्यास भाग पाडलं जायचं.

श्रुतीने सांगितलं की ती फक्त सुशांतचं काम करायची आणि तिचा मादक पदार्थांसंदर्भातील गोष्टींशी काही संबंध नाही. यापूर्वी रजत मेवतीने सीबीआयला सांगितलं होतं की, सुशांतने मार्च २०२० मध्ये श्रुती मोदीकडे रिया चक्रवर्तीने केलेल्या खर्चाचे सर्व बँकेचे स्टेटमेन्ट मागितले होते. तेव्हा सुशांतला स्टेटमेन्ट देण्याऐवजी श्रुतीने गुपचूप रियाला फोन केला आणि तिला तत्काळ घरी परत बोलावून प्रकरण शांत करायला सांगितलं.

The post रिया, तिचा भाऊ शौविक आणि सुशांतचे कर्मचारी ड्रग्जमध्ये गुंतले होते, श्रुती मोदीने केला खुलासा appeared first on थोडक्यात घडामोडी.