नवी दिल्ली : कोरोनाचा नवीन स्ट्रेन यवतमाळ, अकोला आणि विदर्भातील काही भागात आढळून आला आहे, अशी माहिती शास्त्रज्ञांनी दिली आहे. त्यातच आता आणखी चिंता वाढवणारी माहिती समोर आली आहे. एम्सचे संचालक डॉ. रणदीप गुलेरीया यांनी महाराष्ट्रात आढळलेला कोरोनाचा नवा स्ट्रेन अधिक धोकादायक असल्याचं म्हटलं आहे.

डॉ. गुलेरीया यांनी म्हटलं आहे कि, या नव्या स्ट्रेनमुळे हर्ड इम्युनिटी मिळवणं कठीण आहे. अगोदर कोरोनाच्या अँटीबॉडी तयार झालेल्या व्यक्तींनाही पुन्हा कोरोनाचं संक्रमण होण्याची देखील शकता त्यांनी वर्तवली आहे. भारतात आतापर्यंत कोरोनाचे 240 नवीन स्ट्रेन आढळले आहे. त्यातच कोरोनावरील लस नव्या स्ट्रेन विरोधात पुर्णपणे प्रभावी नाही. मात्र, करोना लसीकरणामुळे नव्या स्ट्रेनच्या प्रसारावर काही प्रमाणात रोख लावता येईल, असंही ते म्हणाले आहेत.

कोरोनाचा नवीन स्ट्रेन हा कोरोना व्हायरसच्या वाढत्या संख्येचे मुख्य कारण आहे. गेल्या आठवड्यापासून देशात कोरोना रुग्णांची संख्या सातत्याने वाढत आहे. कोरोना टास्क फोर्सचे डॉ. शशांक जोशी म्हणाले, विदर्भातील काही जिल्ह्यांमध्ये कोरोना संक्रमित रुग्णांमध्ये झपाट्याने वाढ होत आहे. याचे कारण कोरोनाचा नवीन स्ट्रेन असल्याचा संशय व्यक्त करण्यात येत आहे.

The post चिंता वाढली, महाराष्ट्रातील ‘या’ जिल्ह्यांत आढळला कोरोनाचा नवा स्ट्रेन, शास्त्रज्ञांनी व्यक्त केली ‘ही’ भीती appeared first on थोडक्यात घडामोडी.

मुंबई : दिवसेंदिवस कोरोनाचं रौद्र रुप समोर येत आहे. याचा सगळ्यात मोठा परिणाम देशातील लहान मुलांवर झाल्याचं पाहायला मिळतं. देशात अद्याप कोरोनाच्या नवीन स्वरूपाची पुष्टी झालेली नाही. परंतु कोरोनाचा नवा प्रकार ब्रिटनमध्ये समोर आला हे नाकारता येणार नाही. यामुळे भारतासह इतर देशांनाही याचा धोका आहे. अभ्यासातून समोर आलेल्या माहितीनुसार, याचा सर्वात मोठा धोका देशातील 15 वर्षांखालील मुलांना आहे. याऊनही भयकंर म्हणजे लहान मुलांसाठी अद्याप कोरोनाची लस आलेली नाही.

सध्याची लस 18 वर्षापेक्षा जास्त वयाच्या लोकांवर चाचण्याद्वारे तयार केली गेली आहे. अशा परिस्थितीत जर मुलांना वेगाने संसर्ग होऊ लागला तर काय होईल? हा मोठा गंभीर प्रश्न आहे. कारण, हा नवीन प्रकारचा विषाणू 70 टक्के वेगाने पसरतो. जर कोरोना विषाणूमुळे ग्रस्त असलेल्या एखाद्या व्यक्तीच्या संपर्कात पाच मिनिटं जरी राहिलात तरी एखाद्याला संसर्ग होऊ शकतो. पण जर एखाद्याने नवीन विषाणूच्या संक्रमित व्यक्तीशी अवघ्या 30 सेकंदासाठी जरी संपर्क साधला तर तो देखील विषाणूचा बळी ठरू शकतो.

आतापर्यंत, विषाणूच्या रुपामधला हा नवा अवतार 70 टक्के अधिक धोकादायक आहे. त्यातूनच मुलांमध्ये हा वेगाने पसरू शकतो. असा दावाच यूके सरकारच्या न्यू एंड इमर्जिंग रेस्पिरेटरी व्हायरस थ्रेट्स एडवायजरी समुहाने दिला आहे. यूकेच्या ज्या भागात व्हायरसचे नवीन प्रकार आढळले आहेत अशा ठिकाणी 15 वर्षाखालील मुलांची संख्या अधिक आहे.

कोरोनाच्या या नव्या रुपाने स्वत:मध्ये धोकादायक बदल केला आहे. आता त्याने पेशींना वेगळ्या प्रकारे संक्रमित करण्यास सुरवात केली आहे. तो किती धोकादायक आहे आणि याचा शरीरावर काय परिणाम होतो याचा शोध लावण्यासाठी शास्त्रज्ञ प्रयत्न करत आहेत.

The post कोरोनाचं रौद्र रुप ; अवघ्या 30 सेकंदासाठी जरी संपर्क आला तरी देखील विषाणूचा बळी ठरणार; 15 वर्षांखालील मुलांसाठी धोकादायक; appeared first on थोडक्यात घडामोडी.