नवी दिल्ली : भारतात कोरोना रुग्णांच्या संख्येत कमालीची वाढ होताना दिसत आहे. गेल्या २४ तासांत देशात ३३ हजार ३७९ नवे रुग्ण आढळले आहेत. ही कोरोनाच्या तिसऱ्या लाटेची सुरुवात असल्याचे म्हटले जात आहे. मात्र, याबाबत कोविड टास्क फोर्स प्रमुख डॉ. एन. के. अरोरा यांनी अगदी स्पष्ट भूमिका मांडली आहे.

कोविड टास्क फोर्सचे प्रमुख डॉ. एनके अरोरा यांनी सांगितले की, कोविड-19 ची तिसरी लाट देशातील मोठ्या शहरांमध्ये स्पष्टपणे पोहोचल्याचे दिसून येते. Omicron कोरोनाच्या इतर प्रकारांपेक्षा खूप वेगाने पसरत आहे. दिल्ली, मुंबई, कोलकाता या महानगरांमध्ये त्याचा प्रसार झपाट्याने होत आहे. महानगरांमधील कोरोनाच्या एकूण प्रकरणांपैकी ७५ टक्के प्रकरणे ओमिक्रॉनमधून येत आहेत. अशा परिस्थितीत, असे म्हणता येईल की कोविड -19 ची तिसरी लाट देशात स्पष्टपणे आली आहे. गेल्या चार-पाच दिवसांतील आकडेवारी या दिशेने निर्देश करते.

अरोरा यांनी म्हटले कि, “गेल्या 2-3 आठवड्यांच्या निरीक्षणावरून स्पष्टपणे दिसून येते की अनेक राज्यांमध्ये कोरोना बाधितांची संख्या झपाट्याने वाढत आहे. जीनोमिक सिक्वेन्सिंग देखील दर्शवित आहे की ओमिक्रॉनचे प्रमाण वेगाने वाढत आहे. परंतु, घाबरण्याची गरज नाही; आरोग्य यंत्रणा कोणत्याही प्रकारची वाढलेली प्रकरणे हाताळण्यासाठी सज्ज झाली आहे. रुग्ण वाढत असले तरी घाबरण्याचे कारण नाही. कोविड वॉर्डातील ९० ते ९५ टक्के बेड्स आजही रिकामे आहेत. सध्या जे रुग्ण दाखल होत आहेत त्यातील बहुतेक सहव्याधीग्रस्त आहेत. रुग्णालयात न जाताही रुग्ण बरे होत आहेत.”

पश्चिम बंगाल, झारखंड या राज्यांनंतर दिल्लीतही आज मिनी लॉकडाऊन लावण्याचा निर्णय घेण्यात आला. रुग्णवाढीचा वेग पाहता देशातील अन्य राज्येही अशी पावले उचलतील अशी शक्यता आहे. कोविड टास्क फोर्स प्रमुख एन. के. अरोरा यांनी सांगितले कि, अत्यंत सुनियोजित पद्धतीने नियोजन करण्याची आवश्यकता आहे. म्हणजेच ‘स्मार्ट कंटेनमेंट ‘ केल्यास स्थिती नियंत्रणात ठेवणे सहज शक्य होईल. जिल्हा स्तरावर काही प्रमाणात निर्बंध लावता येतील, असंदेखील ते म्हणाले.

The post देशात कोरोनाच्या तिसऱ्या लाटेची सुरुवात, कोविड टास्क फोर्स प्रमुख डॉ. एन. के. अरोरा यांनी सांगितली परिस्थिती… appeared first on थोडक्यात घडामोडी.

कोरोना व्हायरसच्या पार्श्वभूमीवर केंद्र सरकारच्या कामगार मंत्रालयाने ईपीएफ सदस्यांना त्यांच्या जमा रक्कमेपैकी 75 टक्के वाटा किंवा मूलभूत वेतन आणि तीन महिन्यांची महागाई भत्त्याची रक्कम काढून घेण्यास मान्यता दिली आहे.

आर्थिक अडचणींवर मात करण्यासाठी भविष्य निर्वाह निधी सदस्यांना त्यांच्या निधीमधून आगाऊ रक्कम काढून घेण्यास परवानगी दिली आहे. ही ईपीएफची रक्कम काढण्यासाठी पीएफ कार्यालयात जाण्याची अथवा कोणा एजंटची मदत घेण्याची आवश्‍यकता नाही. ही रक्कम तुम्ही घरबसल्या तुमच्या बॅंक खात्यात मिळवू शकता, तेही अवघ्या तीन दिवसांत…

कसा काढाल तुमचा ईपीएफ?

1. सर्वप्रथम, भविष्य निर्वाह निधी (पीएफ) ग्राहकाने ईपीएफ योजनेच्या पोर्टलवर (https://unifiedportal-mem.epfindia.gov.in/memberinterface/) लॉग इन करायचे आहे.
2. लॉग इन झाल्यानंतर ग्राहकाने वेबसाइटच्या ऑनलाइन सेवा विभागात क्‍लेम फॉर्म 31 निवडावा. त्यानंतर सदर सदस्याने पीएफ खात्याशी जोडलेल्या बचत बॅंक खात्याच्या क्रमांकाचे शेवटचे चार अंक व्हेरिफाय करायचे असून त्यानंतर “Proceed” वर क्‍लिक करावे.
3. एपीएफ सदस्याला Withdrawal Form दिसेल. त्या पानावर क्‍लिक करुन सदस्याने I Want to Apply या मजकूराच्या पुढील ड्रॉपडाऊनमधून “PF Advance’ पीएफ ऍडव्हन्स फॉर्म (अर्थात फॉर्म 31) निवडावा.
4. सदस्याने पैसे काढण्याचा हेतू निवडायचा आहे. नव्या तरतुदीनुसार येथे ईपीएफ पोर्टलने ड्रॉपडाउन मेनूमध्ये “महामारीचा उद्रेक (कोविड -19)” हा एक नवीन पर्याय सादर केला आहे. सदस्याने तो पर्याय निवडणे आवश्‍यक आहे.

त्यानंतर दिलेल्या सूचनांचे पालन करून आवश्यक माहिती भरल्यानंतर आपल्याला फक्त तीन दिवसांत PF चे पैसे मिळू शकतील.

The post तीन दिवसांत घरबसल्या मिळवा पीएफ; जाणून घ्या ‘सोपी’ पद्धत… appeared first on थोडक्यात घडामोडी.

देशात कोरोनाच्या नवीन प्रकरणांमध्ये सातत्याने घट होत आहे. तसेच कोरोनामधून बरे होणार्‍या रुग्णांची संख्याही सतत वाढत आहे. देशात गेल्या २४ तासात कोरोनाचे ५५,७२२ नवे रुग्ण आढळून आले आहेत तर देशात ५७९ कोरोना पॉझिटिव्ह रुग्णांचा मृत्यू झाला आहे. देशात आता ७ लाख ७२ हजार ५५ अॅक्टिव्ह रुग्ण आहेत.

केंद्रीय आरोग्य व कुटुंब कल्याण मंत्रालयाने दिलेल्या माहितीनुसार, देशात आतापर्यंत एकूण 75 लाख 50 हजार 273 रुग्णांची नोंद झाली आहे. यापैकी 66 लाख 63 हजार 608 लोक कोरोनाहून बरे झाले आहेत. सध्या कोरोनाची 7 लाख 72 हजार 55 सक्रिय प्रकरणे आहेत. तर कोरोनामुळे आतापर्यंत 1 लाख 14 हजार 610 लोक मरण पावले आहेत.

आरोग्य मंत्रालयाच्या म्हणण्यानुसार, गेल्या 24 तासांत देशातील 66,399 लोक कोरोनामधून बरे झाले आहेत. भारताची कोरोनातून बरे झालेल्यांची संख्या सध्या 88.26% आहे.

The post दिलासादायक : देशात कोरोना रुग्णसंख्येत सातत्याने घट appeared first on थोडक्यात घडामोडी.

पुण्यातील करोनाच्या वाढत्या रुग्णसंख्येमुळे राज्यात चिंतेचे वातावरण आहे. पुण्यातील या परिस्थितीचा आढावा घेण्यासाठी मुख्यमंत्री उद्धव ठाकरे यांनी भेट दिली. मुख्यमंत्र्यांनी सुरुवातीला लोकप्रतिनिधींची बैठक घेतली. त्यानंतर अधिकाऱ्यांसोबत बैठक घेऊन परिस्थितीचा आढावा घेतला. पुण्यातील करोनाची परिस्थिती सुधारण्यासाठी आणि नियंत्रणात आणण्यासाठी मुख्यमंत्री उद्धव ठाकरे यांनी प्रशासनास तीन आठवड्याचा वेळ दिला आहे. विशेष कार्य अधिकारी सौरभ राव यांना पुण्यातील करोना परिस्थिती नियंत्रणात आणण्यासाठी विषेश जबाबदारी सोपवली आहे. उपमुख्यमंत्री अजित पवार, कामगारमंत्री दिलीप वळसे पाटील, पर्यावरणमंत्री आदित्य ठाकरे आदी या वेळी उपस्थित होते.

बैठकीत मुख्यमंत्री ठाकरे म्हणाले, करोनाचे रुग्ण आणि मृत्युदर कमी करण्यासाठी सर्वानी प्रयत्न करणे गरजेचे आहे. तपासणी अहवाल सकारात्मक आलेले रुग्ण रुग्णालयात जाण्यास टाळाटाळ करतात. परिणामी वेळेत उपचार न मिळाल्याने रुग्णांचा मृत्यू झाल्याचे आढळून येत आहे. रुग्णांना खाटा उपलब्ध होण्यासाठी खासगी प्रयोगशाळांनी करोना चाचणीचे अहवाल रुग्णांना परस्पर न देता महापालिके ला द्यावेत. शासकीय यंत्रणा प्रभावी होणे आवश्यक असून आरोग्य सुविधा सक्षम करावी. कोरोना रुग्णांसाठी अद्याप ठोस औषध अथवा लस उपलब्ध नसल्याचे सांगतानाच अशा परिस्थितीत प्रशासन, लोकप्रतिनिधी आणि सर्वसामान्य यांच्यात समन्वय असणे आवश्यक आहे. कोरोना नियंत्रणासाठी लोकप्रतिनिधींनी शासन आणि नागरिक यांच्यातील दुवा म्हणून भूमिका बजावावी, असे आवाहन मुख्यमंत्री उद्धव ठाकरे यांनी यावेळी केले.

The post पुण्यातील परिस्थिती तीन आठवड्यात बदलण्याचे मुख्यमंत्र्यांचे आदेश appeared first on थोडक्यात घडामोडी.