पुणे : कोरोना संसर्ग नियंत्रणात आणण्यासाठी चाचण्यांची संख्या वाढविणे, एका बाधित व्यक्तींमागे ३० जणांचा शोध घेणे आणि लसीकरणाचा वेग वाढविण्यासाठी २४ तास लसीकरण सुरू करणे, अशा शिफारसी कोरोना कृती दलाने राज्य सरकारला केल्या आहेत.

उन्हाळ्यात कोरोनाचा संसर्गाची तीव्रता अधिक होती आणि थंडीत कमी झाली. आता राज्यातील रुग्णसंख्या वाढत असून, येत्या उन्हाळ्यातही संसर्गाची तीव्रता वाढण्याची शक्यता आहे. पुढील काही दिवस काटेकोरपणे नियंत्रण केले नाही तर पुन्हा सप्टेंबर २०२० प्रमाणे स्थिती उद्भवू शकेल. त्यामुळे प्रतिबंधात्मक उपायांवर जोमाने भर देणे आवश्यक असल्याचे मत मृत्यू विश्लेषण समितीचे प्रमुख डॉ. अविनाश सुपे यांनी व्यक्त केले.

कोरोना कृती दलाचे सदस्य डॉक्टर शशांक जोशी म्हटले कि, रुग्णसंख्या वाढली तरी घाबरून जाऊ नये, चाचण्या वाढविल्याने रुग्णसंख्या अधिक वाढलेली दिसते. त्यामुळे दुसऱ्या लाटेबाबत साशंकता आहे. मुंबई महानगर प्रदेशात चाचण्यांची संख्या वाढविलेली आहे आणि बाधितांचे प्रमाण पाच टक्के आहे. परंतु ठाण्यात काही ठिकाणी संसर्गाचा अधिक प्रसार होत असल्याचे दिसून येते. विदर्भ आणि मराठवाडय़ात विशेषत: अकोला आणि अमरावती या भागांत संसर्ग तीव्रतेने पसरत आहे. वातावरण बदलाचाही एक परिणाम म्हणून रुग्णसंख्या वाढत आहे.

डॉक्टर जोशी पुढे म्हटले कि, रुग्णसंख्या नियंत्रणासाठी चाचण्यांची संख्या वाढविणे गरजेचे आहे. मुंबईत सध्या दरदिवशी सुमारे २० हजार चाचण्या होत आहेत. तसेच प्रत्येक बाधित व्यक्तीमागे ३० संपर्कातील व्यक्तींचा शोध घेणे आवश्यक आहे. संसर्गाचा प्रसार होत असणारे क्षेत्र प्रतिबंधित करायला हवे अशा सूचना कृती दलाने सोमवारी झालेल्या बैठकीत राज्याला दिल्या आहेत.

केंद्रीय आरोग्य विभागाने तपासण्या करून अकोला आणि अमरावतीमध्ये कोरोनाचे उत्परिवर्तन (नवीन स्ट्रेन) आढळले नसल्याचे जाहीर केले असले तरी ज्या रितीने रुग्णसंख्या वाढत आहे, ते लक्षात घेता उत्परिवर्तित विषाणू असल्याची शक्यता अजूनही नाकारता येणार नाही, असे डॉ. जोशी यांनी स्पष्ट केले.

The post चिंताजनक : उन्हाळ्यात कोरोना प्रादुर्भाव वाढण्याची शक्यता appeared first on थोडक्यात घडामोडी.

देशात कोरोना संसर्ग पुन्हा झपाट्याने वाढत आहे. त्यातच कोरोनाच्या नव्या स्ट्रेनने देखील चिंतेत भर पडली आहे. या नव्या स्ट्रेनमुळे कोरोना रुग्णांची संख्या वाढत असल्याची शक्यता वर्तवण्यात येत आहे. त्या पार्श्वभूमीवर पंतप्रधान कार्यालयात तातडीची बैठक बोलावण्यात आली आहे.

कोरोना व्हायरसमध्ये म्युटेशन होत असते, त्यातून नव्या स्ट्रेनची निर्मिती होते. काही राज्यांमध्ये कोरोना रुग्ण संख्या वाढली असून काही ठिकाणी नवीन स्ट्रेन देखील आढळून आले आहेत. महाराष्ट्रात कोरोना रुग्ण वाढीमागे नवा स्ट्रेन असू शकतो, असे महाराष्ट्र कोविड टास्क फोर्सचे सदस्य डॉ. शशांक जोशी यांनी सांगितले होते. महाराष्ट्र तसेच केरळ, मध्य प्रदेश, छत्तीसगड आणि पंजाबमध्येही दिवसेंदिवस कोरोना रुग्णांचे प्रमाण वाढत आहे.

झपाट्याने होत असलेली रुग्णवाढ कोरोनाच्या नव्या स्ट्रेनमुळे झाली आहे का, याबाबत संशोधन सुरु आहे. देशातील एकूण रुग्णसंख्येच्या 38 टक्के सक्रिय कोरोना केसेस एकट्या केरळमध्ये आहेत तर महाराष्ट्रात 37 टक्के सक्रिय केसेस आहेत. त्यामुळे चिंताजनक परिस्थिती निर्माण झाली असून यावर तातडीने उपाययोजना करणे अतिशय गरजेचे आहे.

The post कोरोनाने वाढवली चिंता, पंतप्रधानांनी बोलावली तातडीची बैठक, ‘या’ राज्यांमध्ये परिस्थिती गंभीर appeared first on थोडक्यात घडामोडी.

व्हिटॅमिन- सी आणि झिंक कोरोना बरोबर लढायला मदत करतात, हे दावे चुकीचे असल्याचं समोर आलं आहे. व्हिटॅमिन सी आणि झिंकचा प्रभाव शोधण्यासाठी क्लिनिकल ​​चाचणी केली गेली, ज्यामध्ये समोर आलं की व्हिटॅमिन- सी आणि झिंक यांचा कोरोनावर काहीही परिणाम होत नाही. त्यांचे हाय-डोस देखील यावर परिणाम दर्शविण्यास अपयशी ठरले आहेत.

व्हिटॅमिन सी आणि झिंकवरील हे नवीन संशोधन ‘जामा नेटवर्क ओपन’ मध्ये प्रकाशित केले गेले आहे. या अभ्यासानुसार दावा केला गेला आहे की घरी हे सप्लिमेंट्सचा वापर करणाऱ्या लोकांना कोविड 19 च्या बाबतीत याचा कोणताही फायदा होत नाही. या अभ्यासाचे निष्कर्ष इतके कमकुवत होते की ते त्वरित बंद करण्यात आला. जॉन हॉपकिन्सचे डॉ. एरिन मिचोस आणि ह्युस्टन मेथोडिस्टचे डॉ. मिगिल कॅन्झोस यांनी सांगितले कि, हे दोन्ही सप्लिमेंट्स त्यांचा प्रभाव दर्शविण्यात अपयशी ठरले आहेत.

या क्लिनिकल चाचणीत, असे 214 लोक सामील होते, जे कोरोनातून घरीच बरे होत होते. त्यातपण चार वेगवेगळे गट होते. पहिल्या गटाला व्हिटॅमिन सीची उच्च मात्रा दिली गेली, तर दुसर्‍या गटाला झिंकची उच्च मात्रा दिली. तिसर्‍या गटाला दोन्ही सप्लिमेंट्सचे कॉम्बिनेशन दिले गेले. या व्यतिरिक्त, चौथ्या गटाला सप्लिमेंट्स न देता फक्त विश्रांती, हायड्रेशन, ताप उतरवणारी औषधे दिली गेली.

क्लीव्हलँड क्लिनिकचे कार्डिओलॉजिस्ट डॉ. मिलिंद देसाई आणि त्यांच्या टीमला आढळले की झिंक ग्लुकोनेट आणि व्हिटॅमिन सी च्या हायडोसचा SARS-CoV-2 लक्षणांवर कोणताही परिणाम झाला नाही. उलट, जास्त डोसमुळे काही रुग्णांवर  दुष्परिणाम झाले. डॉ. एरिन मिकोस आणि डॉ. मिगिल कॅन्झोस त्यांच्या संयुक्त अहवालात म्हणाले कि, नेहमीच्या काळजी घेणाऱ्या गटाच्या तुलनेत सप्लिमेंट्स घेणाऱ्या गटात मळमळ, अतिसार आणि ओटीपोटात वेदना यासारखे गंभीर दुष्परिणाम दिसले.

व्हिटॅमिन सी एक सुप्रसिद्ध अँटिऑक्सिडंट आहे, जे रोगप्रतिकारक शक्तीला आधार देण्यात महत्त्वपूर्ण भूमिका बजावते. व्हिटॅमिन सी सर्दी झाल्यावर मुलांना 14 टक्के दिलासा देते तर तरूणांना 8 टक्के दिलासा देते. तसेच झिंक शरीरातील पेशींना इन्फेक्शनशी लढण्यास सामर्थ्य देते. एका अहवालानुसार, शरीरात झिंकच्या कमतरतेमुळे प्रो-इंफ्लॅमेटरी सायटोकिन्स वाढण्याचा धोका असतो आणि अँटीबॉडीजची क्रियाशीलता कमी होते. परंतु, व्हिटॅमिन- सी आणि झिंक कोरोना बरोबर लढण्यात मात्र अपयशी ठरतात.

The post महत्वाची बातमी : कोरोनापासून वाचवण्यात व्हिटॅमिन-सी आणि झिंक अपयशी, अभ्यासात मिळाले धक्कादायक निष्कर्ष appeared first on थोडक्यात घडामोडी.