नवी दिल्ली : सीबीएससीने विद्यार्थ्यांच्या मूल्यमापनाचा फॉर्म्युला आज (17 जून) सर्वोच्च न्यायालयात सादर केला आहे. ३१ जुलै रोजी CBSE चे निकाल जाहीर होतील. ज्या विद्यार्थ्यांना निकालाबद्दल आक्षेप आहे, त्यांना परिस्थिती सामान्य झाल्यावर पुन्हा परिक्षेला बसता येणार आहे, असं केंद्र सरकारकडून सर्वोच्च न्यायालयाला सांगण्यात आलं.

सीबीएसई बोर्डाच्या बारावी परीक्षेची गुणपत्रिका तयार करण्यासाठी बनवलेल्या 13 सदस्यीय सम‍ितीने सुप्रीम कोर्टात आपला अहवाल सादर केला. सीबीएसईने सांगितलं की, अंतिम निकालासाठी दहावी, अकरावी आणि बारावी गुण ग्राह्य धरले जाणार आहेत. दहावीच्या 5 विषयांपैकी 3 विषयातील सर्वाधिक गुण घेतले जातील. तर अकरावीच्या पाच विषयांची सरासरी घेतली जाईल, तसंच बारावीच्या युनिट, टर्म आणि प्रॅक्टिकलचे गुण अंतिम निकाल बनवण्यासाठी घेतले जातील. दहावीचे 30 टक्के, अकरावी 30 टक्के आणि बारावीच्या 40 टक्के गुणांच्या आधारावर अंतिम निकाल बनवला जाईल.

The post बारावीच्या मूल्यमापनाचा फॉर्म्युला ठरला, CBSE बारावीचे निकाल 31 जुलैला होणार जाहीर appeared first on थोडक्यात घडामोडी.

CBSE बोर्डाच्या 10 वीच्या परीक्षा रद्द करण्यात आल्या आहेत तर 12 वीच्या परीक्षा स्थगित करण्यात आल्या आहेत. देशात कोरोनाचा संसर्ग झपाट्याने वाढत असून काही ठिकाणी परिस्थिती नियंत्रणाबाहेर गेली आहे, त्या पार्शवभूमीवर परीक्षा रद्द करण्याची मागणी केली जात होती.

आज शिक्षमंत्र्यांनी यासंदर्भात पंतप्रधान नरेंद्र मोदींशी चर्चा केली. त्यानंतर हा महत्वपूर्ण निर्णय घेण्यात आला आहे. कोरोनाच्या वाढत्या घटना लक्षात घेता सरकारने सीबीएसई दहावी आणि बारावीच्या परीक्षा पुढे ढकलल्या आहेत. दहावीचे सर्व विद्यार्थी प्रमोट होतील. बारावीच्या परीक्षा सध्या स्थगित करण्यात आल्या आहेत. १ जून रोजी त्याचा आढावा घेण्यात येईल, त्यानंतर काय करायचे हे निश्चित केले जाईल. परीक्षा झाल्यास विद्यार्थ्यांना 15 दिवस अगोदर माहिती दिली जाईल. बुधवारी दुपारी पंतप्रधान मोदी आणि शिक्षणमंत्री रमेश पोखरियाल निशंक यांच्या तासाभराच्या बैठकीनंतर हा निर्णय घेण्यात आला.

The post ब्रेकिंग : CBSE बोर्डाच्या 10 वीच्या परीक्षा रद्द, 12 वीच्या परीक्षा स्थगित appeared first on थोडक्यात घडामोडी.