नागपूर : राज्याच्या उपराजधानी नागपूरमध्ये सुरू असलेल्या हिवाळी अधिवेशनात साताऱ्याच्या फलटण येथील तरुण महिला डॉक्टरच्या आत्महत्येचा मुद्दा सभागृहात गाजला. विरोधकांच्या प्रश्नांनंतर मुख्यमंत्री देवेंद्र फडणवीस यांनी या प्रकरणातील तपासाची सविस्तर माहिती दिली.

मुख्यमंत्र्यांनी सांगितले, “फलटण येथील महिला डॉक्टरच्या आत्महत्येनंतर आम्ही SIT ने तपास सुरू केला आहे. न्यायालयीन चौकशीदेखील सुरु असून, फॉरेन्सिक अहवालानुसार, तिच्या हातावर लिहिलेली नोंद तिचे स्वतःचे हस्ताक्षर असल्याचे निष्पन्न झाले आहे.”

या घटनेने राज्यभरात खळबळ उडवली होती. या प्रकरणात भाजपचे माजी खासदार रणजीतसिंह नाईक निंबाळकर यांच्यावरही गंभीर आरोप झाले होते. त्यामुळे विरोधकांनी या प्रकरणात राजकीय हस्तक्षेप झाल्याचा आरोप केला होता.

मुख्यमंत्री फडणवीस म्हणाले, “या प्रकरणात पोलीस अधिकारी बदनेने डॉक्टर तरुणीची फसवणूक केली आणि तिचे शारीरिक शोषण केले. लग्नाचे आमिष दाखवून त्याने नंतर वेगळी भूमिका घेतली.”

ते पुढे म्हणाले, “आत्महत्येच्या मागे बदनेची फसवणूक आणि दुसऱ्या आरोपीने परिस्थितीचा फायदा घेतल्याची कारणं होती. महिला डॉक्टरने दोघांची नावे हातावर लिहून आत्महत्या केली. फॉरेन्सिक अहवालानुसार, गळफास घेऊन आत्महत्येची नोंद आहे. तपास अजून पूर्ण झालेला नाही, चार्जशीट लवकरच दाखल केली जाईल. समांतरपणे न्यायमूर्तींच्या माध्यमातून अनेक बाबींची चौकशीही सुरू आहे. महिला IPS अधिकाऱ्यांच्या देखरेखीखाली तपास सुरू आहे.”

मुख्यमंत्र्यांनी डिजिटल आणि तांत्रिक पुराव्यांबाबतही माहिती दिली, “व्हॉट्सॲप चॅट्स आणि CCTV फुटेज पोलिसांकडे आहेत. महिला डॉक्टर शेवटच्या दिवशी हॉटेलमध्ये आली, रूममध्ये गेली याचे सर्व फुटेज उपलब्ध आहेत. नवीन कायद्यानुसार फॉरेन्सिक पुरावे गोळा केले जात आहेत. पडताळणी सुरू आहे. ६० दिवसांत चार्जशीट दाखल केली जाईल. आरोपी व्यतिरिक्त इतर कोण सहभागी आहे की नाही या माहितीसाठी न्यायालयीन चौकशी सुरू आहे.”

The post फलटणच्या महिला डॉक्टरच्या आत्महत्येचे प्रकरण अधिवेशनात चर्चेत, मुख्यमंत्र्यांनी दिली तपासाची सविस्तर माहिती… appeared first on थोडक्यात घडामोडी.

पुणे : कोंढवा परिसरात रविवारी संध्याकाळी भरधाव वेगात आलेल्या टोयोटा इनोव्हा गाडीने दिलेल्या जोरदार धडकेत १२ वर्षीय मुलाचा मृत्यू झाला. हा दुर्दैवी अपघात भोलेनाथ चौक ट्रॅफिक सिग्नलजवळ दुपारी ४:१५ वाजता घडला. मृत मुलाचे नाव निवृत्ती बाजीराव किसवे असून तो मूळचा लातूर जिल्ह्यातील रहिवासी होता. काही दिवसांपूर्वीच तो कुटुंबासोबत पुण्यात आला होता.

अपघातानंतर परिसरातील नागरिकांनी संतप्त प्रतिक्रिया व्यक्त करत गाडीचालकाला मारहाण केली. त्यानंतर पोलिसांनी हस्तक्षेप करून २३ वर्षीय चालकास ताब्यात घेतले.

कोंढवा पोलिस ठाण्याचे वरिष्ठ निरीक्षक विनय पाटणकर यांनी सांगितले की, चालकाने निष्काळजीपणे आणि अतिवेगात वाहन चालवले, ज्यामुळे किसवे गंभीर जखमी झाला. त्याला तातडीने रुग्णालयात नेण्यात आले, मात्र डॉक्टरांनी त्याला मृत घोषित केले. अपघातात एसयूव्हीने जवळच्याच एका निवासी सोसायटीच्या प्रवेशद्वाराचेही नुकसान केले आहे.

पोलिसांनी घेतलेल्या ब्रेथअॅलायझर चाचणीत चालक मद्यधुंद आढळला नव्हता, मात्र त्याच्या वैद्यकीय तपासणीचा अंतिम अहवाल येणे बाकी आहे. पोलिसांनी वाहन ताब्यात घेतले असून घटनास्थळी पंचनामा करण्यात आला आहे. तसेच, अपघाताच्या तपशीलवार चौकशीसाठी सीसीटीव्ही फुटेजची तपासणी सुरू आहे.

मृत मुलाचा नातेवाईक प्रदीप कार्ले यांनी कोंढवा पोलिस ठाण्यात प्राथमिक माहिती अहवाल (FIR) दाखल केला आहे. चालकावर मोटार वाहन कायदा आणि भारतीय न्याय संहिता (बीएनएस) अंतर्गत बेदरकार वाहन चालवणे आणि निष्काळजीपणामुळे मृत्यू घडवून आणणे या आरोपांखाली गुन्हा दाखल करण्यात आला आहे. या अपघातामुळे शहरात रस्ते सुरक्षेच्या नियमांविषयी पुन्हा एकदा चिंता व्यक्त केली जात आहे.

The post पुणे : भरधाव एसयूव्हीने १२ वर्षीय मुलाला चिरडले, चालकाला अटक appeared first on थोडक्यात घडामोडी.

पुणे : सावित्रीबाई फुले पुणे विद्यापीठात (एसपीपीयू) विद्यार्थिनींसमोर अश्लील वर्तन केल्याच्या आरोपाखाली चतुर्श्रृंगी पोलिसांनी अनिल वसंत गायकवाड या २७ वर्षीय तरुणाला अटक केली आहे.

विद्यापीठाच्या कॅम्पसमध्ये इंग्रजी विभागातून रसायनशास्त्र विभागाकडे जाणाऱ्या तीन विद्यार्थिनी चालत असताना ही घटना घडली. गायकवाड यांनी त्यांच्याकडे पाहत अश्लील कृत्य केल्याचा आरोप आहे. विद्यार्थ्यांनी विद्यापीठाच्या सुरक्षा व्यवस्थेला या घटनेची माहिती दिली. त्यानंतर या गोष्टीचा तपस करण्यात आला. कॅम्पसमधील सीसीटीव्ही फुटेजच्या पुनरावलोकनामुळे अधिकाऱ्यांना आरोपीची ओळख पटवण्यास आणि त्यांचा शोध घेण्यास मदत झाली आणि गायकवाडला ताब्यात घेण्यात आले.

पोलिस अधिकाऱ्यांनी सांगितले कि, त्याच्याबाबतीत अशाच प्रकारच्या गुन्ह्यांचा इतिहास आहे का हे शोधण्यासाठी पुढील तपास सुरू आहे.

The post पुणे विद्यापीठात विद्यार्थिनींसमोर अश्लील वर्तन करणाऱ्या तरुणाला अटक appeared first on थोडक्यात घडामोडी.

पुणे : पुणे शहराच्या सांगवी भागात राहणारी 21 वर्षीय मानसी प्रशांत गोविंदपूरकर हिचा मृतदेह बुधवारी सकाळी लोहगड किल्ल्याच्या पायथ्याशी असलेल्या नवग्रह मंदिराजवळ आढळला. मानसी 18 मार्च 2025 पासून बेपत्ता होती, आणि तिचा शोध घेतला जात होता.

मानसी लोहगड किल्ल्यावर एकटीच गेली होती, तिने तिथे पोहोचण्यासाठी खाजगी टॅक्सी बुक केली होती. सीसीटीव्ही फुटेजमध्ये सकाळी ८:५६ वाजता तिकीट कार्यालयाजवळ ती दिसली होती, परंतु तिच्या परत येण्याची कोणतीही नोंद नव्हती. पिंपरी चिंचवड पोलिसांनी तपास सुरू केला आणि टॅक्सी चालकाचा शोध घेतला, ज्याने पुष्टी केली की त्याने तिला किल्ल्यावर सोडले होते आणि ती एकटीच होती.

दरम्यान, तिच्या कुटुंबीयांनी आणि पोलिसांनी शोध मोहीम सुरू केली होती. सकाळपासून पिंपरी चिंचवड पोलिसांच्या पथकांनी किल्ल्याच्या आसपास शोध घेतला. शिवदुर्ग बचाव पथकाने लोहगड किल्ल्याच्या परिसरात शोध सुरू ठेवला, आणि अखेर नवग्रह मंदिराजवळ झुडुपात मानसीचा मृतदेह आढळला. बचाव पथकाने मृतदेह बाहेर काढून स्ट्रेचरमध्ये पॅक केला आणि तो पोलिसांच्या ताब्यात दिला.

मृत्यूचे कारण अद्याप स्पष्ट झालेले नाही आणि हा अपघात होता की घातपात हे शोधण्यासाठी पोलिस पुढील तपास करत आहेत. किल्ल्यावर काय घडलं हे स्पष्ट करण्यासाठी पोलिस सीसीटीव्ही फुटेज, टॅक्सी चालकाची साक्ष, आणि इतर पुरावे तपासत आहेत.

The post लोहगड किल्ल्याच्या पायथ्याशी आढळला 21 वर्षीय तरुणीचा मृतदेह appeared first on थोडक्यात घडामोडी.

गोवा : दोन महिलांवर लैंगिक छळ केल्याच्या आरोपाखाली गोवा पोलिसांनी एका पुरूषावर गुन्हा दाखल केला आहे. सोमवारी रात्री दोन महिला दुचाकीवरून जात असताना पणजीतील एका बँकेजवळ ही घटना घडली. त्यापैकी एक महिला अभिनेत्री असून तिने पोलिस तक्रार दाखल केली आहे, ज्यामध्ये तिने सांगितले की ती आणि तिची मैत्रीण रात्री १०.१५ वाजता घरी परतत असताना ही घटना घडली.

पोलिसांनी दिलेल्या माहितीनुसार, आरोपी दुचाकीवर होता. तक्रारदाराने सांगितले की आरोपी हस्तमैथुन करत होता आणि त्याने आक्षेपार्ह टिप्पणी केली. तक्रारदार महिलेने सोशल मीडियावरील एका पोस्टमध्ये म्हटले की ती आणि तिची मैत्रीण यांना ते सर्व बघून किळस वाटली आणि त्या वेगाने तिथून निघून गेल्या. तिने म्हटले आहे की या घटनेनंतर तिला विचार पडला की त्यांनी ओरडायला हवे होते की आरोपीचा सामना करायला हवा होता. तिने पोस्टमध्ये पुढे लिहिले की “या पुरुषांना इतके घृणास्पद काम करण्याचा आत्मविश्वास कशामुळे मिळतो? यातून त्यांना कोणत्या प्रकारचा उत्साह मिळतो? ते कधी घाबरतील?”

पोलिसांनी सांगितले की सोशल मीडिया पोस्ट पाहिल्यानंतर त्यांनी पीडितेशी संपर्क साधला आणि सोमवारी दुपारी गुन्हा दाखल करण्यात आला. भारतीय न्याय संहितेच्या कलम ७८ (२) (पाठलाग), ७५ (२) (लैंगिक छळ) आणि ७९ (महिलेच्या विनम्रतेचा अपमान करण्याच्या उद्देशाने शब्द, हावभाव किंवा कृती) अंतर्गत एफआयआर दाखल करण्यात आला. एफआयआरमध्ये म्हटले आहे की आरोपीने “गुन्हेगारी हेतूने” स्कूटरवरील महिलांचा पाठलाग केला. पोलिसांनी सीसीटीव्ही फुटेज आणि पीडितेच्या जबाबाच्या आधारे संशयिताची ओळख पटवली आहे.

The post अभिनेत्री आणि तिच्या मैत्रिणीचा गोव्यात दुचाकी चालवताना लैंगिक छळ, आरोपीविरोधात गुन्हा दाखल appeared first on थोडक्यात घडामोडी.

नवी दिल्ली : दिल्लीत एका व्यक्तीने दिवसाढवळ्या आपल्या पत्नीची निर्घृण हत्या केल्याची धक्कादायक घटना समोर आली आहे. आरोपी व्यक्तीनं अवैध संबंधाच्या संशयातून भररस्त्यात आपल्या पत्नीला अडवून चाकूने सपासप वार केले आहेत. यावेळी रस्त्यावर अनेकजण होते, पण आरोपीचा राग पाहता मृत महिलेच्या मदतीसाठी कोणीही पुढं सरसावलं नाही. दरम्यान आरोपीने पतिने आपल्या पत्नीची 45 पेक्षा अधिक वेळा वार करून हत्या केली आहे. या घटनेनं परिसरात खळबळ उडाली असून घटनेचा व्हिडीओ सोशल मीडियावर व्हायरल होत आहे.

26 वर्षीय नीलूचं आठ महिन्यांपूर्वी 40 वर्षीय हरिश मेहतासोबत लग्न झालं होतं. आरोपी हरिश हा मुळचा गुजरातमधील अलकापूरी येथील रहिवासी असून तो दिल्लीत एका मॅरेज ब्युरोमध्ये काम करतो. तर नीलू एका दिल्लीतील सफदरजंग येथील रुग्णालयात काम करत होती. पत्नी नीलूने रुग्णालयात काम करणं पती हरिशला आवडत नव्हतं, त्यामुळे आरोपीने तिला काम करण्यास मनाई केली. पण नीलूने रुग्णालयात काम करणं सुरूचं ठेवलं. आपल्या पत्नीचे बाहेर अवैध संबंध असल्याचा संशय आरोपी पतीला आला. यामुळे त्यांच्यात खटके उडू लागले. त्यामुळे नीलू पतीला सोडून आपल्या आईवडिलांसोबत दिल्लीतील बुद्ध विहार येथे राहू लागली. त्यामुळे आरोपी हरिशने तिच्या हत्येचा कट रचला.

TW// #MURDER: Harish stabbed his wife 25 times with knife & killed her over suspicion of her having an illicit affair. It happened on April 10 in Budh Vihar, #Delhi & accused is arrested. Attacked amidst day & no take by passersby! Is #WomenSafety even considered a serious issue? pic.twitter.com/kc7qoEYHTo

— Youth Against Rape ® (@yaifoundations) April 11, 2021

दरम्यान, काल (10 एप्रिल) दुपारी 2 च्या सुमारास नीलू कामावरून घरी जात असताना आरोपीने तिचा रस्ता अडवला आणि सोबत आणलेल्या चाकूने भररस्त्यात तिच्यावर हल्ला केला. यावेळी पीडित महिला जीवाच्या अकांताने स्वतः चा बचाव करत होती. मात्र आरोपीनं तिच्यावर निर्दयीपणे अनेक वार केले. यावेळी रस्त्यावर अनेकजण उपस्थित होते परंतु, महिलेची मदत करण्याची कुणाचीही हिम्मत झाली नाही. घटनेची माहिती मिळताच पोलिसांनी तातडीने घटनास्थळी धाव घेतली आणि पळून जाण्याच्या बेतात असलेल्या आरोपीचा पाठलाग करून अटक केली.

The post अवैध संबंधाच्या संशयातून पत्नीवर भररस्त्यात चाकूनं ४५ पेक्षाही जास्त वार, व्हिडीओ होतोय व्हायरल appeared first on थोडक्यात घडामोडी.