मुंबई : दिशा सालियन मृत्यू प्रकरणात तिच्या वडिलांचे वकील ओझा यांनी आज पोलीस आयुक्तांची भेट घेतली. दिशाच्या मृत्यूचा पुन्हा तपास करण्याची मागणी करत तिच्या वडिलांनी मुंबई उच्च न्यायालयात याचिका दाखल केली आहे. दिशाची आत्महत्या नसून हत्या करण्यात आल्याचा आरोप दिशा सालियनच्या वडिलांनी केला आहे. वकील ओझा यांनी माध्यमांशी संवाद साधत याबाबत अनेक गंभीर आरोप आणि दावे केले आहेत.

ओझा म्हणाले कि, दिशा सालियन प्रकरणात उद्धव ठाकरे पण आरोपी आहेत. आदित्य ठाकरेंकडून घडलेल्या गुन्ह्यावर पांघरुन घालण्यासाठी उद्धव ठाकरेंनी त्यांच्या मुख्यमंत्रिपदाचा गैरवापर केला. नार्कोटिक्स कंट्रोल ब्युरोच्या तपासानुसार आदित्य ठाकरेंचा ड्रग्जच्या व्यवसायात सहभाग आहे. याचा तपशील आमच्याकडे आहे, असा गंभीर आरोप ओझांनी केला. ‘आदित्य ठाकरे, दिनो मोरिया यांचं फोनवरील संभाषण यासाठीचा पुरावा आहेत. समीर खान नावाच्या व्यक्तीची डीए ५० नावाची कंपनी आहे. त्याला ड्रग्ज सिंडिकेट प्रकरणात एनसीबीने आरोपी केलं होतं. या कंपनीशी दिनो मोरिया, सूरज पांचोली, आदित्य ठाकरे नियमित संपर्कात असतात. आदित्य ठाकरेंचा ड्रग्ज प्रकरणातील सहभाग समोर आल्यावर एनसीबी आणि समीर वानखेडेंना अटकेची कारवाई करण्यापासून कोणी रोखलं होतं? त्यासाठी किती कोटींची डील झाली होती?, असे सवाल ओझांनी विचारले.

‘दिशा सालियनचा स्टिव्ह पिंटो नावाचा एक मित्र होता. त्यानं काही ट्विट्स केले होते. ७ जून २०२० रोजी एकता कपूरच्या घरी पार्टी झाली होती. त्या पार्टीला परमवीर सिंह, सुशांत, दिशा, आदित्य ठाकरे हजर होते. तिची हत्या कशी झाली याच्या काही हिंट त्यानं दिल्या होत्या. तो स्टिव्ह पिंटो त्या दिवसापासून गायब आहे. त्यामुळे या पोस्ट कोणी लिहिल्या, स्टिव्ह पिंटो कुठे आहे. याचाही तपास व्हावा,’ अशी मागणी ओझांनी केली.

या प्रकरणात दिशाच्या कुटुंबियांना ५ वर्षांनी जाग आली का, असा सवाल करणाऱ्यांनाही ओझा यांनी प्रत्युत्तर दिलं. ‘११ डिसेंबर २०२३ रोजी सतीश सालियन यांचा जबाब एसआयटीने नोंदवला. त्यात त्यांनी केस रिओपन करण्याची आणि आरोपींवर कारवाई करण्याची मागणी केली होती. त्यामुळे आता जाग आली म्हणणाऱ्यांवरही कारवाई करण्याची मागणी आम्ही केलेली आहे,’ असं ओझा म्हणाले.

तसेच आमची तक्रार खोटी निघाली, तर आम्हाला कठोर शिक्षा द्यावी. आम्हाला फाशी दिली जावी, असंही आम्ही लिहून दिलंय. पण एफआयआर दाखल करुन तपास तर करा. त्यापासून पळ का काढताय. यात काय राजकारण सुरु आहे? छत्रपतींच्या भूमीत अत्याचार पीडित तरुणीच्या वडिलांना न्यायासाठी ५ वर्षे फिरावं लागतंय ही शरमेची बाब आहे, असं ओझा म्हणाले.

The post आदित्य ठाकरेंचा ड्रग्जच्या व्यापारात सहभाग, उद्धव ठाकरे पण आरोपी, वकील निलेश ओझांचे सनसनाटी आरोप appeared first on थोडक्यात घडामोडी.

राजस्थान : उदयपूर शहरात मंगळवारी भरदिवसा एका तरुणाची निर्घृण हत्या करण्यात आली. ही घटना शहराच्या मध्यभागी असलेल्या मालदास स्ट्रीट परिसरातील असल्याचे सांगण्यात येत आहे. सध्या पोलिसांनी तरुणाचा मृतदेह एमबी हॉस्पिटलच्या शवागारात ठेवला आहे.

या तरूणाने भाजपच्या माजी राष्ट्रीय प्रवक्त्या नुपूर शर्मा यांच्या बाजूने पोस्ट टाकल्याचे सांगितले जात आहे. या हत्येनंतर उदयपूरच्या व्यावसायिकांमध्ये तीव्र संताप पसरला असून सर्वत्र या गोष्टीची निंदा होत आहे. घटनेची माहिती मिळताच पोलीस घटनास्थळी दाखल झाले.

तरुणाला सतत धमक्या मिळत होत्या
उदयपूरच्या धनमंडी परिसरात एका दुकानात घुसून सुप्रीम टेलरचा मालक कन्हैया लाल साहू याची भरदिवसा धारदार शस्त्राने हत्या करण्यात आली. मृताने भाजपच्या माजी प्रवक्त्या नुपूर शर्मा यांच्या समर्थनार्थ पोस्ट केली होती. यानंतर दोन तरुण त्याला सतत धमक्या देत होते. काही दिवसांपासून या तरुणाने दुकानही उघडले नव्हते, मात्र मंगळवारी दुकान उघडले असता कपडे शिवण्याच्या नावाखाली दोन जण आले. यादरम्यान कपड्यांचे मोजमाप करत असताना त्यांनी तरुणाच्या गळ्यावर धारदार शस्त्राने वार करून त्याची निर्घृण हत्या केली.

काही दिवसांपूर्वी या तरुणाने पोलीस ठाण्यात तक्रार देऊन एका विशिष्ट समाजाच्या लोकांविरोधात नाव नोंदवले होते. सततच्या धमक्या मिळाल्याने कन्हैयालाल घाबरला होता. त्याने पोलिसांकडे संरक्षणासाठी आवाहन केले पण पोलिसांनी त्याला गांभीर्याने घेतले नाही. कन्हैयालाल यांनी धनमंडी पोलीस ठाण्यात माहिती देऊन सुरक्षेची मागणी केली. असे असतानाही पोलिसांनी हे प्रकरण गांभीर्याने घेतले नाही. पोलिसांनी कन्हैयालालला सुरक्षा पुरवली असती किंवा धमकी देणाऱ्या आरोपीला अटक केली असती तर कन्हैयालालला जीव गमवावा लागला नसता. या घटनेमुळे संतप्त व्यापाऱ्यांनी आपली दुकाने बंद ठेवली आहेत. या घटनेचा लाइव्ह व्हिडिओही समोर आला आहे, ज्यामध्ये ते आरोपी टेलरची निर्घृण हत्या करताना दिसत आहेत.

सध्या मोठ्या प्रमाणात पोलीस बंदोबस्त तैनात करण्यात आला आहे. जिल्हाधिकारी आणि एसपी घटनास्थळी लोकांना समजवण्याचा प्रयत्न करत आहेत, परंतु संतप्त लोक आपल्या मागण्यांसाठी आणि आरोपींना पकडण्यासाठी आंदोलन करत आहेत. घटनेची माहिती मिळताच पोलीस बंदोबस्त तैनात करण्यात आला आहे. निर्दयी खून झाला आहे, आरोपींवर कठोर कारवाई केली जाईल, असे ते म्हणाले. सध्या मृतदेह जागीच पडून आहे. जोपर्यंत योग्य कारवाई होत नाही तोपर्यंत मृतदेह उचलण्यास विविध संघटनांच्या लोकांनी नकार दिला आहे. अशा परिस्थितीत बाजारपेठ बंद ठेवून या घटनेचा निषेध करण्यात येत आहे.

मैं सभी से अपील करता हूं कि इस घटना का वीडियो शेयर कर माहौल खराब करने का प्रयास ना करें। वीडियो शेयर करने से अपराधी का समाज में घृणा फैलाने का उद्देश्य सफल होगा।

— Ashok Gehlot (@ashokgehlot51) June 28, 2022

The post देश हादरला! भरदिवसा गळा कापून तरुणाची निर्घृण हत्या, नुपूर शर्मा यांच्या समर्थनार्थ पोस्ट केली आणि… appeared first on थोडक्यात घडामोडी.

नवी दिल्ली : मुंबईचे माजी पोलीस आयुक्त परमबीर सिंग यांच्या प्रकरणी सर्वोच्च न्यायालयाने महाराष्ट्र सरकारला मोठा दणका दिला आहे. सर्वोच्च न्यायालयाने या प्रकरणाचा तपास सीबीआयकडे सोपवला आहे.

गुरुवारी परबीर सिंग प्रकरणाच्या सुनावणीदरम्यान, राज्य सरकारने सर्वोच्च न्यायालयात आपली भूमिका मांडताना सांगितले की, कोणत्याही तपासासाठी राज्याची संमती आवश्यक आहे. सीबीआयच्या तपासामुळे पोलिसांच्या मनोबलावर परिणाम होईल, असे सरकारी वकिलांनी सांगितले. महाराष्ट्र सरकार सीबीआय चौकशीच्या बाजूने नाही, असेही सरकारचे प्रतिनिधित्व करणाऱ्या वकिलांनी सांगितले.

सर्वोच्च न्यायालयाने परमबीर सिंग यांच्याविरुद्ध महाराष्ट्र पोलिसांनी नोंदवलेले सर्व खटले सीबीआयकडे वर्ग केले आहेत. सर्वोच्च न्यायालयाने पोलिसांना आठवडाभरात रेकॉर्ड सीबीआयकडे सोपवण्यास सांगितले आहे. माजी पोलीस आयुक्त आणि माजी गृहमंत्री एकमेकांवर ज्या प्रकारचे आरोप करत आहेत त्यामुळे लोकांचा व्यवस्थेवरील विश्वासाला तडा गेला असून सत्य बाहेर येणे महत्त्वाचे आहे, असे न्यायालयाने म्हटले आहे.

The post ब्रेकिंग! राज्य सरकारला मोठा झटका, परमबीर सिंग प्रकरणाची चौकशी CBI कडे सोपविण्याचे आदेश appeared first on थोडक्यात घडामोडी.