मुंबई : शुक्रवारी रात्री मरीन ड्राइव्ह परिसरात दोन कारमध्ये झालेल्या भीषण अपघाताने परिसरात एकच खळबळ उडाली. हा अपघात रात्री सुमारे ८ वाजताच्या सुमारास झाला. टक्कर इतकी जोरदार होती की दोन्ही वाहनांनी पेट घेतला आणि काही वेळातच परिसरात धुराचे लोट पसरले.

दरम्यान, अचानक झालेल्या या घटनेमुळे स्थानिकांमध्ये घबराट निर्माण झाली. तथापि, सुदैवाने या अपघातात कोणतीही जीवितहानी झाली नसून कुणी गंभीर जखमी झाल्याची माहिती देखील समोर आलेली नाही.

घटनेची माहिती मिळताच अग्निशमन दल आणि पोलिसांचे पथक तात्काळ घटनास्थळी दाखल झाले आणि त्यांनी आग आटोक्यात आणली. या घटनेचा पुढील तपास मरीन ड्राइव्ह पोलिस करत आहेत.

The post मरीन ड्राइव्हवर दोन कारची जोरदार धडक, भीषण अपघातानंतर दोन्ही वाहनांनी घेतला पेट appeared first on थोडक्यात घडामोडी.

राजस्थान : एका भरधाव कारने नऊ जणांना चिरडल्याची धक्कादायक घटना घडली आहे. यामध्ये तीन जणांना प्राण गमवावे लागले, तर सहा जण जखमी झाले आहेत. ही घटना सोमवारी रात्री साडेनऊ वाजताच्या सुमारास जयपूरच्या परकोटा परिसरात घडली. याप्रकरणी पोलिसांनी कार चालकाला अटक केली आहे. घटनेच्या वेळी चालक दारुच्या नशेत होता, असे पोलिसांनी सांगितले. या घटनेमुळे परिसरात संताप व्यक्त केला जात होता, संतापलेल्या जमावाने कारची तोडफोड केली.

मिळालेल्या माहितीनुसार, सोमवारी रात्री नाहरगड पोलीस स्टेशनपासून अर्धा किलोमीटर अंतरावर कार चालकाने बेदरकारपणे नऊ जणांना चिरडले. या अपघातात तीन जण मृत्युमुखी पडले, तर सहा जण जखमी झाले आहेत. कार चालकाने रस्त्याच्या कडेला उभ्या असलेल्या गाड्या आणि दुचाकींना, तसेच समोरुन येणाऱ्या पादचाऱ्यांना धडक दिली. त्यामुळे परिसरात एकच गोंधळ उडाला. अपघातानंतर कार चालक गाडी सोडून पळून गेला. घटनास्थळी अनेकजण जमा झाले. जमावाने कारची तोडफोड केली. जमाव आक्रमक झाल्यामुळे आसपासच्या पोलीस स्टेशनमधून अतिरिक्त कुमक मागवण्यात आली. डीसीपी राशी डोगरा डुडी यांनी सांगितले की, कार चालक उस्मान खान (वय ५५, रा. शास्त्री नगर) याला अटक करण्यात आली आहे. त्यानंतर जमाव शांत झाला. आरोपी चालक उस्मान खान याची विश्वकर्मा येथे लोखंडाची फॅक्टरी असल्याचे सांगितले जात आहे. दरम्यान, चालक मद्यधुंद अवस्थेत होता, अशी माहिती पोलिसांनी दिली.

प्रत्यक्षदर्शींनी सांगितले की, कार चालकाने नाहरगड पोलीस स्टेशनच्या चौकात सर्वात आधी एका स्कूटरला आणि एका पादचाऱ्याला धडक दिली. त्यानंतर कार संतोषी माता मंदिराच्या दिशेने वेगाने नेली. तिथे त्याने एका बाईकला आणि एका पादचाऱ्याला धडक दिली. यानंतर, थोड्याच अंतरावर एका व्यक्तीला धडक मारली आणि त्यानंतर तो कार सोडून पळून गेला. अपघातामध्ये एक बाईक कारच्या समोर अडकली. चालकाने बाईक अडकलेली असतानाही कार चालवत नेली. त्यामुळे रस्त्यावर ठिणग्या पडू लागल्या होत्या. कारने चिरडल्याने एका व्यक्तीचा जागीच मृत्यू झाला.

नाहरगड पोलीस स्टेशनमधील पोलिसांनी सांगितले की, “मोठा आवाज ऐकून आम्ही बाहेर धावलो, तोपर्यंत कार चालकाने एका स्कूटरला धडक मारली होती आणि एका पादचाऱ्याला चिरडले होते. तो वेगाने कार चालवत होता आणि समोर येणाऱ्या प्रत्येकाला धडक मारत होता. जखमींना तात्काळ गणगौरी रुग्णालयात दाखल करण्यात आले. तेथून चार जणांना एसएमएस रुग्णालयात रेफर करण्यात आले.”

या अपघातात अवधेश पारीक (वय 35) आणि ममता कंवर (वय 50), वीरेंद्र सिंह (वय 45, ममता यांचे भाऊ) यांचा मृत्यू झाला. तर, मोनेश सोनी (वय 28), दीपिका सोनी (वय 17), मोहम्मद जलालुद्दीन (वय 44), विजय नारायण (वय 65), जेबुनिशा (वय 50) आणि अंशिका (वय 24) हे जखमी झाले आहेत. अपघातात 2 लहान मुलेही जखमी झाली आहेत.

The post संतापजनक! मद्यधुंद कार चालकाची समोर येणाऱ्या प्रत्येकाला धडक, अनेकांना चिरडले, तिघांचा मृत्यू appeared first on थोडक्यात घडामोडी.

नवी दिल्ली : भारताचा माजी क्रिकेटपटू प्रवीण कुमार यांच्या कारचा अपघात झाला आहे. क्रिकेटपटूच्या कारला कंटेनरने जोरात धडक दिली आहे. यावेळेस क्रिकेटपटू प्रवीण कुमार यांचा मुलगाही त्याच्यासोबत होता. सुदैवाने, क्रिकेटर आणि त्याच्या मुलाला गंभीर दुखापत झाली नसून दोघेही सुखरूप आहेत.

मिळालेल्या माहितीनुसार, भारताचा माजी क्रिकेटपटू प्रवीण कुमार यांच्या कारला कंटेनरने धडक दिली. यावेळी क्रिकेटर आणि त्याचा मुलगा कारमध्ये होते. प्रवीण कुमार हे बागपत रोडवरील मुलतान नगरमध्ये राहतात. प्रवीण कुमार रात्री १०.३० च्या सुमारास कारमधून पांडवनगरकडे जात होते, प्रवीण कुमार आयुक्तांच्या निवासस्थानाजवळ पोहोचले असता समोरून येणाऱ्या कंटेनरने त्यांच्या कारला जोरदार धडक दिली. यामध्ये क्रिकेटपटूच्या गाडीचे नुकसान झाले. अपघातानंतर घटनास्थळी मोठी गर्दी झाली होती. लोकांनी कंटेनर चालकाला पकडून नंतर पोलिसांच्या ताब्यात दिले. पोलिसांनी कंटेनर चालकाला पोलिस ठाण्यात नेले.

३६ वर्षीय प्रवीण कुमार भारतीय क्रिकेट संघासाठी तिन्ही फॉरमॅटमध्ये आंतरराष्ट्रीय क्रिकेट खेळले आहे. प्रवीण कुमार सध्या क्रिकेटपासून दूर आहेत, पण ते अनेक वर्षे टीम इंडियाकडून खेळले आहेत. त्यांनी ६ कसोटीत २७ विकेट, ६८ एकदिवसीय सामन्यात ७७ विकेट आणि १० टी-२० सामन्यात ८ विकेट घेतले. २००७ मध्ये पदार्पण करणाऱ्या प्रवीण कुमारने शेवटचा आंतरराष्ट्रीय सामना २०१२ मध्ये खेळला होता, जेव्हा ते केवळ २५ वर्षांचे होते. प्रवीणने शेवटचा खेळलेला आंतरराष्ट्रीय सामना हा २०१२ मध्ये जोहान्सबर्ग येथे दक्षिण आफ्रिका क्रिकेट संघाविरुद्ध टी-२० सामना होता.

The post क्रिकेटपटू प्रवीण कुमार यांच्या कारला कंटेनरची धडक, थोडक्यात बचावले… appeared first on थोडक्यात घडामोडी.

नवी दिल्ली : क्रिकेटर ऋषभ पंतचा आज पहाटे भीषण अपघात झाला आहे. दिल्ली देहराडून रस्त्यावर कारवरील नियंत्रण सुटल्याने त्याची कार दुभाजकाला धडकली आणि नंतर गाडीने पेट घेतला. अपघात एवढा भीषण होता की कार पूर्णत: जळून खाक झाली. या अपघातातून ऋषभ थोडक्यात बचावला असून गंभीर जखमी झाला आहे. त्याच्या हाता-पायाला, डोक्याला आणि पाठीला गंभीर जखमा झाल्यात. त्याला अपघात स्थळाजवळील एका रुग्णालयात दाखल करण्यात आलं आहे.

नारसन बॉर्डरजवळ पहाटे साडे पाच वाजताच्या सुमारास ऋषभच्या मर्सिडीज कारचा अपघात झाला. ऋषभ पंत स्वत: गाडी चालवत होता. झोपेत असल्यामुळे त्याचे गाडीवरील नियंत्रण सुटले. त्यानंतर गाडी रस्त्यावरील लोखंडी रेलिंग तोडून दुभाजकावर जोरात आदळली. यादरम्यान कित्येक वेळा गाडीने पलटी मारल्या. गाडीने रेलिंगला जोरदार धडक दिल्याने कारला आग लागली. कारचा बोनेटसह पुढचा भाग पूर्णपणे जळून खाक झाला आहे. मात्र, ऋषभ पंतने वेळीच गाडीच्या खिडकीतून बाहेर उडी मारली आणि त्याचा जीव थोडक्यात वाचला.

No serious injuries to the cricketer, says doctor!#RishabhPant #Cricket #GetWellSoon pic.twitter.com/6WspbVPdhd

— Sportiqo (@sportiqomarket) December 30, 2022

ऋषभ पंतला रुरकी येथील हॉस्पिटलमध्ये भरती करण्यात आलं असून त्याच्यावर उपचार सुरु आहेत. या अपघातात ऋषभ पंत गंभीर जखमी झाला आहे. त्याच्या पाठीवर खोलवर जखमा झाल्या आहेत. त्याच्या पायाला गंभीर दुखापत झाल्याचे डॉक्टरांचे म्हणणे आहे. त्याच्यावर प्लास्टिक सर्जरी करण्याबाबतचे अपडेट देखील समोर येत आहेत. सध्या ऋषभ पंतची प्रकृती स्थिर आहे, अशी माहिती डॉक्टरांनी दिली.

मुख्यमंत्री पुष्करसिंग धामी यांनी जातीने लक्ष घालून डॉक्टरांना उपचारासंदर्भात योग्य त्या सूचना दिलेल्या आहेत, तसेच ऋषभवरील उपचाराचा सगळा खर्च उत्तराखंड सरकार करेल, अशी घोषणाही केली आहे.

The post क्रिकेटर ऋषभ पंतचा भीषण अपघात, अपघातानंतर ऋषभने गाडीतून बाहेर उडी मारली आणि… पहा Video appeared first on थोडक्यात घडामोडी.

युक्रेन : युक्रेनचे राष्ट्राध्यक्ष वोलोडिमिर झेलेन्स्की गुरुवारी पहाटे युद्ध क्षेत्राला भेट देऊन राजधानी कीवला परतत असताना त्यांची कार दुसऱ्या वाहनाला धडकली. सुदैवाने, या अपघातात त्यांना गंभीर दुखापत झाली नाही. झेलेन्स्की यांचे प्रवक्ते, सेर्गी निकिफोरोव्ह यांनी सांगितले की, झेलेन्स्की खार्किव प्रदेशातून कीवला परतत होते, जिथे ते इझियम शहरात त्या युक्रेनियन सैनिकांना भेटण्यासाठी आले होते, ज्यांची रशियन सैन्याकडून सुटका करण्यात आली होती.

फेसबुक पोस्टमध्ये, निकिफोरोव्ह म्हणाले की कीवमध्ये एक प्रवासी वाहनाची राष्ट्रपतींच्या ताफ्याला धडक झाली. ते म्हणाले की झेलेन्स्की यांच्या वैद्यकीय पथकाने प्रवासी वाहनाच्या चालकावर प्राथमिक उपचार केले, त्यानंतर त्याला रुग्णवाहिकेने रुग्णालयात नेण्यात आले. वाहतूक अपघात नेमका कधी झाला हे त्यांनी स्पष्ट केले नाही. निकिफोरोव्ह यांच्या म्हणण्यानुसार, वैद्यकीय पथकाने राष्ट्राध्यक्ष झेलेन्स्की यांची तपासणी केली असून त्यांना कोणतीही गंभीर दुखापत झाली नाही. निकिफोरोव्ह यांच्या म्हणण्यानुसार, अपघाताची कारणे आणि परिस्थिती तपासली जात आहे.

The post युक्रेनचे राष्ट्राध्यक्ष झेलेन्स्की यांच्या कारला युद्धक्षेत्रातून परतत असताना अपघात appeared first on थोडक्यात घडामोडी.

सोलापूर : सोलापूर जिल्ह्यातील माळशिरस मतदारसंघाचे भाजप आमदार राम सातपुते यांच्या गाडीला अपघात झाला आहे. राम सातपुते यांनीच फेसबुकवर व्हिडिओ शेअर करुन गाडीचा टायर फुटल्याने हा अपघात झाल्याची माहिती दिली आहे. “मी सुखरूप आहे, मला कसल्याही प्रकारची इजा झालेली नाही. आतापर्यंत केलेलं काम आणि लोकांच्या आशीर्वादामुळे मी थोडक्यात बचावलो”, अशी प्रतिक्रिया अपघातानंतर त्यांनी दिली आहे.

आपल्या पक्षाची रोखठोक आणि आक्रमक पद्धतीने बाजू मांडण्यासाठी राम सातपुते यांची राज्यभरात ओळख आहे. विरोधी पक्षनेते देवेंद्र फडणवीस यांचे निकटवर्तीय म्हणूनही त्यांना ओळखलं जातं. आज विविध कामांसाठी मतदारसंघात ते गाडीने प्रवास करत असताना त्यांच्या गाडीला अपघात झाला. सुदैवाने कोणालाही इजा झालेली नाही.

अपघातानंतर राम सातपुते यांनी व्हिडिओ जारी करत म्हटलं आहे, “मतदारसंघातील प्रवासादरम्यान माझा अपघात झाला. यामध्ये गाडीचे तीन टायर फुटले. परंतु जनता जनार्दनाच्या आशीर्वादाने, आजपर्यंत माझ्या हातून जे काही पुण्य घडलं तसेच पांडुरंगाच्या कृपेने मी या अपघातातून सुखरूप बचावलो. तालुक्यातील जनतेच्या आशिर्वादाने माझ्या केसालाही धक्का लागला नाही. मला आणि माझ्या सोबत असणाऱ्या माझ्या सहकाऱ्यांना कुठल्याही प्रकारची इजा अथवा काहीही दुर्घटना घडलेली नाही”. कुणीही काळजी करु नये, असं आवाहन राम सातपुते यांनी केलं आहे.

The post मोठी बातमी! आमदार राम सातपुते यांच्या कारला अपघात, गाडीचे 3 टायर फुटल्याने घडला अपघात appeared first on थोडक्यात घडामोडी.

अहमदनगर : राष्ट्रवादी काँग्रेसचे नगरचे आमदार संग्राम जगताप यांच्या कारचा भीषण अपघात झाला आहे. मुंबई-पुणे एक्सप्रेस वेवर संग्राम जगताप यांची बीएमडब्लू कार आणि एसटीची धडक झाली, या अपघातात संग्राम जगताप यांच्या कारचा चक्काचूर झाला. मात्र, सीट बेल्ट लावलेला असल्याने आणि कारमध्ये अत्याधुनिक सुरक्षा असल्याने जगताप व त्यांचा चालक सुखरूप बचावले.

मिळालेल्या माहितीनुसार, आज पहाटे 5.30 वाजेच्या दरम्यान पुणे-मुंबई एक्स्प्रेस हायवेवर मुंबईपासून काही अंतरावर रसायनी जवळ हा अपघात घडला आहे. जगताप यांच्या गाडीच्या पुढे एक एसटी बस जात होती. ती तिसऱ्या लेनमधून जात होती. मात्र पुढे रस्ता बंद असल्याचे लक्षात आल्यावर एसटी चालकाने अचानकपणे लेन बदलून गाडी थेट पहिल्या लेनमध्ये आणली. लेन बदलून अचानक एसटी बस पुढे आल्याने जगताप यांचा चालक गाडीवर नियंत्रण मिळवू शकला नाही. त्यामुळे कार बसवर मागील बाजूने धडकली. आमदार संग्राम जगताप अपघाताच्या वेळी गाडीमध्ये होते. सुदैवाने या अपघातात कुणीही जखमी झाले नाही.

आज पहाटे ते मुंबईच्या दिशेने निघाले होते. त्यादरम्यान रसायनीजवळ बस आणि कारचा अपघात झाला यात जगताप यांना कोणतीही इजा झालेली नाही. अपघाताची माहिती कळताच पोलीस मदतीला आले. त्यानंतर दुसऱ्या वाहनातून जगताप पुढे रवाना झाले. आता ते मुंबईला पोहोचले आहेत आणि त्यांनी कामही सुरु केले आहे.

The post आमदार संग्राम जगताप यांच्या कारचा भीषण अपघात, जगताप थोडक्याच बचावले appeared first on थोडक्यात घडामोडी.

Andrew Symonds Death : ऑस्ट्रेलियाचा माजी क्रिकेटपटू अँड्र्यू सायमंड्सचा कार अपघातात मृत्यू झाला आहे. ४६ वर्षीय सायमंड्सच्या कारला क्वीन्सलँडच्या टाऊन्सविलेजवळ अपघात झाला. सायमंड्सच्या कारचा अपघात शनिवारी रात्री १०.३० वाजता झाला. यावेळी सायमंड्स स्वतः कार चालवत होता. अचानक त्याची कार रस्ता सोडून उलटली. हा अपघात कसा झाला याचा तपास फॉरेन्सिक क्रॅश युनिट करत आहे, अशी माहिती क्वीन्सलँड पोलिसांनी एका निवेदनातून दिली आहे.

ऑस्ट्रेलियाचा खेळाडू अँण्ड्रयू सायमंड्स हा दोन वेळा विश्वकप जिंकलेल्या टीमचा भाग राहिलेला आहे. त्याने ऑस्ट्रेलिया साठी २६ कसोटी सामन्यांमध्ये प्रतिनिधित्व केलं आहे. त्याची एक दिवसीय सामन्यांमधील कामगिरी चांगली राहिली. त्यानं १९८ एकदिवसीय सामन्यांमध्ये ऑस्ट्रेलियन टीममध्ये प्रतिनिधित्व केलं. यामध्ये त्यानं सहा शतक आणि तीस अर्धशतक लगावली तर गोलंदाजी करताना त्याने एकदिवसीय सामन्यात १३३ विकेट घेतल्या.

२००३ च्या विश्व कप स्पर्धेत जोहान्सबर्गमध्ये पाकिस्तान विरोधात केलेली १४३धावांची खेळी लक्षात राहिली. याशिवाय भारताविरुद्धच्या अंतिम फेरीतील सामने देखील त्याची कामगिरी महत्त्वपूर्ण राहिली. २००७ च्या वेस्टइंडीज मधील वर्ल्डकप मध्ये देखील महत्त्वाची भूमिका बजावली.

रॉड मार्श आणि शेन वॉर्नसारख्या दिग्गजांनी जगाचा निरोप घेतल्यानंतर सायमंड्सचे निधन होणे अत्यंत क्लेशदायक आहे. सायमंड्सच्या निधनामुळे ऑस्ट्रेलियासह जगभरातील क्रिकेट चाहत्यांना धक्का बसला आहे. ‘क्रिकेटसाठी हा आणखी एक दुःखाचा दिवस आहे’, असं ऑस्ट्रेलियाचा माजी कर्णधार मार्क टेलरने म्हटलंय. मैदानावर आणि त्यापलीकडेही आमचे सुंदर नाते होते, असं पाकिस्तानचा दिग्गज खेळाडू शोएब अख्तरने ट्विटमध्ये म्हटलं आहे. ऑस्ट्रेलियासाठी २६ कसोटी सामने खेळलेल्या सायमंड्सने एकदिवसीय क्रिकेटमध्ये उत्कृष्ट कामगिरी केली होती. सायमंड्स हा १९९९-२००७ च्या काळात क्रिकेट विश्वावर राज्य करणाऱ्या ऑस्ट्रेलिया संघाचा महत्त्वाचा भाग होता.

The post ऑस्ट्रेलियाचा माजी क्रिकेटपटू अँड्र्यू सायमंड्सचा कार अपघातात मृत्यू appeared first on थोडक्यात घडामोडी.

मुंबई : बॉलिवूड अभिनेत्री मलायका अरोरा हिचा शनिवारी संध्याकाळी अपघात झाला. वृत्तानुसार, महाराष्ट्रातील खोपोली येथे एक्स्प्रेस वेवर अभिनेत्रीच्या कारला अपघात झाला. मलायका किरकोळ जखमी झाली असून तिला तातडीने जवळच्या अपोलो रुग्णालयात नेण्यात आले.

पोलिसांनी दिलेल्या माहितीनुसार, मुंबई-पुणे एक्स्प्रेस वेवर एक अपघात प्रवण क्षेत्र आहे, तिथे हा अपघात झाला. तीन वाहने एकमेकांवर आदळली असून तीनही वाहनांचे नुकसान झाले आहे. सर्वांना किरकोळ दुखापत झाली आहे, असे खोपोली पोलिस स्टेशनचे पोलिस निरीक्षक शिरीष पवार यांनी सांगितले. पोलीस सध्या या प्रकरणाचा तपास करत आहेत, नंतर एफआयआर दाखल केली जाईल.

पोलिसांनी सांगितले कि, आम्हाला तिन्ही कारचे नोंदणी क्रमांक मिळाले आहेत आणि आता प्रत्यक्षात काय झाले हे समजून घेण्यासाठी आम्ही कारच्या मालकांशी संपर्क साधू. अपघात कसा घडला आणि कोणाची चूक होती याचा तपास केल्यानंतर एफआयआर नोंदविली जाईल.

The post अभिनेत्री मलायका अरोराचा अपघात, अपोलो रुग्णालयात दाखल appeared first on थोडक्यात घडामोडी.

रत्नागिरी : राज्याचे पर्यावरण मंत्री आदित्य ठाकरे यांच्या ताफ्यातील गाडीला अपघात झाला असल्याची माहिती मिळाली आहे. ते आज रत्नागिरी दौऱ्यावर असून रत्नागिरीतील खारेपाटण याठिकाणी त्यांच्या ताफ्यातील गाडीला अपघात झाला आहे. सुमारे 11.30 वाजताच्या सुमारास हा अपघात झाला. या अपघातामध्ये दोन गाड्यांचं मोठं नुकसान झालं असून आदित्य ठाकरे सुखरूप असल्याची माहिती आहे.

कणकवलीतील खारेपाटण चेकपोस्ट येथे आदित्य ठाकरे यांच्या ताफ्यात पोलिस कार, ऍम्ब्युलन्स आणि खाजगी कार होत्या, त्यांच्यापैकी एका कारचा अचानक ब्रेक लावल्यामुळे मागील गाडी त्या गाडीला धडकली आणि हा अपघात झाला.

The post आदित्य ठाकरे यांच्या ताफ्यातील गाड्यांचा अपघात appeared first on थोडक्यात घडामोडी.