ठाणे : ठाणे जिल्ह्यातील भिवंडी येथे एका व्यक्तीने आपल्या पाच वर्षांच्या मुलाला आईला भेटू नये म्हणून सिगारेटने चटके दिले, अशी माहिती पोलिसांनी मंगळवारी दिली. याप्रकरणी मुलाच्या आईने शांतीनगर पोलीस ठाण्यात तक्रार दाखल केली.

भिवंडी येथील शांती नगर पोलीस ठाण्याच्या वरिष्ठ पोलीस निरीक्षक शितल राऊत यांनी सांगितले की, “आरोपी फहीम रिझवान अहमद खान (वय 33) आणि त्याची पत्नी सननुर आलम शेख (वय 29) हे कौटुंबिक वादामुळे वेगळे झाले आहेत आणि त्यांचा मुलगा गेल्या सात महिन्यांपासून त्याच्या वडिलांसोबत राहत होता. सोमवारी मुलाची आई त्याला भेटायला गेली होती. तेव्हा मुलाने आईला सांगितले की त्याचे वडील सिगारेटने त्याच्या शरीरावर चटके द्यायचे, अनेक वेळा मारहाण करायचे आणि तो त्याच्या आईकडे परत जाऊ नये म्हणून त्याच्या मनात दहशत निर्माण करायचे. मुलाच्या आईने मंगळवारी सिगारेटने आपल्या मुलाला जाणीवपूर्वक इजा केल्याबद्दल आरोपीविरुद्ध तक्रार दाखल केली.”

राऊत पुढे म्हणाले की “आम्ही फहिम खानविरुद्ध गुन्हा दाखल केला आहे. आत्तापर्यंत आम्ही त्याला अटक केलेली नाही पण नोटीस पाठवली आहे. नोटीस मिळाल्यानंतर तो स्वत: पोलिसात येईल, अन्यथा आम्हाला त्याला अटक करावी लागेल.

The post ठाण्यात खळबळ! वडिलांनी पाच वर्षांच्या मुलाला दिले सिगारेटचे चटके, धक्कादायक कारण आलं समोर… appeared first on थोडक्यात घडामोडी.

ठाणे : ठाण्यातील भिवंडी परिसरातील समरस चामुंडा कॉम्प्लेक्समधील फर्निचरच्या गोदामाला भीषण आग लागली आहे. घटनेची माहिती मिळताच अग्निशमन दलाच्या ४ गाड्या घटनास्थळी दाखल झाल्या असून आगीवर नियंत्रण मिळवण्याचे प्रयत्न सुरु आहेत. भिवंडी अग्निशमन विभागाकडून मिळालेल्या माहितीनुसार या आगीत अद्याप कोणतीही जीवितहानी झालेली नाही.

The post ब्रेकिंग! भिवंडी परिसरातील फर्निचरच्या गोदामाला भीषण आग appeared first on थोडक्यात घडामोडी.

ठाणे : ठाण्यातील भिवंडी तालुक्यातील वज्रेश्वरी परिसरात एका वृद्ध दाम्पत्याची हत्या झाल्याने एकच खळबळ उडाली आहे. शुक्रवारी मध्यरात्री ही घटना घडली असून, हत्येचे कारण अद्याप अस्पष्ट आहे. पोलिसांनी या प्रकरणी गुन्हा दाखल करून तपास सुरू केला आहे. जगन्नाथ पाटील (८३) आणि सत्यभामा जगन्नाथ पाटील (७५) अशी हत्या झालेल्या वृद्ध व्यक्तींची नावे आहेत.

मिळालेल्या माहितीनुसार, भिवंडी तालुक्यातील तीर्थक्षेत्र वज्रेश्वरी येथील अकलोली परिसरातील पेंढारपाडा येथे हे वृद्ध पती-पत्नी राहत होते. शुक्रवारी मध्यरात्री त्या दोघांचीही धारदार शस्त्राने गळा कापून हत्या करण्यात आली आहे. त्यांच्या घराचा दरवाजा उघडा असल्यामुळे शेजाऱ्यांनी आत जाऊन बघितले असता त्यांना धक्का बसला. दोघे वृद्ध पती-पत्नी घरात रक्ताच्या थारोळ्यात पडलेले होते. शेजाऱ्यांनी तात्काळ पोलिसांना माहिती दिली. पोलिसांनी घटनास्थळी धाव घेत तपास सुरु केला. पोलिसांनी अज्ञात मारेकऱ्याविरोधात गुन्हा दाखल केला.

पोलिसांनी या घटनेचा तपास सुरू केला आहे. वृद्ध महिलेच्या अंगावरील दागिने तसेच होते. चोरीच्या उद्देशाने दरोडेखोर किंवा चोरट्यांनी ही हत्या केली नसून, ओळखीच्या व्यक्तीनेच हे कृत्य केले असावे, असा अंदाज पोलिसांनी व्यक्त केला आहे. मात्र या दाम्पत्याची हत्या का करण्यात आली याचे कारण अद्याप स्पष्ट झालेले नाही.

The post वृद्ध दाम्पत्याच्या हत्याकांडाने ठाण्यात खळबळ, धारदार शस्त्राने गळा कापून हत्या appeared first on थोडक्यात घडामोडी.

भिवंडी: भिवंडीमध्ये पटेल कंपाउंड परिसरात मध्यरात्री साडेतीनच्या सुमारास तीन मजली इमारत कोसळली. ही इमारत जिलानी अपार्टमेंट या नावाने ओळखली जात होती. जिलानी अपार्टमेंट १९८४ मध्ये बांधण्यात आली होती. इमारतीत तीन मजले आणि २१ फ्लॅट (२१ घरे) आहेत. इमारत रात्री कोसळली, त्यावेळी सर्व घरात रहिवासी झोपलेले होते. या दुर्घटनेत आठ जणांचा मृत्यू झाला. इमारतीच्या ढिगाऱ्याखाली आणखी २० ते २५ जण दबले असल्याचा प्राथमिक अंदाज आहे.

घटनास्थळी मदतकार्य सुरू आहे. स्थानिकांनी २० जणांना ढिगाऱ्यातून बाहेर काढून वाचवले. मात्र आणखी काहीजण ढिगाऱ्यात अडकल्याची शक्यता आहे. एनडीआरएफ, अग्नीशमन दल, पोलीस, वैद्यकीय पथक आणि स्थानिक नागरिक मदतकार्यात गुंतले आहेत.

The post भिवंडीत पटेल कंपाउंड परिसरात तीन मजली इमारत कोसळली, ८ ठार appeared first on थोडक्यात घडामोडी.